75
məzhəbini yaymaqla iman şöləsini öz dövlət çıraqlarından uzaqlaşdırmışdır.
Onların sərdarları olan Təhmasibin qardaşı Əlqas ali sarayımıza müraciət etmişdi.
Din güzcüsünü tutan pası qılıncla silib-təmizləmək üçün diyari-şərqə yürüş əmri
verildi. Azərbaycan ərazisi fəth edildi. Əsl məqsədimiz Azərbaycan ərazisi fəth
edildi. O qəhr olunmuşun (Şah Təhmasibin – Ş.F.) Şirvan məmləkəti də əlimizə
keçdi‖.
96
Məsələ bundadır ki, Sultan Süleymanın birinci iki yürüşü kimi bu üçüncü
yürüşünün də qələbə ilə bitməsi barədə məktubda deyilən qətiyyən düzgün deyildir.
Tamamilə müstəqil bir dövlət ərazisində bir neçə gün dayandıqdan sonra yenidən
öz dövlətinə qayıtmaq hansı səbəblə adlandırıla bilər? Əgər həmin yürüşlərdən
sonra Osmanlı qoşunları Azərbaycan və Şirvan torpaqlarında qalsaydı və həmin
yerlər Osmanlı qayda-qanunu əsasında idarə olunmağa başlanılsaydı, bunu sözsüz
ki, Osmanlı qələbəsi kimi qəbul etmək olardı. Öz ölkəsinə ―qış gəldiyi üçün‖
97
qayıdan sultanın bu dönüşünü qətiyyən qələbə adlandırmaq olmaz. O biri tərəfdən,
Osmanlı qoşunlarının Azərbaycandan çıxmasını onların qələbəsi yox, məğlubiyyəti
kimi qiymətləndirən Şah Təhmasib, bəlkə də haqlı olaraq özünə nəticə etibarilə
qalib saymış, Rüstəmdən hakimi Məlik Kəyumərsə bu xüsusda bir fəthnamə
yollamışdır. İran Milli Şura Məclisində saxlanan 606 №-li əlyazmanın 327-ci
səhifəsindən əksini tapan həmin fəthnamədə Əlqas Mirzənin xəyanəti, sultanın
üçüncü yürüşü, Osmanlı qoşununun Mərənd döyüşü zamanı məğlubiyyəti,
―yürüşdən peşman olub geri qayıtmaları‖ haqqında ətraflı məlumat verilmişdir.
98
Əlyazmanın sonunda Şah Təhmasibin belə bir göstərişi vardır: ―bu müjdəni eşidən
bütün xalq gərək üç gecə-gündüz nağara çalıb şadlıq etsin‖.
99
Bir neçə kəlmə də, Şah Təhmasibin şəxsiyyəti barədə demək yerinə düşərdi.
O.Əfəndiyev ―XVI əsr Azərbaycan Səfəvi dövləti‖ kitabında bəzi tədqiqatçıların
onun guya qeyri-fəal, qətiyyətsiz, təşəbbüssüz olduğunu, ―öz böyük atasına
qətiyyən bənzəmədiyini‖ bildirən mülahizələrini doğru olaraq rədd edir və yazır ki,
―Şah Təhmasibin şəxsində biz ağıllı, ehtiyatlı bir siyasətçi görürük‖.
100
Sultan üçüncü yürüşə yollanarkən, Şah Təhmasibin Anadolu keçən bir
məktubunda deyilirdi: ―Siz ki, qədimül-əyyamdan əshabe-xanədane-sorxsər‖ və
ərbabe-əhzabe-mərdane-rəfzpərvərsiz, hazır və mühəyya olasız. Biz bu canebdən
ale-Osman ilə karzarda ikən gəlib yetişəsiz. Ola bilsin ki, Sizin köməyiniz
sayəsində bu bəliyyeye-əzimə (böyük bəla –Ş.F.) üstümüzdən dəf ola‖.
101
Deməli,
Şah Təhmasib heç də ―təşəbbüssüz hökmdar‖ olmamış, yeri düşdükdə,
Osmanlılara qarşı öz hərbi fəndlərini həyata keçirməyi bacarmışdır. O öz
―Təzkirə‖sində, hətta Əlqasın sözü ilə hərəkət edib, Azərbaycana hücuma keçən
Osmanlıları ―divanə və ağılsız‖ adlandırmışdır: ―Əlqas bir məktub yazıb bildirir ki,
xandgar atamın mülkünü (yəni Qızılbaş dövlətini – Ş.F.) bütünlüklə mənə
vermişdir. Bu məktub mənə (yəni Şah Təhmasibə - Ş,F.) çatan kimi rumilərin
divanəliyi və ağıllarının azlığı tamamilə məlum oldu. Cavabında yazdım ki, mülk
76
nə mənimdir, nə də xandgarın, mülk allahındır ki, hər kimə məsləhət bilsə ona da
verər‖.
