114
mərhələni başa vurmuşdular, indi Qırmızı Ordunun sərhədi
keçməyinə heç nə mane ola bilməzdi. Üstəlik, martın əvvəl-
lərində Əksinqilabla Mübarizə Təşkilatı ləğv edildiyin dən
satqınlar meydan sulayırdılar.
Cahangir bəy deyirdi, guya, Hacınski hökumət qurmağı
ona görə uzadır ki, vaxt udsun, Qarabağdakı nizami ordu-
muz özünü Bakıya yetirib şimaldan gözlənən təhlükəyə qarşı
hazır olsun. Amma Zeynal bəyin fikrincə, Məmmədhəsəni
dövlətin, hökumətin taleyi yox, öz taleyi düşündürür,
bolşeviklərdən şəxsi gələcəyinə zəmanət almaq üçün əlləşir.
Elə o günlərdə Hacınskinin hökumət qurmaq səlahiy-
yətindən imtina elədiyini, ardınca Müsavatdan çıxıb bolşe-
viklər partiyasına girdiyini eşidəndə fəlakətin qaçılmaz oldu-
ğunu hiss eləmişdi...
***
Bəd xəbəri aprelin son günü günorta saatlarında Cahangir
bəy gətirdi. Xariciyyə Nazirliyindən dostları vasitəsilə Bakıda
baş verənlərdən xəbər tutmuşdular, görünür, bu Tiflislə te-
leqraf rabitəsi sayəsində mümkün olmuşdu: Hacınskinin im-
tinasından sonra bolşeviklər hakimiyyəti təhvil vermək
barədə Əliheydər Qarayev vasitəsilə parlamentə ultimatum
göndəriblər, əks təqdirdə hakimiyyətin Qırmızı Orduya
təhvil verilməsi üçün əlindən gələni eləyəcək, parlamentdə
təmsil olunan siyasi partiyalar qadağan olunacaq. Parlamentsə
ayın 27-də axşam Məmmədyusif Cəfərovun sədrliyilə iclas
keçirib. Məmməd Əmin deyib ki, iclas açıq olsun, qoy millət
hansı şəraitdə qərar qəbul elədiyimizdən xəbərdar oldun.
Məmmədhəsən Hacınski millət vəkillərini ultimatuma boyun
əyməyə çağırıb. Uzun və gərgin müzakirələrdən sonra rus or-
dusunun Bakıya girmədən birbaşa Anadoluya getməsi,
Azərbaycanın müstəqilliyinin və ərazi bütövlüyünün saxlan-
ması, milli ordunun buraxılmaması, siyasi partiyaların sərbəst
fəaliyyət göstərməsi, Kommunist (bolşeviklər) Partiyasının
115
yaratdığı hökumətin müvəqqəti xarakter daşıması və
Azərbaycanın gələcək idarə formasını tezliklə demokratik
şəkildə təşkil ediləcək parlamentin müəyyənləşdirməsi şərtilə
ultimatum qəbul edilib. Qərarın əleyhinə bircə nəfər – yalnız
Ağa Hacı Aşurov səs verib. Dərhal da Yalamada gözləyən ac-
yalavac, qənimət intizarında olan ordu ley kimi Bakının
üzərinə şığıyıb. Şəhərdə talanlar var, imkanı olan qaçır. Bir
neçə gündən sonra mühacirlərin ilk dalğası İstanbula da
yetişəcək.
Bu amansız zərbəydi, xeyli müddət düşünüb-daşınmaq
iqtidarını əlindən aldı. Şübhəsiz, kuryer bu səbəbdən qayıt-
mırdı; hökumət səfarətlə məşğul olacaq vəziyyətdə deyilmiş.
Artıq ölkədə bolşevik rejimi bərqərar olurdu, həmin rejimdəsə,
şübhəsiz, ona yer yox idi, dönə-dönə bolşevizmin Azərbaycana
buraxılmamısını dilə gətirmiş, üstəlik, yazmışdı, bunu heç
vaxt bağışlamazdılar.
