Navoiy davlat pedagogika instituti

KUN TARTIBIDAGI MASALALAR
1.Turli xil masalalar.
1. 70110201-Ta’lim va tarbiya nazariyasi va metodikasi (Maktabgacha ta’lim) mutaxassisligi bitiruvchi kurs magistrlarining magistrlik dissertatsiyalari himoyasiga tavsiya etish to‘g‘risida.
ESHITILDI:
1-masala yuzasidan fakultet dekani b.f.n., dotsent. G.D.Shamsidinova so‘zga chiqib, 70110201-Ta’lim va tarbiya nazariyasi va metodikasi (Maktabgacha ta’lim) mutaxassisligi bitiruvchi kurs magistrlarining magistrlik dissertatsiyalari himoyasiga tayyorgarligi haqida to‘xtalib, ishning to‘liq talab asosida tayyorlanganligini, ilmiy rahbarlarning yakuniy xulosasi, ichki va tashqi olingan taqrizlarning ijobiyligini, zaruriy hujjatlar rasmiylashtirilganligini ta’kidlab o‘tdi.
Shundan so‘ng Do’smatova Musavvar Shuhrat qizining “Maktabgacha ta’lim tashkiloti mutaxassislarini pedagogik jarayonni loyihalashtirishga tayyorlash” mavzusidagi tadqiqotning dolzarbligi, maqsadi, vazifalari, olib borilgan uslubiy ishlarning natijalari haqida o‘zining xulosa va tavsiyalarini bayon etdi.
Magistrlik dissertatsiyasining mavzusi yuzasidan berilgan savollarga to‘liq javob qaytardi.
YIG‘ILISH QAROR QILADI:

1. 
   Yig‘ilish raisi fakultet dekani b.f.n., dotsent. G.D.Shamsidinova 2022-2023 o‘quv yilida tahsil olayotgan 70110201 – Ta’lim va tarbiya nazariyasi va metodikasi (maktabgacha ta’lim) mutaxassisligida magistrlarning magistrlik dissertatsiyalarini ichki himoyaga tavsiya etish to‘g‘risidagi ma’lumoti axborot uchun qabul qilinsin.
   
2. 
   Yig‘ilish raisi f.f.d. (DSc). R.H. Davlatova 2022-2023 o‘quv yilida tahsil olayotgan 70110201 – Ta’lim va tarbiya nazariyasi va metodikasi (maktabgacha ta’lim) mutaxassisligi magistranti Do’smatova Musavvar Shuhrat qizining “Maktabgacha ta’lim tashkiloti mutaxassislarini pedagogik jarayonni loyihalashtirishga tayyorlash” mavzusidagi magistrlik dissertatsiyasi qoniqarli deb topilsin va ochiq himoyaga ruxsat etilsin.
   

Yig‘ilish raisi: f.f.d. (DSc.) R.H.Davlatova
Yig‘ilish kotibasi: PhD. M.B.Kubayeva