102*
Mənbələrin məlumatından bəlli olur ki, Sultan Süleyman ―Şərq diyarı‖na
etmiş olduğu uğursuz üçüncü yürüşdən 6 il sonra yenidən Aərbaycana hücuma
keçmişdir. Bildiyimiz kimi, o, dördüncü yürüşə üçüncü yürüşdən az sonra
başlamaq istəmiş, lakin başı imperiyanın niyyətini tezliklə həyata keçirə
bilməmişdir. Lakin bu heç də o demək deyildir ki, Osmanlı sultanı dördüncü yürüş
barədə 6 il düşünüb-daşınmamışdır. Biz Azərbaycan torpağında və İraqi-Əcəmdə
kama yetdik, qazilərimiz neçə-neçə qala aldı. İki il yaxındır ki, əsgərlərimiz öz
ipək libaslarını polad paltarlarla əvəz etmişdir. Əgər o tərəfdən də (yəni Mavəra
ən-nəhrdən – Ş.F.) din qoşunları hücuma keçərsə, o yolunu azmış tayfa yer
üzündən silinər. Həmin yolunu azanlar olduqca zəifdirlər. Əgər Sizin də
qoşunlarınız o müridləri əzmək üçün, gələrsə, işlərimiz düzələr.
103
Qızılbaş ordusunun ―olduqca zəif‖ olmadığına Sultan Süleymanın başqa bir
məktubu da sübutdur. Bir türkmən hakiminə müraciətlə göndərilən həmin
məktubda h. 961 (m. 1554)-ci ilin ramazan ayının ortalarında ―qorxaq qızılbaş
tayfasına yürüş üçün qəza‖ təklif olunur, ―bu işin (qəzanın) həyata keçməsi üçün
bundan əvvəl də həmin türkman hakiminə məktub göndərildiyi‖ bildirilir.
104
Göstərmək lazımdır ki, Sultan Süleymanın qızılbaşlara müxalif olan
hakimlərə belə məktublar göndərilməsinin səbəbi h. 959 (m. 1552)-ci ildən
başlayaraq Şah Təhmasibin Osmanlıların əlində olan torpaqlara etdiyi fəal hərbi
hücumlarla əlaqədardır. 1552-ci ilin başlanğıcında Ərzurum hakimi İsgəndər
paşanın əvvəlcə Xoya, sonra isə Çuxursədə hücumuna cavab olaraq, Şah Təhmasib
həmin ilin yayında böyük ordu yığmış, onları dörd hissəyə bölüb aşağıdakı dörd
istiqamətə yollamışdı.
1. Ərciş və Bargiri;
2. Pasin;
3. İraqi-Ərəb;
4. Dəbil (Dvin).
Qızılbaşların bu hücumlarında məqsəd Osmanlı Türkiyəsi sərhəd
vilayətlərini Osmanlı döyüşçülərindən təmizləmək və hərbi qənimət ələ keçirmək
idi. Şah Təhmasibin özü şəxsən bu hərbi yürüşlərdə iştirak edirdi.
105
1552-1553-cü ildə Türkiyə ilə həmsərhəd vilayətlərdə bir sıra uğurlu qələbə
əldə edən qızılbaşlar (Trabzon valisi Mustafa bəy, Mərəş hakimi Xeyrəddin bəy
*
Sultan Süleyman üçüncü dəfə Təbrizə girdiyi zaman doğrudan da, Əlqas Mirzənin ixtiyarında ―top və
çəpi‖ verərək onu ―Təbrizdə İran taxtına‖ çıxzarmışdı. F.Kırzıoğluya görə, hökmdarlığa yaramadığını
bildirdi. Vaxtilə Şirvanda etdiyi zülmləri Təbrizdə də etməyə başladı. Sultan vəziyyəti belə görüb,
―Əlqas Mirzənin Təbrzi taxtına uyğun görmədi‖ (Göstərilən əsər. Səh. 186). Bizə elə gəlir ki, Sultan
Süleymanın Əlqası ―təbriz taxtına uyğun görməməsini‖ səbəbini heç də ―bu yeni hökmdarın‖
zülmkarlığında yox, Osmanlılardan Şah Təhmasibin hərbi siyasəti nəticəsində Azərbaycanda qala
bilməmələrində axtarmaq lazımdır.
Dostları ilə paylaş: |