OĞUZLAR (TÜRKMƏNLƏR)
161
sın təqribən 80 kilometr şərqində yerləşən Kosadağda baş verən vuruşmada
səlcuqlu ordusu özündən sayca az olan monqol ordusuna xəcil bir şəkildə
məğlub oldu. Bu məğlubiyyət nəticəsində səlcuqlu dövləti monqolların tabe-
liyinə keçdi və bir salnaməçinin ifadəsilə «çöküntü, düşkünlük və fəryad
dövrü başladı».
Səlcuqlu taxtında oturan hökmdarların ləyaqətsizlikləri və xeyli hissəsi
iranlı və ya onların övladları olan dövlət adamlarının heç bir əxlaqi qayda
tanımayan ehtirasları üzündən monqol zülmü getdikcə ağırlaşmış və mon-
qollar 1277-ci ildə Türkiyənin idarəsini felən əllərinə almışdılar. Bu tarix-
dən sonra səlcuqlu sultanları monqol xanlarının adicə vassaları vəziyyətinə
düşmüş və getdikcə öz əhəmiyyətlərini itirmişlər. Son səlcuqlu sultanı II Qi-
yasəddin Məsudun 1308-ci ildə Kayseridəki ölümü ölkədə heç bir həyəcan
yaratmadı. Səlcuqlu hökmdarları öz hakimiyyətləri üçün olduğu qədər mon-
qollara qarşı da ən mühüm qüvvə olan türkmənləri ətraflarına yığmaq bəsi-
rətini göstərmədilər. Əksinə, onlarla mübarizəyə başladılar ki, bu da getdik-
cə monqolların hakimiyyətinin qüvvətlənməsinə, özlərinin hakimiyyətinin
zəifləməsinə gətirib çıxardı.
Anadoluda monqollara qarşı mübarizə edən yeganə ünsür türk köçəri ic-
maları, yəni türkmənlər idi. Daha əvvəl də göstərdiyimiz kimi, türkmənlər
torpağa bağlanıb oturaq həyata keçincə onlara türkmən deyilmir, türk adı
verilirdi. Şəhərlərdə XIII əsrin birinci yarısına qədər xeyli xristian əhali var-
dı. Onlar əsrin ikinci yarısından etibarən əhəmiyyətlərini itirməyə başlamış
və XIV əsrin birinci yarısında şəhərlərdə də azlıq vəziyyətinə düşmüşdülər.
Səlcuqlu hökmdarları, yaxud onların adından iqtidarı əllərində tutanlar
köçəri ünsürlə oturaq ünsürü birləşdirib monqollara qarşı bir müdafiə qüv-
vəsi yaratmadılar. Əksinə, türkmənlərə qarşı mübarizədə monqollara arxa-
landılar. Baba İshaq üsyanı türkmənlərin dövlət idarəsindən əsla məmnun
olmadıqlarını açıqca ortaya qoymuşdur. Yoxsul vəziyyətdə olduqları anlaşı-
lan bu türkmənlər, həmişə göründüyü kimi, hər halda vergi məmurlarının
haqsız və insafsız rəftarına məruz qalmışlar. Səlcuqlu sultanları monqol ha-
kimiyyətinə tabe olduqdan sonra büsbütün itaətsizlik göstərmiş, ancaq mon-
qollara da boyun əyməmişlər. XIII əsrin ikinci yarısından etibarən səlcuqlu
sultanları onları itaət altına alacaq gücə sahib deyildilər. Buna görə ilk elxa-
ni hökmdarı Hülakü xan (1256-1265) Anadoludakı monqol komandanlarına
türkmənləri cəzalandırmaq buyruğunu vermişdi
1
.
Monqollar Sivas və Kayseri bölgəsindəki türkmənlərə və ağac ərlərə
hücum etdilər. Monqollar türkmənlərin çoxunu öldürərək ağac ərlərə ağır
zərbə endirsələr də onların çoxu cənuba enərək məmlük torpaqlarına pənah
1
K.Kahen. Bizans. Rum türkləri ilə əlaqədar bir neçə tarixi mətn, XIV, s. 131-139; F. Sü-
mər. Ağac ərilər, s. 524.
