Международный научный журнал № 2(100), часть 1
«Научный Фокус» июня, 2023
21
ONA TILI FANINI FANLARARO INTEGRATSIYALAB O‘QITISH USULLARI
Husanboeva Nargiza Olimjon Qizi
Toshloq tuman 2-son kasb hunar maktabi
“Ijtimoiy va tillar” kafedrasi o’qtuvchisi
Annotatsiya:
Ushbu maqolada ona tili fanini o'qitish jarayonida zamonaviy
integrativ yondashuvdan foydalanish haqida ma'lumot berilgan.
Kalit so’zlar:
integratsiya, "Zanjir", o'qitishda metodlardan foydalanish,
"Uslubiyat" mavzusi.
Ona tili fanini integratsiya asosida o‘qitishning ko‘plab usullari mavjud. Masalan,
6-sinf darsligida berilgan “Atoqli va turdosh otlar” mavzusini geografiya o‘quv fani
bilan bog`lab o‘tgan dars ishlanmasi bilan tanishaylik. Men darsda O‘zbekiston
Respublikasi xaritasidan foydalandim. O‘tgan darsda o‘quvchilarni “Atoqli va turdosh
otlar” mavzusi bilan tanishtirgan edim. Shu bois o‘tilgan mavzuni mustahkamlash va
yangi mavzuga zamin tayyorlash maqsadida darsni “Zanjir” grammatik o‘yini bilan
boshlashni ma’qul ko‘rdim. Bunda o‘quvchilardan biri shahar nomini aytadi, qolgan
o‘quvchilar esa shu shahar nomining oxirgi harfi bilan boshlanadigan boshqa shahar
nomini topadilar.
O‘yinda quyidagi shaharlarning nomlari keltirildi:
Andijon - Do‘stlik
Namangan - Kogon
Nukus - Nishon
Sirdaryo - Navbahor
Yorkent - Rishton
Toshkent -- Nurobod
Toshovuz -- Dang`ara
Zafarobod -- Asaka
Do‘stobod -- Angor
Dehqonobod – Romiton
O‘quvchilarning ayrimlaridan shaharlarning nomini yozib ko‘rsatishni talab
qildim. Masalan: Dehqonobod, Do‘stobod shaharlarining nomlarini yozib ko‘rsatish
ularning imlo savodxonligini oshirishga yordam beradi.
.... ... ... ... ... ... ... .... daryo, ko‘l, suv omborlari nomini aniqlash topshirig`ini berdim.
(Har biro‘quvchi topshiriqni o‘z viloyati misolida beradi). Bu o‘yindan keyin
o‘quvchilarga savol-topshiriqlar yozilgan kartochkalar tarqatdim. So‘ng g’olib guruhni
aniqlab, darsda faol ishtirok etgan o‘quvchilarni baholadim. Ushbu darsda o‘quvchilar
joy nomlarini lotin alifbosi asosidagi yangi yozuvda bexato yozish va geografiya
darslarida olgan bilimlarini mustahkamlashga muvaffaq bo‘ldilar. Demak, “Turdosh va
atoqli otlarni o‘tishda toponim so‘zlardan foydalanish”mavzusidagi dars
Международный научный журнал № 2(100), часть 1
«Научный Фокус» июня, 2023
22
o‘quvchilarning og`zaki va yozma nutq malakalarini o‘stirish, erkin fikrlash
qobiliyatlarini rivojlantirish hamda ularning til va geografiya bo‘yicha nazariy
bilimlarini yanada kengaytirishda yordam beradi.
Ona tili darslari boshqa o‘quv predmetlaridan alohida, mustaqil yashay olmaydi.
