- özəlləşdirmədən sonrakı dövr müəssisələrin böyük əksəriyyəti üçün reabilitasiya dövrü 3
ildən
az olmayan müddəti əhatə edir;
- hər üç özəlləşdirilmiş müəssisədən birində dövlətin payının 30 faizə qədər olmasının nəticələrin
səmərəliliyinə ciddi təsiri müşahidə olunmamışdır;
- energetika, neft-qaz emalı kompleksində , yeyinti sənayesinin bəzi sahələrində qiymətlərin dövlət
tərəfindən tənzimlənməsi siyasətinin davam etdirilməsi vəziyyəti
bir az da pisləşdirmişdir;
- işçilərin orta və iri müəssisələrin əksəriyyətinin mülkiyyət strukturunda əhəmiyyətli dərəcədə
paya sahib olması (Ukrayna İslahatlar İnstitutunun 1999-cu ildə 200 müəssisədə apardığı
tədqiqatların nəticələrinə görə, işçilərin və menecerlərin mülkiyyətdə payı 55,2 faiz təşkil
etmişdir) onların fəaliyyətində üstün göstəricilərin əldə olunmasında ciddi rol oynaya bilməmişdir.
*
Hazırda Ukraynada özəlləşdirmə davam etdirilir. Yerli mütəxəssislərin fikrincə, əgər Ukrayna
iqtisadiyyatının real investisiyalara və effektli menecerlərə tələbatı ödənilərsə, onda 2000-2002-ci
illər ərzində yerli müəssisələrin fəaliyyətinin
səmərəliliyini yüksəltmək, ölkədə əlverişli biznes
mühiti formalaşdırmaq, özəlləşdirmədən dövlət büdcəsinə vəsait daxil olmasının artımını təmin
etmək mümkün olacaqdır.
Ukraynanın mövcud özəlləşdirmə proqramı bu istiqamətlər üzrə qarşısına aşağıdakı məqsədləri
qoymuşdur:
- müəsssisələrin fərdi xüsusiyyətləri nəzərə alınmaqla, ödənişin həyata keçirilməsi zamanı isə pul
vəsaitlərinə üstünlük verilməsi şərtilə özəlləşdirilməsi;
- özəlləşdirmə prosesində informasiya azadlığının təmini;
- qiymətli kağızlar bazarının infrastruktur institutlarından maksimum istifadə etməsi;
- özəlləşdirilən müəssisələrə strateji investisiyaların cəlb
edilməsi;
- müəssisələrin rekonstruktsiyasının təşkili;
- özəlləşdirilən obyektlərin uzunmüddətli inkişafında və effektiv idarəedilməsində marağı olan
özəl mülkiyyətçilər sinfinin meydana çıxması üçün şəraitin yaradılması;
- fond bazarının sonrakı inkişafı üçün şəraitin formalaşdırılması;
- Ukrayna müəssisələrinə xarici investorların marağının artırılması;
- Ukrayna iqtisadiyyatının strukturunun yenidən təşkili və ardıcıl inkişafı üçün xarici
investisiyaların cəlb edilməsi.
Göründüyü kimi, kifayət qədər strateji və prioritet məqsədlər güdən Ukrayna özəlləşdirilməsinin
yaxın gələcəkdə də həll edəsi çoxlu problemləri vardır.
