Odlar Yurdu Kolleci İstehsalat Təcrübəsi Hesabatı

SMM də kontent marketinq: Sosial media yarandı və özü ilə kontent anlayışını da gətirdi. Sosial media vasitəsilə şirkətlər öz hədəf kütlələrinə yazı, şəkil, video və s. paylaşımlar edirlər. Sosial mediada paylaşılan bütün bu yazılar, videolar, şəkillər və s. kontent anlayışı adında birləşir. Sosial mediada kontentin müvəffəqiyyət göstəricisi kontentə edilən bəyənmələr, şərhlər, rəylər kimi amillərdən asılıdır. Kontentin müvəffəqiyyətli olması üçün markalar öz hədəf kütləsini yaxşı tanımalı, onların istək və fikirlərini ön planda prioritet tutaraq hazırlamalıdırlar.
SMM-də ünsiyyət dərəcəsi (engagement rate) - Sosial mediada bu göstərici ilə şirkət paylaşımlarının hədəf auditoriya tərəfindən nə dərəcədə qəbul edilib edilmədiyini bilir. Ona təsir edən faktorlar istifadəçilərin paylaşımlara etdikləri rəylər, bəyənmələr və paylaşımlarıdır. Əldə olunan nəticə 1-ə yaxın və yüksəkdirsə deməli şirkət bu sahədə müvəffəqiyyət əldə etmişdir.