Mundarija: kirish

Xodimlarni sertifikatlashtirish bo’yicha akkreditlangan idoralar quyidagi asosiy vazifalarni amalga oshiradi:

• sertifikatlashtirishni o’tkazishga kontrakt tuzish va arizalar tahlilini o’tkazadi;

  
  

• xodimlarni sertifikatlashtirish usullarini ishlab chiqadi;

  
  

• xodimlar layoqatligini baholash va testlarni o’tkazadi;

  
  

• layoqatlik sertifikatini rasmiylashtirish, topshirish yoki tan olish;

  
  

• sertifikatlashtirilgan xodimlarning inspektsiya nazoratini amalga oshiradi;

  
  

• sertifikatlashtirish natijalari to’g’risida ma’lumot beradi.

  
  

Sertifikatlashtirishga ariza beruvchi, ta’lim oluvchi xodim, tashkilotidan hamda xodim xizmati iste’molchilaridan mustaqil bo’lgan idoralar xodimlarini sertifikatlashtirish bo’yicha idora sifatida akkreditlanadi.

Nazorat idoralari quyidagi asosiy vazifalarni amalga oshiradi:

• sertifikatlashtirilgan mahsulot va sertifikatlashtirish qoidalariga rioya qilish ustidan nazorat o’tkazish;

  
  

• sertifikatlashtirish bo’yicha idoralar va sinov laboratoriyag’markazlari faoliyatlarini milliy akkreditlashtirish idorasi topshirig’i bo’yicha nazorat o’tkazish;

  
  

• buyurtmachilarning buyurtmalariga muvofiq ob’ektlarni tahlil qilish va baholash hamda to’g’rilovchi tadbirlarini nazorat qilish;

  
  

• nazorat natijalari bo’yicha appelyatsiyalarni ko’rib chiqish.

  
  

2.3. Sertifikatlashtirishni amalga oshirishning umumiy bosqichlari

Sertifikatlash milliy tizimi doirasida sertifikatlashtirish ishlari arizachi tomonidan tanlangan sertifikatlashtirish sxemasi bo’yicha aniqlangan tizim doirasida olib boriladi. Sertifikatlashtirish tartibi va uning o’rnatilgan qoidalari mavjud bo’lib, sertifikatlashtirishning asosiy bosqichlarini sertifikatlashtirish ob’ekti va turlariga bog’liq bo’lmagan o’zgarmas jarayon deb hisoblash mumkin. Odatda, qabul qilingan va sertifikatlashtirish jarayonining umumiy sxemasi 2.2-rasmda keltirilgan. Buni quyidagi beshta asosiy bosqichlarga bo’lish mumkin:

1. Sertifikatlashtirishga ariza.

2. Sertifikatlashtirish bo’yicha qaror qabul kilish.
3. Sertifikatlashtirish ob’ektini o’rnatilgan talablarga muvofiqligini baholash.
4. Muvofiqlikni baholash natijalarining tahlili va uni rasmiylashtirish.
5. Sertifikatlashtirish ob’ekti ustidan inspektsiya nazorati.
Sertifikatlashtirishni o’tkazish uchun 2005 yil 18 martda Adliya vazirligida №1458 ro’yxatga olingan Mahsulotlarni sertifikatlashtirish qoidalari o’rnatilgan. Bu qoida majburiy va ixtiyoriy sertifikatlashtirishni tashkillashtiradi va o’tkazishda qo’llaniladi. U O’zbekiston va xorijda yaratilgan sertifikatlashtirishning barcha ob’ektlariga qo’llaniladi.
O’zbek setrifikati va muvofiqlik belgisining horijda tan olinishi imkoniyatini ta’minlash uchun ISOG’IEC qo’llanmasida keltirilgan xalqaro me’yorlar va qoidalarga, ISO xalqaro standartlari, Evropa standartlari, boshqa xalqaro va hududiy tashkilotlarning hujjatlariga muvofiq sertifikatlashtirishni amalga oshirish uchun ularga muvofiq tuzilgan.