8
G-m.f.d., professor Abidov Asror Abbasovich
yorqin xotirasiga bag‘ishlanadi
.
KIRISH
Neft va gazning turli ierarxik darajadagi
geotuzilmalarda shakllangan
makonlari neftgaz to‘plamlari (uyumlari) yuqori tartibdan quyi tartib tomon
quyidagi tizimda ma’lum qoidalarga binoan neftgazgeologik rayonlashtirish
asosida ajratiladi: neftgazi provinsiyalar → neftgazli oblast → neftgazli rayon →
neftgaz yig‘uvchi zona → neft va gaz koni → neft yoki gaz uyumi.
Neft va gaz uyumlarini izlash va razvedka ishlari, ularning metodlari haqida
o‘zbek tilida yozilgan maxsus adabiyotlari deyarli mavjud emas.
Bunday ishlar
adabiyotlarda neft va gaz uchun olib boriladigan geologiya-razvedka ishlari deb
ham ataladi.
Neft va gaz uyumlarini izlash va razvedka ishlari neftgazli xududlar va
akvatoriyalarning geologik, genetik xususiyatlariga qarab
turli metodlarda tizimiy
asosda olib boriladi.
Tizimiy asosda olib boriladigan geologiya-razvedka ishlarining yakuniy
maqsadi uglevodorodlarning razvedka qilingan,
sanoat ahamiyatiga molik
zahiralarini tayyorlab, neft va gaz sanoatining xom ashyo bazasini
mustahkamlashdan iborat. Bu esa suyuq uglevodorodlar (neft
va tabiiy gaz
tarkibida gaz kontensati) va tabiiy gaz qazib chiqarish ko‘rsatkichlari dinamikasini
ta’minlashga asos yaratadi.
Izlov-razvedka ishlari regionning va uning geologik kesimining geologo-
geofizik o‘rganilganlik darajasi bilan uzviy bog‘liq hamda investitsion bloklar
xududida yoki investorlar hoxish-istaklari bo‘yicha
biror regional, investitsion
bloklarda integrallashgan yo‘nalishda bajarilishi ham mumkin.
Ushbu darslikda neft va gaz uyumlarining izlashlik va razvedkasida
qo‘llaniladigan geologo-razvedka ishlari
metodlarining turlarini, bu ishlarni
9
bajarishdagi bosqich va pog‘onalarni, genetik turlicha bo‘lgan neft va gaz uyumlari
uchun bajariladigan ishlarning xususiyatlarini yoritib berilgan.
Darslik neft va gaz konlar geologiyasi, izlash va razvedkasi yo‘nalishidagi
bakalavr va magistrlarga, doktorant hamda neft va gaz konlarini geologo-razvedka
ishlari bilan shug‘ullanuvchi mutaxassislarga va
ilmiy-tadqiqot institutlari
xodimlariga mo‘ljallangan.
Darslik birinchi bor yaratilayotganligini e’tiborga olib, u ba’zi kamchilik va
xatolardan holi ekanligini va uni to‘ldirish, kamchiliklarini bartaraf etish bo‘yicha
barcha hoxish-istaklarni, takliflarni Toshkent – 100095. Universitet-2. Islom
Karimov nomidagi Toshkent
davlat texnika universiteti, “Neft va gaz konlari
geologiya” kafedrasiga yo‘llashni mualliflar iltimos qiladi.
Dostları ilə paylaş: