124
“qərbliləşmə” kimi müxtəlif adlarla düşmüşdür. Bu istiqa-
mətdə məlum olan dəyişmələr əsasən XX əsrdə baş vermiş-
dir. Ancaq Türkiyədə bu proses XIX əsrin əvvəllərindən
başladılmışdı. XIX əsrdən imperatorluğun çökməsinə qədər
Türkiyədəki modernləşmə təcrübələrinin başlıca özəlliyi
özünü qərbliləşmə siyasətində büruzə verirdi. Bunun mənası
Qərblə tarazlaşdırılmış hərbi və siyasi bir rol oynama
səyindən ibarət idi. Bu səbəblə Osmanlı modernləşməsi XIX
əsrdə əsasən hərbi və siyasi sahələrə istiqamətlənmiş, bir sıra
məhdud fəaliyyətlər istisna olmaqla, ictimai həyatın qərbli
formalara uyğun olaraq uyğunlaşdırılması müzakirə mövzu-
su olmuşdur. Başqa bir xüsusiyyət isə bu idi ki, qərbliləş-
məyə bir kənar məcburiyyət nəticəsində deyil, dövlətin
təşəbbüsü və siyasi iradəsi ilə başlanılmış və imperatorluq
sisteminin mühafizə ediləcəyi bir modernləşmə fəaliyyətləri-
nə rəvac verilmişdir. Tədqiqatçıların qənaətinə görə Qərbdən
kənar cəmiyyətlərdə modernləşmənin bu formasının analoqu
olmamışdır (120, s. 53). İstər Osmanlı, istərsə cümhuriyyət
döv
ründəki qərbliləşmə hərəkatlarının əhəmiyyətli bir xüsu-
siyyəti özünü, dəyişikliklərin ilk növbədə “dövlət səviyyə-
sin
də” və dövlətin təşəbbüsü ilə gerçəkləşdirilmiş olmasında
göstərirdi. Osmanlı qərbliləşmə fəaliyyətinə girişdiyi andan
sonunadək bir “dünya dövləti” olma özəlliyini qorumuşdur.
Bu səbəblə də, Osmanlıdan sonrakı yeni Türkiyənin mühüm
bir təcrübə və mirasa sahib olduğunu söyləyə bilərik.
Bunun əksinə olaraq isə Azərbaycandakı modernləşmə
təşəbbüsləri fərqli xüsusiyyətlərə malik olmuşdur. İlk növ-
bədə o dövrdə Azərbaycan, Çar Rusiyasının müstəmləkəsi
halında idi. Ölkə Rusiyadan təyin edilən səlahiyyətlilər
tərəfindən idarə edilirdi. Buna görə də Qafqazda “cədidçilik”
adı ilə başlayan modernləşmə hərəkatları Çar İmperiyasın-
dan haqq tələbləri ilə başlamış və getdikcə imperiya siste-
mindən ayrılma istiqamətində inkişaf etmişdir. Türkiyədən
125
fərqli olaraq Qafqazda qərbliləşmə fəaliyyətlərinə cəmiyyəti
də ortaq etmək zərurəti yaranmışdır. Bu səbəblə ictimai
islahatlar üstünlük təşkil etmişdir. Azərbaycandakı moder-
nləşmə prosesi “dövlət səviyyəsində” deyil, qabaqcıl cəmiy-
yət qurumları, təbəqələri, mütərəqqi fikirli ziyalılar tərəfin-
dən gerçəkləşdirilmişdir. Buna görə də, Türkiyədəki qərbli-
ləşmə prosesinin fasiləsizliyinin əksinə olaraq, Azərbaycan-
dakı qərbliləşmə prosesi ciddi nəticələr verməmiş, bəzi
kəsintilərə məruz qalmış, müxtəlif əngəllərlə qarşılaşmışdır.
Türkiyədən fərqli olaraq Azərbaycanın XX əsrdəki modern-
ləşməsi daxili deyil, daha çox kənar təsirlərlə istiqamətlənən
bir mahiyyət kəsb etmişdir. Azərbaycan on illik çox qısa bir
zaman ərzində öncə Osmanlı və Almaniya, daha sonra mü-
vəqqəti bir müddətdə İngilis nəzarətində olmuş, Azərbaycan
Xalq Cümhuriyyətinin iki illik (1918-1920) mövcudluğun-
dan sonra, bolşeviklərin Qafqazda hakimiyyəti ələ keçir-
mələri ilə 70 illik sovet dövrü başlamışdır. Bu müddət ərzin-
də Azərbaycan dünyaya əsasən qapalı qalmış, modernləşmə
prosesi mərkəzi hakimiyyətin siyasətinə uyğun olaraq təyin
edilmişdir. Belə bir fərqli tarixi gedişat Türkiyə ilə Azərbay-
candakı modernləşmə hərəkatının da fərqli xüsusiyyətlər
kəsb etməsinə səbəb olmuşdur.
