asosiy
qismi
kamida uch bobdan iborat bo‘lib, boblar hajm jihatidan o‘zaro mutanosib
bo‘lishi va quyidagilarni o‘z ichiga olishi lozim: tadqiqot mavzusiga taalluqli boshqa
manbalarda keltirilgan nazariy, amaliy va empirik tadqiqotlar natijalarining tanqidiy
tahlili; tadqiqot metodikasi va ishning amaliy qismi bayoni; tadqiqot olib borilgan
masalani hal etishda magistratura talabasining shaxsiy hissasi ko‘rsatilgan holda
tadqiqotning asosiy natijalari bayoni.
Magistrlik dissertatsiyasining
xulosa
qismida barcha boblarda qayd etilgan
natijalarning ilmiy va amaliy ahamiyati, shuningdek ilmiy tadqiqot muammosini hal
etish bo‘yicha xulosalar yoritiladi. Xulosa qismi 4 sahifadan oshmasligi kerak.
Dissertatsiya ishining har bir bobi alohida xulosa va takliflar bilan yakunlanadi,
lekin uning asosiylari ishning umumiy «xulosa» bo‘limida jamlanadi. Dissertatsiya
ishining xulosa qismida tadqiqot natijasida chiqarilgan xulosalar va aniq takliflar,
shu jumladan, dissertatsiya ishini bajarish davrida magistrantning shaxsan erishgan
natijalari ham mujassamlashtiriladi. Bunda dissertatsiya ishining «Olingan natijalar
va ularning muhokamasi» bobidagi asoslangan ilmiy yangilik va yutuqlar aniq va
ravshan yoritilishi lozim. Magistrlik dissertatsiyasiga uning mazmunini bayon etish
uchun bevosita zarur bo‘lgan qo‘shimcha ma’lumotlarni o‘z ichiga olgan materiallar
ilova qilinishi mumkin. Ilova qismining hajmi magistrlik dissertatsiyasi umumiy
hajmining uchdan bir qismidan oshmasligi lozim. Dissertatsiya ishining ilovasida
magistrant tomonidan bajarilgan ilmiy–tadqiqot ishlarining dastlabki, boshlang‘ich
ma’lumotlar, dissertatsiya ishining ayrim qismlari uchun zarur bo‘lgan ko‘rgazmali
chizma, sxema, jadval va rasmlar keltiriladi. Magistrlik dissertatsiyasi ustida
ishlayotgan magistrant kasb odob-axloqi qoidalariga rioya etishi (plagiat,
ma’lumotlarni soxtalashtirish, shuningdek yolg‘on sitatalar keltirishga yo‘l
qo‘ymaslik) lozim. Dissertatsiya matni standart varaqda yozilgan bo‘lib, unda
quyidagi qoidalarga rioya etilgan bo‘lishi lozim: dissertatsiyasi matnini
Misrosoft
Word
matnli redaktorida
Times New Roman
, 14 shriftda yozilgan; qatorlar oralig‘i -
1,5 sm; yuqori va pastki hoshiya 2 sm, satr boshi: chap tomondan 3 sm, o‘ng
21
tomondan 2 sm; xatboshilar orasidagi oraliq - 5 yoki 6 belgili. Betning tartib raqami
sahifaning osti o‘rtasiga qo‘yiladi.
Magistrlik dissertatsiyasining hajmi titul varaq, mundarija, adabiyotlar
ro‘yxati va ilovalardan tashqari 70-80 sahifa bo‘lishi tavsiya etiladi. Magistrlik
dissertatsiyasi magistrant o‘qigan tilda (kafedra yoki magistratura bo‘limi
tavsiyasiga muvofiq chet tilda) tayyorlanadi. Chet tilda tayyorlangan magistrlik
dissertatsiyasiga davlat tilida yozilgan annotatsiya ilova etiladi. Bunday magistrlik
dissertatsiyalarining dastlabki va rasmiy himoyalari tarjima bilan o‘tkaziladi.
Magistratura mutaxassisligi xususiyati hisobga olingan holda magistrlik
dissertatsiyasi tarkibiy qismlarining mazmuni va hajmi fakultet O‘quv-uslubiy
kengashining qarori bilan o‘zgartirilishi va ko‘paytirilishi mumkin.
Dostları ilə paylaş: |