42
Keyfiyyət;
Etibarlılıq;
Təhlükəsizlik;
Qiymətin inandırıcı olması;
İstehlakçıların seqmentləşdirilməsi;
Qiymətlərin mövsümi differensasiyası;
Endirimlərin differensasiyası sistemi.
Dövlət turizm sahəsinə maliyyə qoyuluşları sahəsində aşağıdakıları əldə edə
bilər:
Maliyyə qoyuluşlarının qısa bir zamanda qaytarılması (4-10 ildə);
Xammaldan istifadə edilmədən milli gəlirin artması;
Əhalinin məşğulluğunun artması;
Valyuta axınının çoxalması.
ÜTT-nin məlumatlarına görə 2005-ci ildə dünya üzrə turizmdən əldə olunan
gəlirlər 680 mlrd. ABŞ dolları təşkil etmişdir. 2005-ci ildə turizm xidmətinin
həcmi dünya üzrə ümumi məhsulun 11%-nə bərabər olmuşdur. Bu da son
onilliklər ərzində bir çox ölkələrdə əhalinin həyat səviyyəsinin yaxşılaşması,
nəqliyyatın və müasir texnologiyaların inkişaf etməsi ilə izah olunur.
Turizm dövlət büdcəsinə çox böyük gəlir gətirən sahələrdəndir. Turizmin
inkişafına dair dövlət büdcəsindən hər il artırılan investisiyalar; dövlətlərarası
bağlanılan ikitərəfli sazişlər və müqavilələr; ölkələrin turizm imkanları və ehtiyat-
ları barəsində informasiyaların daha dolğun şəkildə yayılması; turizmin digər as-
pektləri ilə bağlı problemlərin müzakirə və həll olunması bunu deməyə əsas verir
ki, turizm gəlirli bir sahə kimi daim dünya dövlətlərinin nəzərindədir.
Turizmdən olan gəlirin əmsalı (multiplikator)
Turizm regionun iqtisadiyyatına birbaşa və ya dolayı yolla təsir
göstərir.Birbaşa təsir – turistlərin turizm xidmətlərinin və məhsulunun alınmasına
çəkilən xərcləri ilə baş verir. Yəni otel, qidalanma, əyləncə və s. xidmətlər
müqabilində ödənilən xərclərdir. Müasir cəmiyyətdə hər bir şəxs öz xərclərini pul
43
şə
klində edir.Bir tərəfin xərcləri digər tərəf üçün gəlir yaradır.Turizm
məhsulunun satıcıları turistlərdən aldıqları pulu öz işçilərinə əmək haqqı şəklində
ödəyirlər.İşçilər öz növbəsində həmin pulları yerlərdə məhsullar, xidmətlər əldə
etmək və müxtəlif məqsədlər üçün sərf edirlər.Dövrə təkrarlanır. Turistlərin
xərclədiyi pullar zəncirvari reaksiya, ya gəlir axını və ya dalğa əmələ gətirir: xərc-
gəlir – xərc-gəlir və s. Yəni, turizm məhsul və xidmətlərin təkrar alınması üçün
imkan yaradır. Bu isə turizmin regionun, ölkənin iqtisadiyyatına dolayı təsirini
təmin edir.Turizmin ölkənin, regionun iqtisadiyyatına əmanəti müəyyən yerdə və
müəyyən zamanda məhsul və xidmətə görə turistlərin xərclərinin “təkrar
paylanması” effektində əksini tapır.Gəlir axını içində hər yeni xərclər digər
qruplar üçün gəlir yaratdığından, bu hərəkəti “gəlirin təkrar paylanması”
adlandırmaq olar.Bu cür effekt “multiplikator” adlanır.
Multiplikator (latınca “multiplico” – “artırıram”, “çoxaldıram” deməkdir) –
gəlirin dəyişilməsinin investisiyalarının dəyişilməsindən asılılığını göstərən
ə
msaldır, başqa sözlə, aqreqat kəmiyyəti ilə onun struktur tərkib hissəsi arasında
nisbəti xarakterizə edən əmsaldır.