MDB dövlətlərinin özəlləşdirmə tərcübəsi bölməsi üzrə bir sıra məqamlarına görə diqqəti cəlb
edən ölkələrdən biri də Qazaxıstandır. Qazaxıstanda da özəlləşdirməyə start verilmə ərəfəsində
yüksək
inflyasiya, dərin iqtisadi tənəzzül, əhalinin real gəlirlərinin kəskin azalması kimi sosial -
iqtisadi çətinliklər müşahidə olunmuşdur. Belə ki, həmin dövrü xarakterizə edən 1991-ci ildə ölkə
üzrə milli gəlir 10%, 1992-ci ildə isə əvvəlki dövrlə müqayisədə 14% azalmışdır. Vəziyyətdən
çıxış yolu kimi ölkədə investisiya qoyuluşları üçün əlverişli mühitin formalaşdırılması
istiqamətində başlıca tədbir kimi özəlləşdirilməyə başlanması məqsədəuyğun hesab edilmiş və
1993-1995-ci illəri əhatə edən I dövrdə "Dövlət mülkiyyətinin
özəlləşdirilməsinin dövlət
proqramı" qəbul edilmişdir. Qazaxıstan Respublikasında dövlətsizləşdirmənin milli proqramına
uyğun olaraq onun başlıca məqsədi mərkəzləşdirilmiş plan iqtisadiyyatından bazar iqtisadiyyatına
keçidi sürətləndirmək üçün dövlətə məxsus olan material və qeyri-material aktivlərinin, istehsalat
obyektlərinin bir hissəsini əvəzsiz formada respublika əhalisinə qaytarmağa, digər hissəsini isə
əvəzi ödənilməklə satmağa yönəldilmişdir. Mülkiyyətin dövlətsizləşdirilməsinin ikinci formasında
effektiv sahibkarlar təbəqəsinin üzə çıxarılmasının önə çəkilməsi də xüsusilə qeyd olunmuşdur.
Qazaxıstanda özəlləşdirmə üsulları digər keçmiş SSRİ dövlətlərində olduğu kimi müəssisələrin
həcm ölçüləri ilə əlaqələndirilmişdir. Belə ki, işçilərinin sayı 200
nəfərdək olan müəssisələrin
kiçik özəlləşdirmə mərhələsində hərrac və müsabiqələr vasitəsilə özəlləşdirilməsinə, 200-dən 500
nəfərədək olanların isə kütləvi özəlləşdirmə çərçivəsində səhmdar cəmiyyətə çevirməklə
dövlətsizləşdirməsinə üstünlük verilmişdir. İşçisi 500 nəfərdən çox olan müəssisələrin
özəlləşdirilməsinə isə fərdi layihələr üzrə yanaşılmışdır.
Qazaxıstanda səhmləşdirmə üsulu ilə özəlləşdirmə zamanı səhmlərin aşağıdakı sxem üzrə
bölüşdürülməsi nəzərdə tutulurdu:
10%-ə qədər əmək kollektivinə güzəşt hüququ ilə verilir;
51%- investisiya fondlarına yönəldilir.
39%-dən az olmayan hissə isə dövlətin nəzarətində saxlanılırdı.
Mövcud qanunvericiliyə uyğun olaraq ölkə əhalisinin 18 yaşdan yuxarı təbəqəsinə adlı
özəlləşdirmə investisiya kuponları verilmişdir. Alqı-satqı obyektinə daxil
edilməsi qadağan
olunan özəlləşdirmə investisiya kuponlarının paylanması zamanı kənd əhalisinə 1,2 qədər
yüksəldici əmsal tətbiq edilmişdir. Kuponlar özündə investisiya ballarını əks etdirməklə sərbəst
surətdə dəyişdirilə və özəlləşdirmə investisiya fondlarında (ÖİF) yerləşdirilə bilərdi. ÖİF isə öz
növbəsində topladığı investisiya özəlləşdirmə kuponlarına müvafiq surətdə kütləvi özəlləşdirmə
çərçivəsində özəlləşdirilən obyektlərin səhmlərini əldə edirdi. Bu fondların fəaliyyəti ilə bağlı
risk dərəcəsini aşağı salmaq məqsədilə, mövcud qanunvericilikdə aşağıdakı
məhdudiyyətlər
nəzərdə tutulmuşdur:
-bir emitentin eyni müəssisənin 20 faizindən çox səhmlərini alması qadağan olunur;
-bir emitentin özünün xalis aktivlərinin 5 faizindən çoxunun səhm alınmasına yönəldilməsinə
icazə verilmir;
-dövlətin qiymətli kağızları istisna olunmaqla investisiya fondlarının səhmlərini əldə etməklə
bağlı və istənilən borc öhdəlikləri ilə əlaqədar girov əməliyyatlarının aparılmasına təminat
verilməsi qadağan edilirdi. *