|
O’zbekiston Respublikasi Davlat statistika qo‘mitasining 2020 -yil 30 -apreldagi 10-son qaroriga ilova
|
səhifə | 1/6 | tarix | 19.12.2023 | ölçüsü | 52,21 Kb. | | #153589 |
| 10-qaror uz 24 05 22
Statistika hisobotlarini yig‘ish jarayonida
hisobot topshiruvchi sub’ektlarni to‘liq qamrab olinishini
ta’minlash bo‘yicha ishlarni tashkil etish
Reglamenti
Mazkur Reglamentga Dalat statistika
qo‘mitasining 2022 -yil 22 -apreldagi 12 –son qarori
bilan o‘zgartirish kiritilgan
Statistika hisobotlarini yig‘ish jarayonida hisobot topshiruvchi subyektlarni to‘liq qamrab olinishini ta’minlash bo‘yicha ishlarni tashkil etish reglamenti (keyingi o‘rinlarda – Reglament) respublika hududida joylashgan tashkilotlarni statistika hisobotlari bilan to‘liq qamrab olishni ta’minlash maqsadida ishlab chiqilgan hamda elektron shakldagi statistika hisobotlarini yig‘ish va qayta ishlash bo‘yicha ishlarni amalga oshirish jarayonida Davlat statistika qo‘mitasi (keyingi o‘rinlarda – Qo‘mita) boshqarmalari va hududiy statistika organlarining o‘zaro hamkorliklari mexanizmini va ularning javobgarligini belgilaydi.
Ushbu Reglament elektron shaklda taqdim etilmaydigan (ya’ni tarqatilishi cheklangan grifiga ega bo‘lgan), shuningdek 15 tadan kam tashkilotlar tomonidan taqdim etiladigan statistika hisobotlarini yig‘ish va qayta ishlashni tashkil etishga tadbiq etilmaydi.
1-bob. Umumiy qoidalar
Mazkur Reglamentda quyidagi ta’riflar qo‘llaniladi:
maqsadli jamlanma – statistika hisobotining tegishli shakli bo‘yicha ma’lumotlarni taqdim etuvchi hisobot topshiruvchi sub’ektlarning (yuridik shaxslar yoki ularning alohida bo‘linmalari) ro‘yxati;
yagona birxillashtirilgan ro‘yxat (keyingi o‘rinlarda – YaBR) – yuridik shaxslarning statistika hisobotining tegishli shakli bo‘yicha kuzatuvga tushgan alohida bo‘linmalari (vakolatxonalari va filiallari) ro‘yxati;
Dostları ilə paylaş: |
|
|