Keywords:
innovation, innovation management, scientific development.
GIRIŞ
Azərbaycan Respublikasının müstəqillik sonrası müstəqil iqtisadi sistemin
yaradılması və bu sistemin dünya iqtisadi sisteminə çevik inteqrasiya edə bilməsinin
zəruriliyini ortaya çıxarmışdır. Ölkədə iqtisadi müstəqilliyin təmin edilməsi üçün
iqtisadiyyatın innovasiya metodları ilə inkişaf etdirilməsinin müstəsna əhəmiyyəti
vardır. Ümumi daxili məhsulun fərd başına düşən həcminə görə inkişaf etmiş ölkələr
ABŞ , İngiltərə , Cənubi Koreya, Almaniya, Yaponiya kimi ölkələr yüksək iqtisadi
göstəricilərə xammal satışı hesabına deyil, məhz innovasiya yönümlü iqtisadi sistem
quraraq, elmi- texniki imkanlardan geniş istifadə edilməsi nəticəsində ortya çıxan
dəyərlərdən əldə etmişdirlər. Innovasiya fəaliyyətinin kifayət qədər geniş miqyasda
tətbiq edilməsi üçün elmi, elmi- texniki və həmçinin elmi- texniki tərəqqini təmin edən
istehsalat sahələrinin transformasiyası ilə əlaqədar problemlərin həlli mühümdür. Bu
problemlər təkcə iqtisadiyyat elminə aid deyil, həmçinin bazar münasibətlərinin
tələbləri nəticəsində ortaya çıxmış menecment və digər idarəetmə elmi sahələrinin də
tədqiqat obyekti sayılır. İnnovasiya son zamanlarda ən çox istifadə olunan termin
olmağına baxmayaraq, tam şəkildə nəyi ifadə etdiyi, necə həyata keçirilməsi və necə
marketinq olunması barədə tam dolğun fikrə gəlinmədiyi də ortadadır . İnnovasiya -
yüksək səmərələliyə malik yeniliyin tətbiqi, intellektual fəaliyyətin, kəşflərin, ixtiraların
nəticəsi olaraq yeni və təkmilləşdirilmiş məhsul, texnoloji proses, həmçinin ictimai
münasibətlərin müxtəlif sahələrində təşkilati-texniki, maliyyə-iqtisadi və digər hallar
hesab olunur. “İnnovasiya” termin latın dilində “innovato” sözündən olub,
“yenilənmə” və “yaxşılaşma” denəkdir. Termin elmi tədqiqatlarda XIX əsrdən istifadə
edilir. “Iqtisadi innovasiya” anlayışı XX əsrin əvvəllərində Avstriya iqtisadçısı Yozef
Şumpeterin “The Theory of Economic Development” (1934) əsərində(14.s.3) yer alaraq
elmi içtimaiyyətə məlum oldu .
Azərbaycandakı müssisələrin Avropa, Amerika və Yaponiyanın beynəlxalq
şirkətlərinin patent ofisləri ilə müqayisəsi zamanı yerli müəssisələrimizin innovasiya
məsələsində hansı yerdə durduğunu açıq aşkar görmək olar (1).Bu məsələlərə əsasən
ölkəmizdə innovasiya fərqindəliliyinin gücləndirliməsi, müəssisələrimizin innovasiya
fəaliyyətlərinin artırılması və bu sahədə perspektivlərin müəyyən olunmasına dair bu
məqalə qələmə alınmışdır. Yenilik anlayışı innovasiya termininin daşıdığı bütün
mənaları əhatə etmədiyinə görə təbii olaraq onun yerinə keçə bilməz. Çünki
innovasiyanın təməl dinamikasına əsasən ’Yeni olan hər şey yox, iqtisadi və sosial
dəyərə çevrilə bilən yeniliklər’ (3)innovasiya sayılır. Dolayısı ilə iqtisadi və sosial əlavə
dəyərə sahib olmayan bir yenilik nə qədər mükəmməl, nə qədər original və nə qədər
fərqli olursa olsun innovasiya sayıla bilməz. Iqtisadi dəyər dedikdə innovasiyanə
həyata keçirən müəssisəyə iqtisadi bir dönüm olması başa düşülür. Yəni innovasiya
hansısa fərdin və ya quruluşun tərəfindən ortaya çıxarılmasından və kommersiya
predmeti olmasından asılı olmayaraq mütləq həmin fərd və ya qurumu iqtisadi bir
fayda ilə təmin etməlidir.(4.səh.78) Daha geniş mənada ifadə etsək innovasiyanın
meydana gəldiyi regional və xarici effektdən yararlanaraq daha rəqabətçi bir qazanc
əldə etməsi olaraq qiymətləndirmək mümkündür. Bu baxımdan innovasiyanın
meydana çıxma prosesi və kommersiya predmeti olması üçün fərdin, cəmiyyətin,
müəssisələrin və dövlətin bir biri ilə əməkdaşlıq içərisində sıx əlaqədə olmaları vacib
amildir. Çünki fərdin və ya cəmiyyətin ortaya atdığı innovative bir fikri həyata
keçirmək üçün müəssisədə onu reallaşdırmağa maraq və imkan olmalıdır. Dövlət
səviyyəsində isə fərdlərə və müəssisələrə layihələrini həyata keçirmək üçün müvafiq
dəstək, qanunvericilik və təşviq olmalıdır. Əks halda bu fikirlər innovasiya yox, sadəcə
yeni bir fikir olaraq qalacaqdır(2).
Innovasiyanın sosial dəyər yönü isə istifadə edən tərəfi bir fayda ilə təmin
etməsini ifadə edir. Digər sözlə yeni olan bir şey istifadəçisinin hər hansı bir ehtiyacını
mövcud olandan daha yüksək səviyyədə və ya mövcudda olmayan tamamilə yeni bir
dəyərlə təmin etdiyi təqdirdə innovasiya xüsusiyyətini daşıyır. Bu yönü ilə innovasiya
ya mövcudlarla rəqabət apara biləcək bir halda olmalıdır, ya da tamamilə yeni olduğu
halda mənimsənmə dərəcəsi yüksək səviyyədə olmalıdır.
İnnovasiyanın iqtisadi və sosial tərəflərini açıqladıqdan sonra innovasiyaya ’Yeni
olan bir şeyin iqtisadi və sosial bir əlavə dəyərə çevrilə biləcək şəkildə ticariləşdirilməsi’
tərifini vermək olar.
Dostları ilə paylaş: |