Ġqtisadi və Siyasi Elmlər Jurnalı
Yüklə 2,17 Mb. Pdf görüntüsü
|
51 İqtisadi və Siyasi Elmlər Jurnalı. № 4 (9) 2017 bütün varlığı ilə xalqına, vətəninə bağlı olan portreti idi. O, ilhamını, gücünü, qüdrətini xalqından alır, fəaliyyətinin bütün məqamlarında dövlətin milli maraqlarını ön plana çəkirdi. Heydər Əliyev dövlət idarəçiliyinin vəzifə pillələrində özünün hədsiz zəhmətsevərliyi, tükənməz enerjisi və nadir idarəçilik qabiliyyəti sayəsində irəliləyir, başladığı bütün işlərdə böyük uğurlar qazanırdı [4, 5, 6]. Bu gün biz tam əsasla və həm də iftixarla deyə bilərik ki, bu dövləti müstəqilliyimizin bərpasından bu günə qədər keçən müddət ərzində qarşılaşdığımız böyük çətinliklərə baxmayaraq, məhz ümummilli liderimiz Heydər Əliyevin zəkası, onun böyük təşkilatçılıq fəaliyyəti, yeritdiyi müdrik siyasət sayəsində qura bildik. Odur ki, Azərbaycan xalqının, müstəqilliyimizin, dövlətçiliyimizin mənafeyinə uyğun olan bu siyasət Azərbaycan dövlətini qoruyub möhkəmləndirmək və daha da inkişaf etdirmək üçün mütləq şəkildə davam etdirilməlidir. Əgər belə olmazsa müstəqilliyimiz yenidən böyük çətinliklərə məruz qala bilər. Keçən illərin ən mühüm nailiyyətlərindən biri də müstəqilliyimizə olan inamın möhkəmləndirilməsi, Azərbaycan dövlətçiliyinin xilas edilməsi oldu. Belə ki, biz bu dövləti boş pafosdan qurmamışıq. Hər şeydən əvvəl bu dövlət dünya təcrübəsinə, beynəlxalq təcrübəyə əsaslanaraq qurulmuşdur. Eyni zamanda biz onu ümummilli liderimiz Heydər Əliyevin göstərdiyi yolla gedərək, milli-mənəvi dəyərlərimizə, tarixi nailiyyətlərimizə söykənərək qurmuşuq. Ona görə də bu cəhət çox böyük əhəmiyyətə malikdir [2, s.16]. Bizim dövlətçilik ənənələrimiz çox tarixi köklərə söykənir, idarəçilik mədəniyyətimiz qədim və həm də zəngindir. Ona görə də bu dövləti qurarkən və müstəqilliyimizi yenidən bərpa edərkən biz dövlətçilik ənənələrimizə söykənmişik və bu sahədəki zəngin təcrübədən bəhrələnmiş və uzun illər ərzində istifadə etmişik. Doğrudur, biz bu keçid dövründə çox böyük mərhumiyyətlərə məruz qalmışıq. Bu, şübhə döğurmur. Bizim dilimiz, dinimiz, milli-mənəvi dəyərlərimiz sıxışdırılmış, nə qədər repressiyalar olmuş, xalqımızın başına müsibətlər gətirilmişdir. Lakin bütün bunlarla yanaşı, həmin bu illərdə böyük tərəqqi və yüksəliş də olmuşdur. Elmimiz, təhsilimiz, mədəniyyətimiz inkişaf etmişdir. Bu tərəqqi məhz Heydər Əliyev 1969-cu ildə Azərbaycana rəhbərlik etməyə başladıqdan sonra çox sürətlə getmişdir [25, s. 20]. Azərbaycaınn XX əsr tarixinin mürəkkəb və taleyüklü hadisələrlə müşahidə edilən son qərinəsi Ümummilli lider, görkəmli dövlət xadimi Heydər Əliyevin adı ilə bağlıdır. Ulu öndərin dövlət idarəçiliyinin 52 