3.İNNOVASIYA MENECMENTI VƏ AZƏRBAYCANDA TƏTBIQININ SƏMƏRƏLILIYI
Şübhəsiz ki, müəssisələr üçün rəqabət qabiliyyəti yüksək olan yenilik istehsal
etməyin yolu şirkətin innovativ mədəniyyətə sahib olmağından keçir. Şirkətin işçiləri
nə qədər yeniliyə meyilli olsalar innovasiya prosesinə keçid şirkət üçün bir o qədər asan
və daha az maliyyətli olar. Lakin bu da bir həqiqətdir ki, illər ərzində eyni bir düzəndə
çalışan firma birdən birə davamlı şəkildə yeniliyə tabe tutularsa bu işçilərin həmin
yeniliyə adaptasiya olmaları bir az çətin olur(7) Bu məsələlərdə mərhələli davranmaq
daha məqsədəuyğun sayılır (12).Müəssisələrdə innovativ mədəniyyətin təsis edilməsi
və innovativ bir quruluşa sahib olması üçün lazım olan xüsusiyyətləri aşağıdakı kimi
sıralamaq mümkündür.
Uzaqgörənlik, strateji və mədəniyyət liderliyi
Yenilik və müvəffəqiyyəti vurğulamaq
Güclü bir müştəri mərkəzlilik
Keyfiyyətin idarə olunmasına əhəmiyyət vermək
Elastik və uyğun təşkilati struktur
Yüksək səviyyəli əməkdaşlıqlar, qrup çalışması və güvən
İşçilərin idarəetmədə iştirakını təmin edən idarəetmə tərzi və əmək
qüvvəsinə səlahiyyətin verilməsi
İnsan resurslarına əhəmiyyət vermək
Davamlı öyrənmə, dəyişmə və irəliləmə
Effektiv məlumat, rabitə və qəraralma sistemləri
Prosesin idarəolunmasına əhəmiyyət vermək
Məhsul, proses və bazar inkişaf etdirməyə əhəmiyyət vermək
İnnovasiya onu dəstəkləyən bir mədəniyyət içərisində daha çox davam etdirilə
bilər. Bunun üçün isə müəssisələrin yuxarıda sadalanan xüsusiyyətlərə sahib olması
qaçınılmazdır. (6)Xüsusilə işçiləri innovasiya mövzusunda cəsarətləndirən, dəstəkləyən
və yeni fikir və informasiyaya çatdıran bir mədəniyyətin inşa edilməsi, onların həm
təşkilatın daxilində həm də xaricində əlaqələrinin inkişaf etdirilməsinə gətirib
çıxaracaq. Bu şəkildə təşkilatın işçiləri vasitəsi ilə həm işçilərin həm də təşkilatın
xaricindəki ortaqların, müştərilərin, vasitəçilərin və tədarükçülərin yenilik cəhdlərinə
qatqısı təmin ediləcəkdir.(12.s 23)
İnnovativ təşkilat mədəniyyətinə sahib olan bir şirkət istər struktur, istər liderlik
xüsusiyyətləri, istərsə də işləyiş sisteminə görə malik olması lazım gələn xüsusiyyətləri
aşağıdakı kimi sıralamaq mümkündür:
1.
Liderlik, yenilik istəyi və vizyon: yenilikçi təşkilatların innovasiya
prosesiniuğurlu bir şəkildə həyata keçirmək və şirkət içərisində davamlı bir
şəkildə qoruyub saxlaya bilmələri üçün bu prosesi dəstəkləyən lider kadrlara
ehtiyac var. dolayısı ilə yenilik istəyinə sahib idarəçilik anlayışı və şirkət vizyonu
yenilikçi təşkilatların ən önəmli xüsusiyyətlərindən biridir.
2.