Bir tərəfdən müasirləşmə ehtiyacının “yuxarılar” tərəfin-
dən deyil, “aşağılardan” başladılması, digər tərəfdən də pro-
sesin təzyiqlər və məhdudiyyətlər şəraitində davam etdiril-
məsi Azərbaycan mədəni həyatına Türkiyədən fərqli təsirlər
göstərmişdir. Azərbaycan türklərinin tarixən formalaşan
milli və əxlaq düşüncəsinə təsir edə bilən ziyalı dəstəsini
tarixi şərait, dövlətsizlik və maarifsizlik yox etməkdə idi.
Yeni ziyalı dəstəsi formalaşmağa başlasa da, bunlar sayca
az, keyfiyyətcə isə çox şaxəli idi. Azərbaycan ziyalıları mə-
dəni tərəqqi yolunda müasirləşmə ehtiyacını zəruri saydıqları
üçün durmadan axtarışda idilər (23, s. 181). Bu fərqli
126
düşüncələr arasından seçim aparmağın çətinlikləri içərisində
tərəqqiyə heç bir ayaq yeri qoymayan adət-ənənələr xüsusi
vurğulanmalıdır. Xalqımızda tarixən tərbiyə olunan ədəb-
ərkan: kiçiyin böyük qarşısında, nadanın müdrik qarşısında
susması ifrat bir şəkil almışdı. H.Zərdabi məqalələrinin
birində yazırdı ki, azərbaycanlı tələbələr küçədə gimnazist
paltarında görünməyə çəkinirdilər, onlar paltarlarını elə
gimnaziyada saxlayıb, orada dəyişirdilər. Bakı müsəlmanları
gimnaziyalarda oxuyanları, nəinki papağını, hətta ayaqqabı-
sını dəyişənləri, faytona minənləri də dinsiz, imansız sayır-
dılar. Ə.Ağaoğlu da bu ifrat “ədəb-ərkan”dan narahatlığını
ifadə edərək yazırdı ki, təvazökarlıq köləliyə gətirib
çıxartmışdır, hörmət naminə susmaq isə düşüncədən imtina
şəklini almışdır (83, s. 41).
Tədqiqatçılar adətən Türkiyə və Azərbaycan ziyalılarını
müasirləşməyə münasibətləri baxımından üç qrupa ayırırlar.
Bizi
m qənaətimizə görə bu bölgü ümumi mənzərəni tamlıqla
ifadə etmək üçün o qədər də yetərli deyil. Çünki müasirləş-
mə zərurətini etiraf edən və bu yolda təşəbbüskar fəaliyyəti
ilə seçilən elə ziyalılar olmuşdur ki, zamanına görə fərqli
fikirlər söyləmişlər. Bəzən bu fikirlər bir-biri ilə daban-
dabana ziddiyyət də təşkil etmişdir. Aşağıdakı verəcəyimiz
nümunələrdən də görəcəyimiz kimi, bu bölgüdə tədqiqatçılar
arasında da qəti bir fikir həmrəyliyinin olduğunu söyləyə
bilmirik. Ona görə də biz həmin bölgünün yalnız şərti
xarakter daşıması məntiqindən çıxış edəcəyik.
Şərti hesab etdiyimiz bu üç fikir cərəyanlarının tarixi
araşdırılanda görürük ki, fikir adamlarının hamısı öncə müa-
sirləşmək ehtiyacını duyanlardır. Z.Göyalpa görə, hələ üçün-
cü Sultan Səlim dövründə başlayan bu təmayülə II Məşru-
tədən sonra islamlaşmaq əməli də qatıldı. Son zamanlarda
isə türkçülük cərəyanı çıxdı. “Müasirləşmək (modernizas-
yon) fikri ziyalılara görə əsaslı bir norma sayıldığı üçün
Dostları ilə paylaş: |