FARUQ SÜMƏR
162
apardı
1
. İbn Şəddad
2
Sultan Baybars zamanında (1260-1277) 40.000 evdən
artıq türkmənin gəldiyini, onlara Qəzzədən Antakya və Sisədək (bugünkü
Kozan) olan hüdud bölgəsində yurd verildiyini, bəylərin çoxuna səlibçilər-
dən alınmiş yerlərdə iqta verildiyini söyləyir. Gerçəkdən, heç vaxt Suriyada
məmlük dövründə olduğu qədər türkmən toplanmamışdı. Təəssüf ki, türk-
mənlərin çoxu bu ölkədə daimi yaşamır, yazda Anadoluya çıxaraq Maraş
bölgəsində, Uzun yaylada və Sivasın cənub tərəflərində yaşayırdı. Bu türk-
mənlərdən aşağıda yenidən bəhs etmək şərtilə indi təkrar Anadoluya qayı-
daq.
Monqollar türkmənləri nə qədər məğlub etsələr də, sıldırım yerlərdə
yurd salmış türkmənlərin fəaliyyətinə heç cür son qoya bilmirdilər. Türk-
mən bəylərindən Şəmsəddin Məhməd bəy 1277-ci ildən əvvəl Ərzincan və
Bayburt ətrafını öz hakimiyyəti altına almış və Trabzon dağlarını özünə
məskən etmişdi. Bu türkmən bəyinin Sinopdan Antəpədək uzanan bölgədə
geniş ölçüdə yağma və təxriblərdə bulunduğu bildirilir. Monqollar bir bas-
qın ilə Məhməd bəyi məğlub etmiş, ancaq bu dəfə özləri eyni əmələ (yağ-
ma) qurşanmışlar. Nəhayət, Əbaqa cəlayir Tokuyu türkmənlərin üzərinə
göndərdi. O, türkmənləri cəzalandırdı
3
.
İqtidarı əlində tutan Müiniddin Pərvanə başda olmaqla səlcuqlu dövləti
əyanlarının dəvətilə Misir-Suriya türk məmlük hökmdarı Baybars 1277-ci
ildə Anadoluya yürüş etdi və Əlbistan ovasında həmən Toku və Tudaunun
komandanlığındakı monqol ordusunu ağır bir məğlubiyyətə uğratdı. Məşhur
cəlayir İlgəy Moyonun oğlu olan Toku ilə suldus Sodun Noyonun oğlu Tu-
daun vuruşmada öldülər. Baybars Kayseriyə gəldi, ancaq onu dəvət edən
Pərvanə və digər dövlət adamları onunla əməkdaşlıq etməyərək Tokata qaç-
dılar. Baybars belə bir hərəkəti gözləmirdi. Əlindən heç bir şey gəlməyən
camaat və türkmənlər ona tərəfdar oldular. Bu türkmənlərin başında Qara-
man oğulları gəlirdi. Onlar Ərmənək ətrafında yurd salmışdılar. Onların
monqol istilası zamanı Arandan əvvəlcə Sivas tərəflərə gəlmələri və orada
Baba İshaq üsyanında iştirak etdikdən sonra Ərmənək ətrafına köçmələri eh-
timal olunur. Ailəyə adını vermiş olan Nurəddin Sufi (Sofu) oğlu Qaraman
İç-el bölgəsindəki ermənilər ilə mübarizə aparmış və Aksarayiyə görə
4
,
1
Göstərilən yerlər.
22
Baybars tarixi. İ.Yaltkayanın türkcəyə tərcüməsi. İstanbul, 1941, s. 155, 171.
3
Müqatəbati-Rəşidi. Məhəmməd Şəfi nəşri. Lahor, 1945, XLVI məktub, s. 273-278. Mək-
tub Müiniddin Pərvanə tərəfindən yazılmışdır. Məktubların naşiri rəhmətlik Məhəmməd
Şəfi məktubda adı çəkilən Şəmsəddin Məhməd bəyin Qaraman oğlu olduğunu söyləsə də,
məktubdakı yer adları belə bir hökmə imkan verməməkdədir.
4
Müsamərət ül-əxbar. Osman Turan nəşri. Ankara, 1944, s. 71. Çağdaş bir erməni qaynağı-
na görə Qaraman ermənilərlə vuruşmalarının birində yaralanmış, çox keçmədən həmin ya-
ralardan ölmüşdür (XIII əsr Kiçik Asiya türkmənlərinin tarixinə dair qeydlər, Y.A. 1951, s.
334).