139
yən edir. Ayrıca güc mücadiləsi anlayışı həmişə dövlətlər ara-
sındakı siyasi təsiretmə münasibətlərini tam olaraq ifadə
etmir, yaxud bəzi dövlətlərarası münasibətlərdə reallığı əks
etdirmir.
Güc faktoru yanaşmasına qarşı çıxan Vilson və onun
mövqeyində duranlar isə dövlətlərin sosial və siyasi təsisatları
ilə xarici siyasət seçimləri arasında bağlılıq olduğuna diqqəti
çəkir və bu məsələdə demokratik qüvvələrin güc və
əməkdaşlıq seçimi qarşısında qaldıqda ikincini seçəcəklərini
bildirir. Buna görə də, demokratik ölkələr xarici siyasətdə
ədalət və əxlaq kimi anlayışlara diqqət yetirir, sülh və
sabitliyin qorunmasına çalışırlar. Avtokratik rejimlər isə gücü
əsas götürür və bir mənada güc və avtokratiya eyni məzmun
ifadə edir. Lakin Vilsonçular demokratik ölkələrin gücdən
istifadə etmədən öz məqsədlərinə necə çatdıqları məsələsini
izah edə bilmədikləri və dövlətlərin necə davrandığından
daha çox necə davranmaları lazım olduğu üzərində dayandıq-
ları üçün onların yanaşması realistlər tərəfindən utopik hesab
edilir və tənqidə məruz qalır.
Müasir araşdırmaçıların bir çoxu isə güc anlayışını daha
formal bir şəkildə qəbul edərək gücü dövlətin sahib olduğu
fiziki ünsür olaraq ifadə edir və bunu əsas götürərək, daha
çox milli güc və onu meydana gətirən nəsnələr üzərində
dayanırlar. Onlar dövlətlər arasındakı həqiqi əlaqələr və
gücdən istifadə edərək, milli məqsədləri gerçəkləşdirmə
üsullarını görməzlikdən gəlirlər.
Bəzi araşdırmaçılar gücün fiziki tərəfindən daha çox
ondan istifadəetmənin formasına diqqəti çəkərək, həqiqi
gücün real istifadə mexanizminə sahib olması və başqa
ölkələr üzərində təsiretmə imkanları yaradan güc olduğunu
ifadə edirlər. Onlar istifadə edilməyən və digər ölkələr
140
üzərində təsiri olmayan, yaxud bu məqsədə xidmət edəcək
mexanizmi mövcud olmayan fiziki ünsürlərin güc kimi
qiymətləndirilməsinin doğru olmadığını irəli sürürlər. Bu
əsasda, güclü dövlətin məhz sahib olduğu fiziki və intellek-
tual ünsürləri digər dövlətlər üzərində təsir vasitəsi ola bilə-
cək şəkildə istifadə edə bilən, yaxud bu qabiliyyətə sahib olan
dövlətin olduğu bildirilir. Beləliklə, A dövlətinin B dövlətinə
qarşı istifadə etdiyi və normal şərtlər çərçivəsində B dövləti-
nin qəbul etməyəcəyi bir şeyin yerinə yetirilməsinə təsir edən
vasitəyə güc adı verilir.
Ancaq burada A dövlətinin sahib olduğu üstünlük fiziki
nümayişlə müşahidə edilə də bilər, edilməyə də. Başqa sözlə,
güc təsir və üstünlük kimi iki əsas ünsürdən ibarətdir.
Məsələn, bankı soymaq üçün xəzinəyə doğru yaxınlaşan,
silahı olan, lakin onu göstərməyən bir adamın silahını
görməyən xəzinədar soyğunçunun istədiyini rədd edə bilər.
Amma həmin soyğunçu silahını çəkərək içəri girsə, xəzinədar
böyük ehtimalla onun istədiyini yerinə yetirər. Burada hər iki
halda silah vardır, amma ondan istifadə edilmədikdə, yaxud o
nümayiş etdirilmədikdə heç bir təsiri olmur, ancaq istifadə
edildikdə isə dərhal təsiri olur. Başqa sözlə, üstünlüyün
arzuolunan təsiri yarada bilməsi üçün ondan istifadə edilməsi
və ya istifadə edilmə ehtimalının yüksək olmasının
göstərilməsi lazımdır. Bu misalı eynilə dövlətlərin hərbi gücü
məsələsinə də aid etmək olar. Bu mövqeyə görə, dövlətin
iqtisadi, siyasi beynəlxalq konyuktura və ya hər hansı başqa
bir səbəbdən istifadə edilməyən, yaxud istifadəedilmə
ehtimalı olmayan bir üstünlüyü güc olaraq qiymətləndirilmir.
Ayrıca bu yanaşmaya görə, güc ibrətamiz bir anlayışdır və
başqa ünsürü, üstünlüyün istifadə edilməsinin bir ünvanının,
bir dövlətin olduğunu və həmin dövlətlə müəyyən əlaqələrin
141
mövcudluğunu da göstərir. Təbii ki, aralarında heç bir əlaqə
olmayan iki ölkənin sahib olduqları üstünlüklərin onların heç
biri üçün əhəmiyyəti yoxdur.
Beləliklə, əgər A dövləti B dövlətinə normal şərtlərdə
qəbul etdirə bilmədiyi şeyi sonda qəbul etdirə bilirsə və B
dövləti A dövlətinin bu istəyinin qarşısını hər hansı vasitə ilə
ala bilmirsə, deməli, A dövləti B dövlətindən daha güclüdür.
Yox əgər B dövləti bunu rədd edə bilirsə və A dövləti
üzərində eyni təsir imkanlarına sahibdirsə, deməli, bu iki
dövlətin bir-birilərinə qarşı güclərinin əhəmiyyəti yoxdur. Bu
yanaşmaya görə, qısaca olaraq, ibrət anlayışı olan gücün təsir,
üstünlük və əlaqə kimi təməl ünsürləri olmalıdır.
Güc sadəcə A dövlətinin B dövlətini bir şeyi etdirməyə
məcbur etməsi deyil, həm də bunun mütəmadi olmasını təmin
etmək, eyni zamanda, nəyisə etməyə qoymaması da ola bilər.
Dolayısıyla, gücün bir mənada davamlılıq ifadə etdiyi də
görünür. Bundan başqa, A dövlətinin təsiri ilə onun istədiyi
kimi davranan, B dövlətinin vəziyyəti, A dövlətinin
davranışını da B dövlətinin mənafeyinə uyğun dəyişə bilər.
Beləliklə, təsiretmə birtərəfli olmaqdan çıxaraq qarşılıqlı ola
bilər. Ayrıca güc bir dövlətin beynəlxalq nüfuzu ilə də
bağlıdır. Bir dövlətin beynəlxalq sistemdə nüfuzunun artdığı
qədər digər dövlətlərlə münasibətində də nüfuzu artacaq və
başqa dövlətlər üzərində təsiri də artacaqdır. Güc anlayışı ilə
əlaqədar başqa bir anlayış da dərketmədir.
Gücün gerçək miqdarının və ondan istifadə edilib
edilməyəcəyini dərk etmək olduqca əhəmiyyətlidir. Çünki
bəzən şişirdilmiş məlumatlara söykənən rəqəmlər və ya
istifadə ediləcəyi hesab olunduğu halda, istifadə edilməyən
nüfuz yanlış təsəvvür yarada bilər. Məsələn, oyuncaq
tapançanı həqiqi hesab edib xəzinəsini soyduran xəzinədar
Dostları ilə paylaş: |