İqtisadi və Siyasi Elmlər Jurnalı. № 4 (9) 2017 nəzəriyyə və təcrübəsinə, dövlət quruculuğuna, idarəçilik sənətinə gətirdiyi yeniliklər bütün dövrlər üçün əhəmiyyətlidir. Çünki Heydər Əliyevin müstəqillik dövründəki fəaliyyəti ilə əvvəlki rəhbərlik dövründəki fəaliyyəti arasında üzvü əlaqə vardır. Belə ki, əgər biz Heydər Əliyevin Azərbaycana rəhbərlik etdiyi birinci dövrə nəzər salsaq görərik ki, Azərbaycanın siyasi tarixində yeni bir mərhələ olmuş bu dövrdə xalqımızın həyatı və taleyi ilə bağlı olan çox məsələlərə yeni ideoloji konseptual yanaşmaların əsası qoyulmuş oldu. Burada gələcəyə tuşlanmış bu strateji xətdə başlıca olaraq birinci növbədə əsas vasitə kimi tənəzzülə uğramış iqtisadiyyatın tezliklə dirçəldilməsi, Azərbaycanın təbii ehtiyatlarından iqtisadi, təhsil, elm və mədəni potensialından xalqın bəhrələnməsi üçün əlverişli şərait yaradılması ön plana çəkilirdi. Bu müddət ərzində dövlət idarəçiliyi sistemində çox qabiliyyətli, milli ruhlu kadrlarımız yetişdi. Bu gün müstəqil Azərbaycanı Respublikası 18 il ərzində bu nailiyyətlərə, uğurlara gəlib çıxıbsa, müəyyən zaman kəsiyində xalqımız bu qədər müsibətlərlə üzləşməyinə, iqtisadiyyatımıza dəyən zərbələr baxmayaraq biz bütün bu nailiyyətləri əldə edə bildiksə, demək ki, bunlar onun nəticəsidir ki, məhz Heydər Əliyevin Azərbaycana rəhbərlik etdiyi bütün o illər ərzində milli ruhlu ziyalılar, potensial kadrlar yetişdirilmişdi [22, s.68]. 1993-cü ildə Azərbaycana rəhbərliyi yenidən öz üzərinə alan böyük siyasətçi Heydər Əliyevin zəngin dövlət idarəçilik təcrübəsi, böyük idarəçilik məharəti nəticəsində Azərbaycan onun üzləşdiyi fəlakətlərdən, məhv olmaq təhlükəsindən, etnik parçalanmalardan xilas edildi, sabit sosial-iqtisadi, siyasi və mədəni inkişaf yoluna qədəm qoydu və qısa bir zamanda çox böyük nailiyyətlər qazandı. Heydər Əliyev siyasətini dövrün, zamanın ruhuna uyğun yaradıcılıqla davam etdirən cənab Prezident İlham Əliyevin rəhbərliyi altında Azərbaycan sürətlə inkişaf edərək bütün sahələrdə yeni uğurlar qazanır. Ümummilli lider Heydər Əliyev bizim üçün elmi prinsiplərə və zəngin intellektual potensiala əsaslanan mükəmməl bir dövlətçilik konsepsiyası yaratmış, dövlət idarəçiliyi sahəsində dərin elmi-nəzəri və praktiki irs qoymuşdur. Heydər Əliyev siyasətinin hüdudları təkcə Azərbaycanla məhdudlaşmır. O, bütövlükdə türk dünyasının böyük dövlət xadimi, eyni zamanda müasir dövrdəki dövlətçiliyin yeni tipologiyasının əsasmı qoyanlardan biri idi. Heydər Əliyevin zəngin dövlətçilik təcrübəsi bu gün də dünyanın bütün siyasi sferalarında ifadə olunur, hörmətlə qarşılanır və yüksək qiymətləndirilir [2, s.110]. Yüklə 2,17 Mb. Dostları ilə paylaş:
|