Müvafiq təşkilati struktur: yenilikçi təşkilatlarda innovativ mədəniyyətlə yanaşı
şirkətin strukturunun da yeniliyə açıq olması lazımdır. Beləki şirkətin bölmələri
arasında uyğun kordinasiya və rabitənin yeniliklərə cavab verəcək səviyyədə
olması lazımdır.eyni zamanda yeni bir fikrin ortaya çıxarılması, müzakirə
olunması üçün elastik struktura ehtiyac duyulur.
3.
Yenilikci fərdlər: yeniliklərin artaya çıxmasında və ya yeni bir fikrin meydana
çıxmasında sözsüz ki insan resursuna ehtiyac var. Yenilikci fərdlərin bacarıq və
qabiliyyətlərini innovasiya yönünə çəkmək və bu vasitə ilə də digər işçiləri
motivasiya etmək şirkətin qarşısında duran vacib məsələlərdən biridir.
4.
Təhsil və inkişaf:təhsil və inkişafın davamlılığı və istiqrarı günümüzdəki
təşkilatlar üçün mükəmməl performansın açarıdır. Çünki təşkilatın yeni bir
texnologiyanı, alət və vasitələri istifadə edə bilməsi üçün davamlı təhsilə ehtiyacı
vardır. Eyni zamanda inkişaf edə bilməsi üçün yeni mal və xidmətləri təchiz
etməyi bacarmalıdır. Və bu təchizat ancaq məlumatın və bacarıqların yeniliyə
yönləndirilməsi ilə mümkündür.
5.
Yüksək səviyyədə iştirak: Yenilik adətən sadəcə tədqiqat və inkişaf, marketinq və
istehsal departamentlərinin işi kimi başa düşülür. Halbuki yenilik prosesində
müvəffəqiyyətə təşkilatın bütün departamentlərinin və bütün çalışanlarının
ortaq səyi nəticəsində nail olunur.
6.
Effektiv komanda çalışması: yenilikçi təşkilatların ən önəmli ünsürlərindən biri
də yenilik fəaliyyətlərindən məsul qrupların effektiv bir şəkildə çalışmalarıdır.
Bu məsuliyyəti üzərinə götürmüş qrupların problemləri müəyyən etmə və həll
yollarını tapmaq, yenilikçi fikirləri istehsal etmə və bunları əmtəə, xidmət və
prosesə çevirməkdəki səmərəli çalışmaları həm komandanın performansını
yüksəldir həm də yenilik prossesinin müvəvvəqiyyətini artırır.
7.
Yaradıcı iqlim: yeniliklə bağlı hər hansı bir fikir meydana çıxdığı zaman bunun
prossesə çevrilə bilməsi üçün bu yeniliyi dəstəkləyən və istehsal olunmasına
imkan təşkil edən bir mühitin olması lazımdır. Sözügedən mühitə yenilik
mədəniyyəti, texnologiya və dövlətin iqtisadi və siyasi dəstəyini aid etmək olar.
Əgər yeniliyi dəstəkləyən bir mühit olmasa yenilik sadəcə fikir olaraq qalacaq.
8.
Xaricə fokuslaşmaq: günümüzdəki yenilik sistemlərinin artıq daxilə qapalı
olmayıb xaricə açıq olduğu bir reallıqdır. Yenilikci firmlar da lahiyələrini
reallaşdırmaq üçün əm daxildəki ünsürlərə yer ayıracaq, həm də xaricdə
yeniliklə bağlı ünsürlərə fokuslaşacaq.
