|
![](/i/favi32.png) MühaziRƏ 1 Mülkü müdafiənin əsasları, qüvvə və vasitələriMÜHAZİRƏ 5
Zəhərləyici və güclü tə'sirli zəhərli maddələr. (Kimyəvi silah)
|
səhifə | 20/78 | tarix | 29.03.2023 | ölçüsü | 4,5 Mb. | | #103596 |
| mülki müdafiəMÜHAZİRƏ 5
Zəhərləyici və güclü tə'sirli zəhərli maddələr. (Kimyəvi silah)
Kimyəvi silah kütləvi qırğın silahlarından biri olub zəhərləyici maddələrə və onları tətbiq etmək üçün istifadə olunan vasitələrə deyilir. Kimyəvi silahın esasını zəhərləyici maddələr (ZM) təskil edir.
Kimyəvi silahın ən vacib xüsusiyyətləri aşağıdakılardır:
– maddi sərvətləri məhv etmədən canlı qüvvələri zədələmək imkanı: ZM-in maddi sərvətlərə təsiri onların zəhərlənməsi ilə məhdudlaşır ki, bu da onlardan istifadəni çətinləşdirir;
– geniş sahələri zəhərləmək və zədələyici təsirini uzun müddət saxlamaq qabiliyyəti;
– zəhərlənmənin sürətlə baş verməsi və zədələnmənin ağır olması; – istehsalın nisbətən ucuz başa gəlməsi. Məlum olan bütün zəhərləyici maddələr orqanizmə təsirinin xarakterinə görə (toksikoloji təsnifatı), döyüş təyinatına və ərazidə zəhərlənmənin davamlığına görə (taktiki təsnifatı) qruplara ayrılır.
Zədələyici xüsusiyyətlərinə görə ZM digər döyüş vasitələrindən fərqlənir. Onlar hava ilə müxtəlif tikililərə, zirehli texnikaya və digər döyüş texnikasına daxil olur və insanlara zədələyici təsir göstərir; ZM havada, ərazidə və müxtəlif obyektlərdə uzun müddət öz zəhərləyici təsirini saxlaya bilir; böyük həcmli hava kütlələri iri sahələrə yayılaraq onların təsir sahəsində olan bütün mühafizə olunmayan insanlara zədələyici təsir göstərir; ZM buxarları külək istiqamətində kimyəvi silahın bilavasitə tətbiq edildiyi sahədən çox uzaq məsafələrə yayılır. Kimyəvi silahı tətbiq etdikdə ZM döyüş vəziyyətinə gətirilir( buxar, aerozol, damcı).
Hava yoluxması havanın vahid həcminə düşən ZM-in miqdarı ilə xarakterizə olunur. ZM-in zədələyici toksiki dozası insan orqanizmində müəyyən zədələnmə törədir.
Kimyəvi silahlar aşağıdakı xüsusiyyətlərinə görə təsnif olunur:
a) taktiki təyinatına görə;
b) təsir sürətinə görə;
c) təsir müddətinə görə;
d) tətbiq vasitələrinə görə;
e) insan orqanizminə təsir xarakterinə görə.
Dostları ilə paylaş: |
|
|