155
kabi, inson tanasiga ham modda va energiya‘ning saqlanish qonunlari oʻz
ta‘sirini koʻrsatadi, ya‘ni uning tarkibiy qismlari tabiatning boshqa
holatlariga oʻtadi. Inson tanasi mavjud boʻlishi uchun uni muttasil quvvatlash
(ovqatlanish, sovuqdan va boshqa xavf-xatarlardan saqlash) talab etiladi.
Fikrlash uchun inson tanasining tirikligini ta‘minlash zarur. Bundan hayotni
saqlash, insonning oʻz-oʻzini saqlashi va insoniyatning yashovchanligini
ta‘minlash
zaruriyati kelib chiqadi, bu oziq-ovqat mahsulotlari, kiyim-
kechak, turar joy, sof atrof muhitga ega boʻlish ehtiyojida oʻz ifodasini
topadi;
Ma‘naviy borliqsubyektiv individuallashgan va obyektiv (noindividual)
ma‘naviy borliq sifatida mavjud
. Individuallashgan ma‘naviy borliq – bu
insonning
ichki dunyosi, u onglilik va ongsizlikni qamrab oladi. Bunday
yondashuvga koʻra, ruh – individual ong bilan ayniy tushuncha, tor ma‘noda
esa u tafakkurdir. Ong – inson bosh miyasining dunyo borligʻini izchil aks
ettirish, uni obrazlar va tushunchalarga aylantirish qobiliyati. U taassurotlar,
sezgilar, kechinmalar, fikrlar, shuningdek gʻoyalar, e‘tiqodlar, qadriyatlar,
moʻljallar, andozalarning koʻrinmas jarayoni sifatida mavjud. Ong tez
oqadigan va bir xil boʻlmagan orqaga qaytmaydigan xususiyatga ega.
Shaklan bu jarayon tartibsiz, lekin shu bilan bir vaqtda unda muayyan tartib,
barqarorlik, struktura, muayyan darajada intizom va iroda mavjud.
Inson ongi ayni vaqtda uning oʻz-oʻzini
anglashi, ya‘ni oʻz tanasi,
fikrlari va tuygʻularini, oʻzining boshqa odamlarga boʻlgan munosabatini va
oʻzining jamiyatdagi oʻrnini anglab etishi, ya‘ni oʻzini oʻzi bilishdir. Oʻzlikni
anglash – bu ongimizning oʻziga xos asosidir.
Individual ong oʻzining oʻlimga mahkumligi bilan tavsiflanadi, lekin
uning ayrim qismlari noindividual ma‘naviy shakl-shamoyil kasb etadi,
shuningdek boshqa kishilar mulkiga aylanadi. Hatti-harakatlarda inson
ongining fragmentlari moddiylashadi, ularga
qarab odamlarning niyatlari,
moʻljallari, maqsadlari, gʻoyalari haqida xulosa chiqariladi. Noindividual
ma‘naviy borliqning oʻziga xos xususiyati shundaki, uning elementlari
saqlanadi, takomillashadi va ijtimoiy makon va vaqtda erkin harakatlanadi;
Dostları ilə paylaş: