-sülh və müharibə dövrlərində admların həyatı, sağlamlığı üçün təhlükə yarandığı
barədə və belə şəraitdə davranış qaydaları haqqında əhalinin vaxtında xəbərdar
edilməsi və belə şəraitdə davranış qaydaları haqqında əhalinin vaxtında xəbərdar
edilməsi;
-fövqəladə halların nəticələri aradan qaldırılarkən qəza-xilasetmə və digər
təxirəsalınmaz işlərin təşkili və yerinə yetirilməsi;
-FHN-nin orqanlarının rəhbər heyətinin, idarəetmə orqanları və qüvvələrinin
fövqəladə hallarda mühafizəyə və fəaliyyət üsullarının əhaliyə öyrədilməsinin
təşkili;
-sülh və müharibə dövrlərindəki fövqəladə hallarda təsərrüfat sahələrinin,
müəssisələrinin, idarə və təşkilatların sabit fəaliyyətinin təmin olunmasına
yönəldilmiş tədbirlərin, xüsusən də mülki müdafiənin mühəndis -texniki və digər
tədbirlərin hazırlanmasında, həyata keçirilməsində iştirak etməkdir.
Sadalanmış vəzifələrin hamısı vacibdir və kompleks həll edilməlidir.
3.4. Sülh mənşəli Föqəladə hallarda fəaliyyət göstərən Dövlət sistemi və
vəzifələri.
Azərbaycan Respublikası Nazirlər Kabinetinin 1992-ci il 30 aprel tarixli 239 saylı
qərarı ilə “ Fövqəladə halların qarşısının alınması və belə hallarda fəaliyyət üzrə
Azərbaycan Dövlət Sistemi” yaradılmış, onun tərkibini, vəzifələrini, fəaliyyət
qaydalarını müəyyən edən Əsasnamə və digər normativ sənədlər təsdiq edilmişdir.
Bu sistem ərazi üzrə Respublikanın bütün şəhər, rayon və digər yaşayış
məntəqələrini; təsərrüfat sahələri üzrə isə bütün nazirlikləri, dövlət komitələrini,
baş idarələri və hər cür iqtisadiyyat obyektlərini əhatə edir.
Səlahiyyət dairələrinin vəvifələri bunlardır:
-ətraf mühitdə və təhlükə potensiallı obyektlərdə müşahidə və nəzarəti təşkil
etmək;
-yarana biləcək vəziyyəti proqnozlaşdırmaq və qiymətləndirmək;
-fövqəladə hadisələrın qarşısını almaq üçün profilaktik tədbirlər görmək;
-fövqəladə halların qarşısını almaq və nəticələrini zəiflətmək məqsədilə profilaktik
tədbirləri görmək, xilasetmə işləri aparmaq üçün qüvvələr hazırlamaq, zərər
çəkmiş əhaliyə yardım üçün lazımı maddi-texniki vəsait ehtiyatları yaratmaq;
-fövqəladə hallar barədə xəbər və məlumatların bütün əhaliyə vaxtında
çatdırilmasını təmin etmək;
-fövqəladə hadisələrin aradan qaldırılması işini təşkil etmək və ona rəhbərlik
etmək.
Qeyd etmək lzımdır ki, fövqəladə komissiyalar daimi fəaliyyət göstərən
komissiyalardır; onlar həmişə hazır olmalı, lazım gəldikdə dərhal fəaliyyəti təşkil
etməlidirlər.
3.5. Mülki Müdafiə xidmətləri, qüvvələri, onların təyinatı və yaradılması.
Mülki müdafiə qüvvələri mülki müdafiənin qoşun hissələrindən, ştatlı qəza-
xilasetmə dəstələrindən, hərbiləşməmiş mülki müdafiə dəstələrindən, həmçinin
nazirliklərin, baş idarələrin və icra hakimiyyəti başçılarının tabeliyində qalmaqla
xüsusi mülki müdafiənin vəzifələrinin yerinə yrtirilməsinə cəlb olunan müxtəlif
dəstələrdən, təşkilatlardan və idarələrdən ibarətdir.