Multiplikator modelinin sadə formulu iqtisadiyyatda Keyns multiplikatoru
adını alıb:
1
1-B
B – istehlak imkanı, xərcin dəyişkənliyi gəlirin dəyişkənliyinə olan nisbəti
ilə müəyyən edilir.
Multiplikatorun iqtisadi mənası bundan ibarətdir: qapalı iqtisadi məkanda
vahidə çəkilən xərcin səviyyəsinin artması nəticəsində müvafiq gəlir nə qədər
artar.
Turistin istirahət məqsədilə xərclədiyi pul turizm firması üçün gəlirə çevrilir.
Bu gəlir məbləği turizm sənayesinin müəssisələri tərəfindən müxtəlif
məqsədlərə sərf olunur. Zəncirvari reaksiyanın birinci dalğası baş verir:
44
- Turistdən əldə olunan xərc pulu turfirma gəlir kimi əldə edərək xərcləməyə
başlayır. Turizm firması əldə etdiyi gəliri turistlərin yerləşdirilməsinə,
qidalanmasına, nəqliyyatla daşınmasına, ekskursiyaların təşkilinə sərf edir, ofisin
ehtiyaclarını ödəmək üçün dəftərxana ləvazimatı alır, kommunal xidmət və rabitə
müəssisələrinin xidmətlərini ödəyir və s. digər ehtiyaclara sərf edir. Bundan
başqa, həmin gəlirin bir hissəsini də əmək haqqı şəklində işçi personala
ödəyir.Yerləşdirmə obyektində, qidalanma obyektində, nəqliyyat müəssisəsində,
ekskursiya bürosunda eyni hərəkət baş verir.
- Növbəti dalğada yerləşdirmə obyekti əldə etdiyi gəliri öz obyektinin
ehtiyaclarına xərcləyir: təmizlik işlərinin aparılması üçün xərclər, səhər yeməyi
üçün xərclər, kommunal xidmət və rabitə xərcləri və s.
- Qidalanma obyekti qida məhsullarının hazırlanması üçün ərzaq alır,
təmizlik işləri üçün xərclər edir, kommunal və rabitə xidmətlərinin xərclərini
ödəyir və s. Nəqliyyat müəssisəsi, ekskursiya bürosu da eyni xərclər edir.
Hər bir müəssisə personala zəhmət haqqı ödəyir.
- Əldə olunmuş gəlirin bir hissəsi sahibkarlıq fəaliyyəti müqabilində vergi
şə
klində büdcəyə ödənilir, bir hissəsi isə personala hesablanmış əmək haqqıdan
sosial müdafiə fonduna ayırma şəklində ödənilir.
- Gəlirin bir hisəsi ehtiyat (inkişaf) fondu şəklində müəssisələr tərəfindən
depozit hesablarda banklarda saxlanılır, müxtəlif səhmlər alınır və s.
Zəncirvari reaksiyanın ikinci dalğası zamanı personal əldə etdiyi zəhmət
haqqını öz ehtiyacları üçün ərzaq və sənaye malları alır, ev təsərrüfatı üçün
müəyyən xərclər edir. Zəhmət haqqının bir hissəsini isə əmanət formasında ya
bankda, ya da evdə saxlayır. Ərzaq, sənaye, təsərrüfat malları satan dükanlar
turizm müəssisələri tərəfindən əldə etdikləri gəliri öz ticarət ehtiyaclarına,
personalın zəhmət haqqına və digər ehtiyaclara ödəyirlər. Amma yenə də gəlirin
bir hissəsini vergi və sosial sığorta şəklində ödəyirlər. Gəlirin daha bir hissəsini
isə ya ehtitat, ya da inkişaf fondunda əmanət şəklində saxlayırlar.
Dostları ilə paylaş: |