Öhdəsindəki altı nəfərlə, üstəlik, himayəsində olan on bir
tələbəylə vəsaitsiz, ümidsiz, gələcəksiz qalmışdı, neyləyə-
cəyini kəsdirə bilmirdi. Əlac ona qalırdı ki, kirayələdikləri
binanın üst qatını boşaltsınlar, kirayə haqqını bir qədər azal-
dıb, gündəlik xərclərini ödəmək üçün yollar axtarıb, vəziy-
yətin aydınlaşmasını gözləsinlər.
Geri çağırmadığına görə Fətəli xandan nə qədər incisə də,
indi ürəyində ona haqq qazandırırdı: bolşeviklərə bu qədər
meydan vermək olmazdı; üstəlik, öz firqəsinə qarşı qəzəbliydi,
fikrincə, ən böhranlı məqamda yetərincə qətiyyət göstərib
Əliheydər kimilərini yerlərində oturtmamışdılar.
Küləkli son aprel axşamı Zeynal bəylə ürəkləri qan ağla-
ya-ağlaya hara getdiklərinin fərqinə varmadan yarıqaranlıq
küçələrlə addımlayırdılar. Yusif Vəzir Zeynal bəyin qəfil yoxa
çıxdığından bir qədər sonra xəbər tutdu. Ayaq saxlayıb dö-
yükdü, nə baş verdiyini dərk eləməyə çalışdı. Axır ki, onun
beş-on addım arxadakı dükandan çıxdığını gördü.
“İndi pulum var, gedək Hilmi Əfəndinin yanına, bir az
dərdimizi dağıdaq”.
116
“Neylədin yenə?” – Yusif Vəzir təəccüblə onu süzdü.
“Heç, saatımı satdım, – Zeynal bəy acı-acı gülümsədi, –
indi vaxtın məndən ötrü mənası yoxdu”.
“Amma vaxt bu günlə başa çatmır, – Yusif Vəzir ona ürək-
dirək verməyə çalışdı. – Əksinə, vaxtımız, daha doğrusu,
vaxtsızlıq bundan sonra başlayır. Bir də ki, hər şeyin itirildiyini
güman elədiyi məqamda yaşamağı bacaran kəs güclü insandı. İndi
güclü olmağa çalışmalıyıq”.
“Cahangir bəyin ardınca göndərməyə ordan adam tapa-
rıq, – Zeynal bəy artıq sərxoş kimi danışırdı. – Bu fani dünya-
da beş gün kef eləməyə imkanımız olmadı. Müdriklərdən
kimsə deyib, gün qısamüddətli həyatdı, onu elə yaşamalısan ki,
elə bil, az sonra öləcəksən, amma qəfildən sənə daha bir gün bəxş
eləyiblər... Gəl, sabah başımıza nə gələcəyini hardan bilirik
axı...”
Həmişə belə məclislərdən uzaq qaçsa da indi, elə bil, duy-
ğuları korşalmış, cismən də, mənən də dibi görünməyən
zülmət quyuya düşmüşdü. Bu mübarizəyə inanmışdı, həya-
tının milli əqidəylə bağlı olacağını qət eləyəndə otuz yaşı
təzəcə tamam olmuşdu, o istəklə də siyasi mübarizə yoluna
atılmışdı. Amma həyatda məhrumiyyətlər gördüyü kimi,
siyasətdə də bəxti gətirmədi, çıxdığı yolun axırı faciəvi
naməlumluğa düçar oldu...
***
Aprelin son günlərində İstanbulda olan Xəlil bəy Xasməm-
mədov səfarətə gəlib ürək-dirək vermiş, böyük dövlətlərin
tezliklə təcavüzün qarşısını alacağını, Bakıya qayıdıb səfarətlə
bağlı məsələni yoluna qoyacağını demişdi. Onda Xəlil bəylə
mübahisələri düşdü, vəzifəsini yerinə yetirməyi tövsiyə
eləyən sabiq hökumət üzvünün cavabını tutarlı dəlil-
sübutlarla verdi.
Cəmi bir həftə sonrasa qaçqınların ilk qəfiləsi İstanbulda
peyda oldu. Qırmızı ordu Bakıya girməmiş imkan tapıb
Dostları ilə paylaş: |