Mülki müdafiə qüvvələri FH-in nəticələrini aradan qaldırarkən QX və DTİ yerinə
yetirmək, bu işləri təmin etmək, eləcə də mülki müdafiə üzrə başqa vəzifələri icra
etmək üçündür. Mülki müdafiə qüvvələrinin əsasını hərbiləşməmiş dəstələr təşkil
edir. Bunlar sülh və müharibə vaxtı yerinə yetiriləsi tədbirlərdə iştirak edən mülki
müdafiə qüvvələrinin sayca ən böyük hissələridir.
Xatırladaq ki, mülki müdafiə dəstələri ərazi –istehsalat prinsipi üzrə Naxçıvan
Muxtar Rspublikasında, rayonlarda, şəhərlərdə, obyektlərdə və yaşayış
məntəqələrində yaradılır.
Mülki müdafiə dəstələri tabeliyinə və məqsədinə görə aşağıdakı növlərə bölünür:
Tabeliyinə görə - ərazi dəstələri və obyekt mülki müdafiə dəstələri.
Yerinə yetirdikləri vəzifələrə görə - obyektlərdə ümumi məqsədli mülki müdafiə
dəstələri, xidmət dəstələrin (xüsusi məqsədli dəstələr), kimyəvi təhlükəli
obyektlərdə isə ixtisaslaşdırılmış dəstələr yaradılır.
Ümumi məqsədli dəstələr zədələnmə ocağında xilasetmə işləri aparmaq, təbii
fəlakətlərin və istehsalat qəzalarının nəticələrini aradan qaldırmaq üçün nəzərdə
tutulur.
Mülki müdafiə xidmət dəstələri – xüsusi təyinatlı dəstələr kəşfiyyat, tibbi yardım,
yanğınsöndürmə, rabitə, dozimetrik və kimyəvi nəzarət və s. xidmət dəstələri
sayılır.
4.1.Sülh dövründəki Fövqəladə Hallar və Dövlət sisteminin müxtəlif rejimdə
iş fəaliyyəti.
Hər cür təbii fəlakət və istehsalat qəzası nəticəsində yaranan vəziyyətə sülh
dövründəki fövqəladə hallar deyilir. Belə hallarda əhalinin normal həyat fəaliyyəti
pozulur, onların nəticələri isə adamlara, ətraf mühitə və təsərrüfat obyektlərinə
ciddi zərər yetirə bilər. Yaranan vəziyyətdən asılı olaraq Dövlət fəaliyyət sistemi
müvafiq daimi Fövqəladə Hallar Nazirinin qərarı əsasında üç müxtəlif rejimdə
işləyə bilər:
Birinci rejim- gündəlik fəaliyyət Respublikanın ərazisində, o cümlədən də
rayonda (obyektdə) sənaye–istehsalat fəaliyyəti, radiasiya-kimyəvi şərait, həmçinin
seysmik, hidrometroloji, sanitar–epidemik vəziyyət normal olan hallarda. Bu
zaman rayonlarda, obyektlərdə planlı surətdə ətraf mühitə potensiallı obyektlərdə
daimi müşahidə aparılır, ehtimal edilə bilən fövqəladə halların qarşısını almaq,
əhaliyə müvafiq proqramlar əsasında mühafizə və s. digər hazırlıq işləri görülür;
İkinci rejim- yüksək hazırlıq rejimidir, bu rejimə fövqəladə hallar baş verəcəyi
barədə proqnoz alınarkən, normal istehsal fəaliyyəti, radiasiya, kimyəvi şərait,
epidemik vəziyyət və s. pisləşərkən keçilir.
Üçüncü rejim – sistem bu rejimə fövqəladə hallar baş verərkən və onların
nəticələri aradan qaldırılarkən FHN-nin müvafiq orqanları və daimi komissiyasının
qərarı ilə keçirilir. Bu zaman:
-əhalinin mühafizəsi təşkil edilir;
-qüvvə və vasitələr fəlakət yerlərinə gətirilir və xilasetmə işlərinə cəlb edilir;
-baş vermiş fəlakətlərin nəticələri aradan qaldırılır;
-ətraf mühitdə şəraitin dəyişməsinə daimi və ciddi nəzarət qoyulur.