Yeniliyin yaradılması prosesi daima bərpa olunandır və qeyri-sabit xüsusiyyətlərə
malik bazara istiqamətlənir. Bu birincisi, yeni elmi ideyaların və perespektivli
məhsulların işlənib hazırlanması axtarışının daima dəstəklənməsini, və ikincisi isə
inteqrasiya əlaqələrini saxlamaqla idarəetmə səlahiyyətlərinin maksimum qeyri-mər-
kəzləşdirilməsinin səmərəli və çevik şəkildə idarə edilməsini özündə ifadə edir.(9)
Firmanın təşkilatı strukturunun layihələşdirilməsi zamanı mueyyənedici rol qeyri-
mərkəzləşdirməyə məxsus olmalıdır. (11)Konkret yeniliyin yaradılması prosesinin
rəhbəri lazimi səlahiyyətlər və uyğun məsuliyyətlə təmin olunur. Uzun illər ərzində
belə hesab edilib ki, elmin və texnikanın inkişafının dəqiq planlaşdırılması proqnoz-
laşdırılan nəticələrin alınması ehtimalını əhəmiyyətli dərəcədə artırır. Buna əsaslanan
mütəxəssislər innovasiya proseslərinin idarə edilməsinin təşkilati sistemini
formalaşdırmışlar. Bu gün menecmentin nəzəriyyəçiləri və praktikləri belə qənaətə gə-
lirlər ki, bazarda yeni məhsulların çeşidinin və sayının çoxaldılması, həmçinin onların
artırılması üçün onların həyat tsiklini ixtisarı ilə əlaqədar olaraq firmada novator
ideyaların yüksək sıxlığı vacibdir.(5) İdarəetmənin innovasiya üslubunun tərəfdarları
hesab edirlər ki, yaxşı yenilikçilik mühitinin yaradılması üçün həll edici rola firmaların
müxtəlif bölmələrində qabaqcıl təcrübənin həvəsləndirilməsi, entuziastlara onların
ideyalarının reallaşdırılması imkanlarının yaradılması zəruridir. Bununla yanaşı qeyd
etmək lazımdır ki, innovasiyaların yayılması elə bir prosesdir ki onun forması və surəti
komunikasiya kanallarının güclü olmasından, informasiyanın təsərrüfat subyektləri
tərəfindən qavranılması xüsusiyyətlərindən və s-dən asılıdır. İnnovasiyanın nüfuz
etməsi isə yeniliyin kommunikasiya kanalları ilə müəyyən zaman çərçivəsində sosial
sistemin üzvləri arasında ötürülməsi prosesidir. Ötürülmənin və diffuziyanın
(nüfuzetmənin) vəzifəsi isə informasiya menecmenti kimi hər hansı bir elm sahəsi
hüdudlarından nəzərdən keçirilə bilər.
NƏTICƏ
Azərbaycan Respublikasının müstəqillik əldə etməsindən sonra öz iqtisadiyyatını
bazar iqtisadiyyatının tələbləri doğrultusunda yenidən formalaşdırmağa başladı.
Müstəqil iqtisadi sistemin yaradılması əsas vəzifələrdən biri oldu. Iqtisadi
təhlükəsizliyin təmin edilməsi üçün ölkə iqtisadiyyatının innovasiya addımlarından
istifadə edilərək inkişaf etdirilməsinin böyük əhəmiyyəti vardır. Ümum daxili
məhsulun fərd başına düşən həcminə görə ilk sıralarda olan ABŞ, Almaniya, Yaponiya
kimi bir çox inkişaf etmiş ölkə yüksək iqtisadi göstəricilərə sattıqları xammal hesabına
deyil, məhz innovasiya yönümlü yolla gedərək, elmi- texniki imkanlardan geniş
istifadə edilməsi nəticəsində nail olmuşdur. Innovasiya fəaliyyətinin kifayət qədər
geniş miqyasda təşkil edilməsi üçün elmi- texniki tərəqqini ehtiva edən istehsal
sahələrinin əsaslı transformasiyası ilə bağlı problemlərin həlli vacibdir. Bu problemlər
təkcə iqtisadiyyat elminə aid deyil, həmçinin bazar münasibətlərinin tələbləri
nəticəsində meydana gəlmiş menecment , marketinq və digər elmi sahələrin də tədqiqat
obyektidir. Yeni problemlər elmi- texniki və innovasiya fəaliyyətinə yeni prizmadan
