200
İlk radio himni olan bu marş uzun illər səhər və axşam veriliş-
lərinin başlanğıcında çagırış kimi ifa olunmuşdur.
“RV-8” marşı M.Maqomayevin radioda işlədiyi illərin ilk
yaradıcılıq məhsulu idi.”
1
Müasir həyata, gündəmdə olan aktual bir mövzuya həsr edilmiş
digər bir əsəri haqda M.Maqomayev yazırdı ki, qara çadranı
həmişəlik atan Azərbaycan qadınlarının həyatındakı bu yeniliyi
“Azad Azəri qadınının rəqsi”ndə verməyə çalışmışam.
M.Maqomayevin simfonik orkestr üçün yazılan əsərləri janrca
bir neçə qrupa bölünür. Bu qruplardan biri Azərbaycan xalq rəqslə-
rilə bağlı, ikincisi marş xarakterli simfonik əsərlərdir. Üçüncü qru-
pa daxil olan əsərlər janr əlamətlərinə görə Azərbaycan xalq mah-
1
Nəcəfov S. Unudulmaz xatirələr, Ədəbiyyat və incəsənət qəz., 1975, 12 dek.
201
nılarına yaxındır. Nəhayət, dördüncü qrup janr köklərinə görə mu-
ğama yaxınlaşan simfonik orkestr üçün yazılan əsərlərdir.
M.Maqomayevin simfonik orkestr üçün yazılan əsərləri Azər-
baycan bəstəkarlıq məktəbinin mühüm fəaliyyət sahələrindən
olan simfonik musiqinin təşəkkülündə atılan ciddi bir addım idi.
Bəstəkarın simfonik orkestr üçün yazılan əsərləri onun yara-
dıcılıq simasının formalaşmasında əhəmiyyətli rol oynamışdır.
Kütləvi mahnıları kimi bu əsərlər də M.Maqomayevi inqilabi
hadisələrdən bəhs edən monumental musiqili səhnə əsərini –
“Nərgiz” operasını yaratmağa hazırladı.
M.Maqomayev “Şah İsmayıl” operasının müxtəlif variantları
üzərində işlədiyi illərdə bir sıra başqa janrlarda da əsərlər yaz-
mışdır. Bəstəkarın arxivində demək olar bitmiş bir əsər olan
“Xoruz bəy” adlı musiqili komediya, Azərbaycan kəndində sinfi
mübarizədən bəhs edən “Dəli Muxtar” adlı baletin librettosunun
qeydləri və ayrı-ayrı rəqs epizodları mühafizə olunur.
Bəstəkar həmin illərdə C.Məmmədquluzadənin “Ölülər” və
C.Cabbarlının “1905-ci ildə” tamaşalarına, Bakı kinostudiyası-
nın ilk səsli filmlərindən olan “Lökbatan”, “Bizim raport” və
“Azərbaycan incəsənəti” filmlərinə musiqi yazmış və digər
əsərlər üzərində işləmişdir.
Çox geniş yaradıcılıq diapozonuna malik M.Maqomayevin
əsərləri içərisində söz yox ki, məhz opera janrı əsas yeri tuturdu.
O, bütün yaradıcılığı boyu Azərbaycanda milli operanın təşək-
külündə geniş fəaliyyət göstərərək, gərgin mübarizə aparmışdır.
Azərbaycan incəsənətində 1920-1930-cu illərdə yeni ideologiya-
nın təməli qoyulduğu bir zamanda ənənə və varislik probleminə
müxtəlif cür münasibət bəslənirdi. Mətbuatda bu məsələ ilə bağ-
lı Azərbaycan musiqisinin sonrakı inkişafına zərər verə bilən bə-
zi səhv fikirlər işıqlandırılırdı. Belə ki, bəzi musiqi xadimləri
Azərbaycan musiqisinin dünya musiqi mədəniyyətindən təcrid
edilmiş şəkıldə inkişafının tərəfdarları idilər. Onlar hesab edirdi-
lər ki, Azərbaycan milli musiqisi kənar təsirlərə məruz qalıb, öz
milli mahiyyətini itirə bilər. Digərləri isə əksinə, belə hesab edir-
dilər ki, müasir musiqi milli ənənələrdən, xalq yaradıcılığının
həmişəyaşar qaynaqlarından uzaq olmalıdır. Bu fikirdə olan mü-
202
əlliflər mətbuatda çap etdirdikləri məqalələrdə Azərbaycan bəs-
təkarlarının inqilabdan əvvəlki nailiyyətlərini bütünlükdə inkar
edir, onların üstündən xətt çəkirdilər. Bu məqalələrdə Azərbaycan
bəstəkarlarının erkən opera əsərləri “muzey eksponatları” ad-
landırılır, yeni türk operasının yaradılması ideyası irəli sürülür,
köhnə operaların da “çadra ilə birlikdə arxivə təhvil verilməsi”
təklif edilir.
1
Bəzi mühafizəkarlar hətta milli çalğı alətlərini köh-
nəliyin qalığı kimi rədd etmək fikrini irəli sürürdülər. Doğrudur,
bu yönlü məqalələrdə bəzi müsbət fikirlərə də rast gəlmək olurdu.
Yuxarıda qeyd etdiyimiz məsələlərin müzakirəsində Ü.Hacı-
bəyli və M.Maqomayev çox fəal iştirak edir, öz yaradıcılıqları
ilə sübut edərək çıxışlarında bildirirdilər ki, Azərbaycan musiqi-
sinin tərəqqisi yalnız o zaman mümkün ola bilər ki, o, dünya
musiqi mədəniyyətinin nailiyyətlərindən istifadə edərkən milli
musiqi formalarını da saxlayıb, onları bir qədər də inkişaf etdirsin.
Türk operası ilə bağlı mənfi rəylərlə çıxış edən müəlliflərə
cavab olaraq M.Maqomayev “Türk operası haqqında” adlı mə-
qaləsində yazırdı: “Yoldaş Quliyev Avropa ölkələrinin səhnəsin-
də də göstərilib, onunla rəqabət apara bilən türk operasının ol-
masını istəyir. Bunu kim istəmir ki”.
M.Maqomayev ifaçı kadrlar hazırlanmasını israrla təklif edir
və bununla əlaqədar olaraq teatrın nəzdində opera studiyası ya-
radılmasının zəruri olduğunu göstərirdi. O, xorun tərkibinin key-
fiyyətinin vacib olduğunun, rejissor işinin gücləndirilməsinin,
bütövlükdə opera teatrının musiqi mədəniyyəti səviyyəsini yük-
səltməyin vacib olduğunu bildirirdi. Maqomayevin əsas məqsədi
lap qısa müddətdə həll olunmalı ən vacib problem həmin illərin
inkişafı səviyyəsi ilə ayaqlaşan, müasir tələblərə cavab verən ye-
ni opera əsərləri yaradılması məsələsi idi.
O dövr üçün günün ən vacib məsələsi yeni tipli Azərbaycan
operası yaratmaq tələbi idi. Maqomayev hələ 1916-cı ildə yazdı-
ğı “Şah İsmayıl” operası partiturasının bədii səviyyəsindən razı
deyildi. Bu əsərdə həlledici rolu muğam improvizasiyaları oyna-
yırdı və buna görə də nə qədər orijinal, nə qədər bənzərsiz olsa
1
Исмайлова Г. Муслим Магомаев. Баку, 1975.