Aksincha u ta’lim bosqichlarida o‘rganiladigan xilma-xil o‘quv predmetlari, xususan,
adabiyot, matematika, fizika, informatika, xorijiy tillar bilan o‘zaro aloqadorlikda
o‘rganilsa, o‘z samarasini beradi. Chunki ta’lim tizimida fanlararo aloqadorlik -
integratsiya darslarini tashkil etisho‘quvchilarning mavzuni tez va oson anglashiga olib
keladi. Ona tili darslari asosida so‘z va matn turgani uchun ham bu imkoniyat yanada
kengayadi. Chunki matn vazifasini istagan o‘quv fani materiali bajara oladi. Umuman
olganda, fanlararo aloqalarni amalga oshirishning turli xil usullari mavjud. Ona tili
darslarida badiiy matnning til xususiyatlarini, uslublarini o‘rganish, shu orqali
o‘quvchilarning nutq madaniyatini rivojlantirishda bajariladigan ish turlaridan biri
undan biror til hodisasi yoki uslubini aniqlash va izohlash, bunda o‘quv fanlararo
integratsiyalashdan foydalanishdir. Mazkur ish usuli mohiyatan hosil qilinayotgan
bilimlarni mustahkamlash jarayonini ifoda etadi. Dastlab o‘qituvchi uslublar haqida
umumiy ma’lumot beradi va o‘quvchilarga kerakli manbaalarni yozdirib o‘tadi. Mavzu
tushintirib berilgan keyin, bevosita boshqa fanlar bilan bog‘laydi. Ta’lim bosqichlarida,
xususan, dars jarayonida “Uslubiyat” mavzusini o‘tishda qo‘shimcha manbalardan
foydalanish maqsadga muvofiq bo‘ladi. Buning uchun o‘qituvchi o‘quvchilar qo‘liga
har-xil turdagi matnlar aks etgan tarqatma materiladan foydalanashi mumkin. Bu bilan
o‘qituvchi darsning qiziqarli o‘tishi va shu bilan bir qatorda o‘quvchining faol
bo‘lishiga imkon yaratadi.
1.Yaxshi ham boshqa bolalar bilishmadi, dedi Gulchehra xo‘rsinib . –bilishganda,
bittasi emas, bittasi aytib qo‘yardi. -Ha, rozi bo‘ldi Abdulla, rosa to‘polon bo‘lardi. -Men
amakidan qo‘rqaman. Ko‘zi yomon.Gulchehra Dadavoy amakining ko‘zlarini
ko‘rsatmoqchi bo‘lib olaydi, o‘xshata olmadi. Abdulla kulib yubordi. (O‘.Umarbekov.
“Odam bo‘lish qiyin” asaridan)
2.Qalandarovning hovlisi kattagina ekan. Bir tomonda uncha did bilan solinmagan
bo‘lsa ham, kattagina imorat, sirkor ayvon: uning ro‘parasida hovuz, chog‘roq shiypon,
sim tortib ko‘tarilgan tok, bog‘cha, poliz… lekin bularning hammasi hovli egasining
havasi zo‘ru, hafsala va didi yo‘qligini ko‘rsatib turar edi: tokning bir necha novdasi
simga o‘z holicha tirmashibdi-yu, qolgani yerda yotibdi; meva daraxtlarining ostini,
polizini sho‘ra va g‘umay bosib ketibdi. (A.Qahhor. “Sinchalak” qissasidan)
3.Vatan, istiqlol, ma’naviyat… bu so‘zlar inson ongidagi eng buyuk tushunchalarni
ifodalashda pur hikmat so‘zlardir. Agar insonda shu so‘zlarning birortasi yo‘q bo‘lsa,
hayotning qayeridir kemtik bo‘lib turaveradi. (Gazetadan)
4.O‘ZBEKISTON RESPUBLIKASI QONUNI
Lotin yozuviga asoslangan o‘zbek alifbosini joriy etish to‘g‘risida. Ushbu qonun
O‘zbekiston Respublikasi Konsititutsiyasiga asoslanib va o‘zbek yozuvining lotin
alifbosiga o‘tilgan 1929-1940-yillardagi ijobiy tajribasidan kelib chiqib, jamoatchilik
Международный научный журнал № 2(100), часть 1
«Научный Фокус» июня, 2023
23
vakillari bildirgan istak-xohishlari inobatga olingan holda respublikaning har
taraflama kamol topishi va jahon kommunikatsiya tizimiga kirishni jadallashtiruvchi
qulay sharoit yaratishga xizmat qiladi.
O'zbekiston Respublikasi Prezidenti I.A.KarimovToshkent shahri, 1993-yil 2-
sentabr
5. Yomg‘ir-suyuq tomchi holidagi atmosfera yog‘ini. Tomchining diametri 0,5-
0,6mm bo‘ladi.Yomg‘ir bulutlardagi mayda suv zarralarining qo‘shilib yiriklashuvidan
hosil bo‘ladi. Yomg‘ir ikki xildir: jala yomg‘ir, shivalama yomg‘ir. Jala yomg‘ir to‘p-to‘p
bulutlardan yog‘adi, ko‘p vaqt o‘tmay to‘xtaydi, tomchilari yirik bo‘ladi.