baxmaqla, elmi- texniki əmtəəyə yeni yanaşmaların və onların düzgün idarə
edilməsinin də formalaşmasını şərtləndirir. Beləliklə, qarşıda duran məsələ ölkənin
innovasiya sisteminin düzgün formalaşmasından və düzgün idarə edilməsindən
ibarətdir. Ölkənin innovasiya sisteminin formalaşdırılması sisteminin formalaşdırılması
bir neçə konkret məsələni ortaya çıxarır ki, bunların da ən vacibi elmi- texniki məhsula
və ümumiyyətlə, intellektual məhsula münasibətin dəyişdirilməsi, elmi- texniki
məhsulun əmtəə- pul münasibətlərində digər məhsullarla eyni dərəcədə iştirakının
təmin edilməsidir. Innovasiya potensialından fərqli olaraq innovasiya sistemində təkcə
yeni texnologiyaların istehsalı və istifadəsi ilə məşğul olan subyektlərin məcmusu deyil,
həmçinin bu proses zamnı onların arasında baş verən münasibətlərin də məcmusu
aiddir. Ona görə də ölkənin innovasiya sistemi vahid və tam bir struktur təşkil etməli
və mütləq dövlətin himayəsində olmalıdır. Bu əsasən onunla şərtlənir ki, innovasiya
fəaliyyəti bir qayda olaraq, həmişə innovasiya prosesinin bütün mərhələlərində risklə
bağlı olur. Ona görə də bu prosesin gedişi, düzgün idarə edilməsi və yeni məhsulun
realizə olunmasının təminatı əvvəlcədən həyata keçirilməlidir. Bunun üçün müvafiq
qanunvericilik aktları paketinin işlənib hazırlanması və təsdiq edilməsi vacibdir.
Beləliklə, ölkənin iqtisadiyyatının innovasiya yolu ilə qurulması məhz milli innovasiya
sisteminin yaradılması və fəaliyyətinin təmin edilməsindən asılıdır. Yuxarıdakı
araşdırmaları ümumiləşdirərək, milli innovasiya sistemi ölkənin daxilində,
ümumiyyətlə, yeni bilik və texnologiyaların istehsalı və yayılması, idarə edilməsi
prosesinin bütün iştirakçılarının və onların arasında bu proses zamanı təzahür edən
münasibətlərin məcmusudur. Burada innovasiya sisteminin ” milliliyi” anlayışı dövlət
himayəsinin olmasını bildirir.Azərbaycan Respublikasında bazar münasibətlərinə
uyğun milli innovasiya sisteminin yaranması və uğurlu fəaliyyəti aşağıdakı amillərdən
əsaslı surətdə asılıdır:
1.
yeni texnologiyaların, texnikanın, ideya və biliklərin istehsaları olan müəssisələr
şəbəkəsinin mövcudluğu
2.
yeni məhsul istehsal edə bilən istehsalat müəssisələri şəbəkəsinin mövcudluğu
3.
qeyd edilən istehsal prosesləri iştirakçılarının maliyyələşdirilməsi sisteminin
mövcudluğu
4.
bütün tərəflər arasında münasibətlərin tənzimləmə mexanizminin olması
və s.
Milli innovasiya sisteminin yaranması və formalaşmasına mane olan bir sıra amillər
də vardır ki, onları da aradan qaldırmadan bu sistemin yaranması mümkün deyil. Bu
amillərdən biri innovasiya fəaliyyətinə dövlət dəstəyinin son dərəcə zəifliyidir. İkinci
amil kimi respublikanın intellektual mülkiyyət obyektlərinin uçotunun olmamasını
göstərmək olar. İntellektual mülkiyyət dedikdə, əsasən elm, texnika, ədəbiyyat,
incəsənət və digər yaradıcılıq sahəsindəki intellektual fəaliyyətinin nəticəsində olan
hüquq başa düşülür. İnnovasiya prosesinin mərkəzi fiqurunu ixtiraçı təşkil edir. Onun
beynində yeni ideyalar yaranır, sonradan isə bəzən bütöv bir kollektiv tərəfindən həmin
ideyaların reallaşdırılması mexanizmi işlənib hazırlanır. Bu baxımdan yeni innovasiya
sısteminin qurulması əsas rol oynayır.
Dostları ilə paylaş: |