Oʻzbek tili uchun teglangan korpus yaratish”

Tadqiqotning maqsadi. Oʻzbek tili uchun teglangan korpus yaratish maqsadida matnlarni yigʻish va ularni kategoriyalar boʻyicha joylashtirish. Matnlarni kategoriyalar boʻyicha teng taqsimlanganini ta’minlash, matnlarni tayyor holdagi teglar (belgilar) jadvali asosida izohlab chiqish
Tadqiqotning vazifasi. Teglangan korpus haqida umumiy tushuncha, teglangan korpus yaratish usullarini oʻrganish, korpus uchun matnlarni yigʻish, yigʻilgan matnlarni qayta tahrirlash.
Tadqiqotning obyekti. Oʻzbek tilidagi matnlar, oʻzbek tilida lotin yozuvidagi internet saytlari.
Tadqiqotning predmeti. Python dasturlash tilining NLP uchun kutubxonalari. XML tili. Teglar roʻyxati.
Tadqiqotning usullari. Teglangan korpus yaratish usullari
Tadqiqotning natijalarining ilmiy jihatdan yangilik darajasi. Teglangan korpus yaratish usullarini oʻzbek tili uchun qoʻllash, oʻzbek tili matnlarnini sinflarga ajratish, teglangan matnlar yordamida avtomatik tahlil metodlarini yaratish
Tadqiqotning natijalarining amaliy ahamiyati va tatbiqi. Yaratilgan korpus oʻzbek tilidagi joriy matnlarning morfologik hamda sintaktik tahlili namunalarini oʻz ichiga oladi. Ushbu teglangan korpusdan koʻplab tilshunoslar oʻz tadqiqot ishlarida foydalanishlari mumkin.
Ish tuzilishi va tarkibi. Dissertatsiya ishi kirish, uchta bob, xulosa hamda adabiyotlar roʻyxatidan iborat. Har bir bob boʻlimlardan tuzilgan.
Bajarilgan ishning asosiy natijalari. 14 ta kategoriyadan va 6000 dan ortiq soʻz hamda 1000 dan ortiq gapdan iborat oʻzbek tili teglangan korpusi yaratildi.
Xulosa va takliflarning qisqacha umumlashtirilgan ifodasi. Ushbu magistrlik dissertatsiya ishida oʻzbek tilining teglangan korpusini yaratish bayon qilingan. Morfologik va sintaktik teglar ishlab chiqilgan. Yaratilgan teglangan korpus yordamida mashinali oʻrganish metodlarini qoʻllagan holda turli xil algoritmlar qurish mumkin.
I BOB. TEGLANGAN KORPUS YARATISH TEXNOLOGIYALARI.