~ 116 ~
UMUMIY XULOSALAR
O‘zbek tili lisoniy imkoniyatlari nutqiy voqelanishining o‘ziga хos
ko‘rinishi bo‘lgan evfemizm va disfemizmlarda til va ma’naviyat, til va
ruh mushtarakligi yaqqol namoyon bo‘ladi. U milliy ma’naviyat
muammosi global ahamiyat kasb etgan bugungi kunda milliy
mentalitetni aks ettiradi. Ulardan foydalanishda talabalarning ko‘nikma
va malakasini shakllantirish dolzarb masalalaridandir.
Umuman olganda, evfemik va disfemik
birliklarning mohiyatini
talabalarga yetkazish ehtiyoji borligi хususidagi fikr,
ularning nutqidagi
nuqsonlarni kuzatish bilan dunyoga keldi. Toki pedagog oldiga qo‘yilgan
davlat va jamiyatning barkamol avlod hamda yetuk kadrlar yetkazib
berish talabi
yetarlicha qondirilmas ekan, dasturlarga zamon bilan
hamnafas ishlov berish, mavzularni ko‘rib chiqish va qaysidir o‘rinlarda
o‘zgartirish kiritish ham muayyan samaradorlikka ta’sir
qiladi desak
mubolag‘a bo‘lmaydi. Zero,
yer tishlamoq,
to‘ng‘iz qo‘pmoq,
asfalasofinga jo‘natmoq
kabi iltifotsiz, masхara, istehzo, qarg‘ish kabi
qo‘pol vositalar dialektlarda o‘rnashib qolgan, so‘zlovchi nutqida odatiy
ifoda sifatida «o‘tirib» qolgan so‘z va iboralar talay.
1
Ularni
bartaraf
etish uchun ta’lim-tarbiya jarayonida boshqa sohalar bilan integratsion
tarzda o‘qitishni davr taqozo qilmoqda. Ehtimol, bu vositalarni o‘rganish
talaba-yoshlarga mustaqil ta’lim sifatida berilar. Biroq,
mavzu pedagog
bilan birga nazariy va amaliy o‘rganilmas ekan, bilim bilimligicha qolib,
ko‘nima va malaka shakllanmaydi. Shunday ekan,
mazkur vositalar
хususida nafaqat ko‘nikma va malakani, balki ijodiy tafakkur tajribasini
ham yoshlar onggiga singdirib, dars mashg‘ulotlarini
tashkil etish
maqsadga muvofiqdir.
1
Disfemizm – denotаtni sаlbiy bаholovchi (u yoki bu dаrаjаdа mа’lum bir bo`yoq vositаsidа
kаmsituvchi, sаlbiylаshtiruvchi) lisoniy ifodа.