O„zbekiston respublikasi oliy va o„rta maxsus ta‟lim vazirligi samarqand davlat universiteti

VI-BOB. C++ DASTURLASH TILINING GRAFIK IMKONIYATLARI 
C++ dasturlash tili tarkibida boshqa dasturlash tillari kabi grafik
imkoniyatlari mavjud. Dasturlashda grafik rejim bilan ishlashda, albatta, grafik
rejimga o‗tish komandalari berilishi shart. Dasturlashning grafik rejimida
geometriya fanining ba‘zi bir elementlari nuqtalar, to‗g‘ri chiziqlar, aylana, ellips
va yarim aylana kabi elementlarni tasvirlash imkoniyatlari mavjud. C++ dasturlash
tilida yuqorida ta‘kidlangan elementlardan tashqari ma‘lum bir sohalar, shakllar,
shakllar atrofiga izohli ma‘lumotlar hamda rangli soha va rangli shakllar hosil
qilish imkoniyatlari mavjud.

6.1 C++ DASTURLASH TILI TARKIBIDA GRAFIK MUHITNI 
YARATISH VA UNDAN FOYDALANISH 
Reja: 

1. Grafik muhitini yaratish; 
2. Tekislikda chizma va shakllar chizish; 
3. Tozalash va kutib turish funksiyalari; 
4. Grafik rejimning maksimal koordinatalari va izohli ma‘lumotlar hosil 
qilish funksiyalari; 
5. Chiziq shaklini o‗zgartirish funksiyasi; 
6. Tekslikda ichi bo‗yalgan to‗rtburchaklar hosil qilish funksiyasi. 

C++ dasturlash tilida ma‘lum bir shakllar va chizmalarni hosil qilish uchun

avval, albatta, grafik rejimni hosil qilish kerak. Dastur tarkibida kerakli shakl va
chizmalarni yaratish buyrug‘i berilgandan so‗ng grafik rejimni yopib qo‘yish
kerak bo‗ladi. C++ dasturlash tilida grafik rejimi hosil qilingandan so‗ng uning
tarkibiga kerakli chizma va shakllarni hosil qilish buyruqlarini yozish mumkin.
Barcha dasturlash tillarida bo‗lgani singari C++ dasturlash tili ham juda boy grafik
imkoniyatlarga ega. Odatda qo‗shimcha buyruqlar berilmasa, kompyuter ekrani
matn muhitida bo‗ladi. Grafik muhitni joriy qilish uchun dasturga
#include kutubxonasi ham qo‗shilishi lozim. Bu kutubxona
yuklangandan so‗ng main() funksiyasi blokida