(Darslikdan) Matnlardan ko‘rinib turibdiki, har bir uslubni o‘quvchiga
tushuntirishda boshqa fanlar bilan bog‘langan. O‘quvchilar qo‘lidagi matnlar
jamlanmasini o‘qituvchi bilan birgalikda kuzatib boradilar va bu uning ko‘z o‘ngida
qolishiga yordam beradi. O‘qituvchi tushintishni boshlaydi: birinchi matn badiiy
asardan olingan bo‘lib, so‘zlashuv uslibiga, aynan, badiiy so‘zlashuv uslubiga xosligini
va so‘zlashuv uslubiga xos belgilarni ko‘rsatib o‘tadi. Ikkinchi gapda esa, badiiy uslub
ishtirok etganini va bu uslubni yoritish uchun badiiy asarga yuzlanganini aytadi.
Uchinchi gapda publitsistik uslubning yozma shaklini aytib, bu uslubning muhim
xususiyati axborot berish va ta’sir etish bo‘lib, soddalilik, tushunarlilik, adabiy til
me’yorlariga qattiy amal qilishi ekanligi eslatilib o‘tib ketiladi. To‘rtinchi matn rasmiy
uslubida yozilganligini tushuntish bilan bir qatorda rasmiy uslub turlariga yana bir
marotaba to‘xtab, quyida berilgan matn rasmiy uslubning sof qonunchilik uslubida
yozilganligini sharhlab o‘tadi. Va nihoyat, beshinchi matnda o‘qituvchi ilmiy uslubni
organish uchun fizika faniga murojaat etganligini aytib o‘tadi va ilmiy uslubni yana bir
bor takrorlab o‘tadi. O‘qituvchini bu usul, yani uslubiyat mavzusini boshqa
predmetlarga murojat etish yo‘li bilan o‘rganish o‘quvchi tez va oson organishini va
mavzuni yana bir bor takrorlanishini ta’minlaydi.
Xulosa qilib shuni aytishimiz mumkinki, ona tili darslarini adabiyot bilan
uyg‘unlikda olib borish, о‘quvchilarning badiiy-estetik dunyoqarashlarini yanada
boyishiga olib keladi. Aynan ona tilida biron bir nazariy ma’lumot о‘rganilayotgan bir
paytda о‘quvchilarga aynan shu damda adabiyotdan о‘tilayotgan hikoya, asardan
parchalardan misollar topib kelish, ruboiy, g‘azallardagi sо‘zlarni til nuqtayi nazaridan
tahlil qilishga о‘rgatib borilsa maqsadga muvofiq bо‘ladi. Bu keyinchalik ularning ilmiy
salohiyatlarini yanada oshirishga, oliy ta’limda tahlil yuzasidan bilim, kо‘nikma,
malakalar bо‘yicha mustahkam bilimga ega bо‘lib, til bо‘yicha nazariy ma’lumotlarini
mustahkamlab borishda yordam beradi. Ona tili — millat tafakkurini ifodalovchi,
shakllantiruvchi hamda rivojlantiruvchi eng asosiy vositadir. O‘tkaziladigan har bir
mashg‘ulot tilimizning beqiyos go‘zalligi, joziba va qudratini o‘rganishga qiziqish
uyg‘otishi, uning keng qonuniyatlari bilan tanishtirishi zarurki, bu zamonaviy ta’limni
yo‘lga qo‘yishda eng asosiy va muhim omillardan biridir. Umumiy o‘rta ta’lim
maktablarining ona tili Davlat ta’lim standartlari talablariga ko‘ra o‘quvchilar
egallagan bilim, ko‘nikma va malakalar uch yo‘nalishdagi ko‘rsatkichlar asosida
Международный научный журнал № 2(100), часть 1
«Научный Фокус» июня, 2023
24
tekshiriladi va aniqlanadi. Birinchi ko‘rsatkich — o‘qish texnikasi orqali o‘quvchining
notanish matnni ifodali o‘qiy olish ko‘nikmasi aniqlanadi. Ikkinchi ko‘rsatkich –
o‘zgalar fikri va matn mazmunini anglash malakasi bo‘lib, bolaning og‘zaki bayon
qilinayotgan fikrlarni hamda yozma matn mazmunini anglay olish darajasini aniqlash
maqsadida kiritilgan.Uchinchi ko‘rsatkich – fikrni yozma shaklda bayon etish malakasi
hisoblanadi. Ona tili ta’limining maqsadi shu yo‘nalishda mujassamlashadi.
Dostları ilə paylaş: |