|
Qafqaz müSƏlmanlari idarəSİAzerbaycanda-Ehlibeyt-irsiMəqalələr toplusu
287
Azərbaycan xalqı istər Əməvilər, istər Abbasilər və istərsə də
digər dövrlərdə işgəncə görən, təqibə məruz qalan Əhli-beyt
mənsublarına və tərəfdarlarına qucaq açmışdır. Bu xalq Həzrət
Peyğəmbərə (s) onu görmədən iman gətirmiş, Vida xütbəsinə birbaşa
qulaq asmadan əməl etmişlər. Özlərinə pənah gətirən Əhli-beytə sahib
çıxmış, nəyin bahasına olursa-olsun onları düşmənlərə təhvil
verməmişlər. Əslində bu xalq, Həzrət Peyğəmbərin (s) görməyi
arzuladığı qardaşlarıdır. Necə buyurmuşdu Allahın Rəsulu (s):
“Məni görmədikləri halda mənə inanan qardaşlarımı görməyi
çox istəyərdim”.
Əhli-beyt sevgisini qəlbində daşıyan bu xalq, onların vəfa-
tından sonra məzarlarını ziyarətgaha çevirmiş, Allahdan onların
xatirinə yardım istəmiş, axirətdə şəfaətlərini Uca Yaradandan
diləmişdir. Beşinci İmam Məhəmməd əl-Baqirin (ə) oğlu Mövlana
İbrahimin Gəncədə, yeddinci İmam Musa Kazımın (ə) qızı Həkimə
xanımın Bibiheybətdə, yenə İmam Kazımın (ə) bir başqa qızı Rəhimə
xanımın Nardaranda dəfn olunması bu xalqda olan Əhli-beyt
sevgisinin parlaq təzahürüdür.
Əhli-beyt ailəsindən olan bu pak insanlar dövrün siyasi
təzyiqindən xilas olmaq üçün Azərbaycana gəlmişlər. Onların
Azərbaycana pənah gətirməsi təsadüfi deyildir. Yardımsevər
Azərbaycan xalqı onları tək qoymamış, mühacirə kömək edən ənsar
kimi onlara ehtiram göstərərək bağrına basmışdır. Tarix boyu var olan
bu gözəl ənənə bu gün də Azərbaycan xalqı tərəfindən davam etdirilir.
Azərbaycan xalqının Əhli-beyt sevgisi tarixi köklərindən gələn
inancından qaynaqlanır. Məlum olduğu kimi, bu torpaqlarda İslam
üçüncü xəlifə Osman ibn Əffan zamanında yayılmağa başlamış və
Həzrət Əlinin (ə) xilafəti dövründə Dərbəndə qədər fəthlər
|
|
|