145
adlandırılıb. Rayonun ərazisində Teymur Müskanlı
və Cılfır kəndində də Çaxmaq qaya toponimi qeyd
olunmuşdur.
Çoban taxtı. Qaracallı kəndi ərazisində böyük
yastı daşdır. Geniş ərazinin ortasındadır. Çobanlar o
daşın üzərinə çıxanda bütün ərazini müşahidə edə
bilirdilər.
Çömçəli. Qundanlı kəndi ərazisində böyük dərə-
nin adıdır.
Çətin dərə. Qarqışlaqdan Bəxtiyarlı kəndinə
qədər uzanan dərənin adıdır. Dərə tubulğa və qarati-
kan kolları ilə örtüldüyünə görə dərənin o tayına
keçmək çətinlik törədir. Bu səbəbdən də oronim
Çətin dərə adlandırılır.
Davlı dərə. Xələc kəndində iri daşlarla əhatə
olunmuş dərədir. Davla müxtəlif cür rəngli parçalar
bir-birinə tikilir. Daşların birinin üstünə sərilir. Kək-
liklər rənglərə həssas olduğuna görə həmin yerə
tökülürlər. Bu zaman ovçular kəklik ovu edərmişlər.
O səbəbə görə də Davlı dərə adlandırılır. Zor kən-
dində də Davlı dərə oronimi var.
Döllək. Mahmudlu kəndindən Yazı düzünə
çıxan köhnə yolun sağ tərəfində yerləşən böyük də-
rənin adıdır. Mahmudludan olan informatorlar ərazi-
ni qoyunçuluğun inkişafı ilə əlaqələndirirlər.
146
Döllək təpə Sarıyataq kəndi, Dəllək dərə Ləpə-
heyranlı kəndində də var. Dölək Oğuz pəhlivanının
adıdır. Bu ad oğuz pəhlivanına bir ənənə əsasında
verilmişdir. Pəmpək bölgəsində Dölləklər adlı bir
nəslin yaşadıqları haqqında məlumatlar var. (DQK
139-140) Qayalı kəndi ərazisində də Döllək dərəsi
adlanan oronim var.
Dəyirman dərəsi. Qarqışlaq kəndinin (ölü kənd)
Bəxtiyarlı istiqamətli dərənin adıdır. Həmin ərazidə
iki Su dəyirmanı olmuşdur.
Dərə bağ. Qısıraq bulağının dərəsindədir. Yataq
yeri adlanan yastanın alt hissəsində Çardaxlı
kəndinin alma bağlarıdır. 9 (doqquz) hektar ərazini
tutur.
Dərə yeri. Eyvazlı kəndi ərazisində əkin sahə-
sinin adıdır.
Dolayı. Xələc kəndində əkin sahəsinin adıdır.
Dərbənd. Qundanlı kəndinin ərazisindədir. Sö-
zün deyilişində bir qədər dəyişiklik olmuşdur.
“Dar”, “ensiz, çətin keçilən yer mənasında”, “bənd”
isə kəsilmiş, daralmış mənasında işlənmişdir.
Daşlı dərə. Çardaxlı kəndində Qarağac kəndi ilə
Çardaxlı kəndi arasında yerləşən dərə, dərənin içərisi
böyük daşlarla örtüldüyünə görə adlandırılır.
147
Dəyirman dərəsi. Hacılı kəndində su dəyirma-
nının qarşısında olan dərənin adıdır. Həmin dərənin
kəndə yaxın hissəsində su dəyirmanı var idi.
Dəlik daş. Məzrə kəndi ərazisində qayalığın
adıdır. Daşlardan biri deşik olduğuna görə (içərisin-
dən Gorus şosesi keçir) dəlik daş adlandırılıb. Yuxa-
rı Mollu kəndində də Dəlik daş oronimi var.
Dərə yerləri. Xələc kəndində Xələc dağı ilə
Duzlaq adlanan ərazidə olan əkin yerləridir. 130
hektar ərazisini əhatə edir.
Darlar. Bəxtiyarlı kəndinin ərazisindədir. Bər-
güşad çayının həmin ərazidən keçdiyi yerin hər iki
tərəfi hündür qayalıqdır. Arxa tərəfi Bəxtiyarlı düzü-
dür. Su elektrik stansiyası tikilməsi məqsədi ilə
qayanın hər iki tərəfinə işarələr vurulmuşdur. Həmin
ərazidən Şimalda yerləşən kəndlərə “dardan yuxarı”,
cənubda yerləşən kəndlərə isə “dardan aşağı”
kəndlər deyilir”.
Dərəyurd. Başarat kəndindədir. Ərazidə köhnə
kənd yerinin qalıqları var. Həm də böyük biçənək
sahəsidir.
Dağ döşü tala yeri,
Bürc yeri, qala yeri,
Bundan pis gün olarmı?
El köçə, qala yeri.
148
Düldül piri. Atqız (ölükənd) kəndində İmam
Əlinin (ə) atının irizlərinin olduğu yerdir, ziyarət
edilirdi.
Daşlı güney. Poladlı kəndində təpənin adıdır.
Darı yerləri. Xələc kəndində Qaşqa daşın ayaq
hissəsində yerləşən əkin yeridir.
Dərəbağ. Aşağı Xocamsaxlı kəndindədir. Qala-
nın altında orada olan palıd ağaclarının yaşı haq-
qında məlumat yoxdur. Qədim bağ hesab olunur,
çoxlu üzüm, armud ağacları var.
Dərviş dərəsi. (Muradxanlı kəndindədir) Azər-
baycan oronomiyasında bir çox obyekt adları titul və
peşə sözlərinin terminlərlə birləşməsindən meydana
gəlmişdir. Dərviş dərəsi də belə toponimlərdəndir.
Dərviş komponenti isə “çay yatağı”, “çayın axdığı
yer”, “uzun”, “dərin süxur”, “iki dağ və təpə arasın-
da” mənasındadır. Ümumiyyətlə, dərə relyefi dar və
ya uzunsov çökək formasında, adətən, əyri-üyrü olur.
Dərələr endogen (daxili) və ekzogen (xarici) pro-
seslər əsasında yaranır. Dərviş sözü ilə bağlı
Zəngilan rayonunda da Dərviş dərəsi mövcuddur.
Laçında Dərviş təpə (Cağazur kəndi), Dərviş qayası
toponimləri də vardır.
149
Ehsan bağı. Xələc kəndində 2 hektar ərazini
əhatə edən peyvənd calanmış tut bağıdır. Məşədi
Şirin adlı şəxs tərəfindən salınmışdır. Müharibə vax-
tı ətraf kəndin hamısı o bağın meyvəsindən istifadə
etmişdir.
Əncirli dərə. Əncir adını əks etdirən bir çox
toponimlər mövcuddur.
Hacılı kəndində Əncirli dərə həmin ərazidə əncir
ağacının da çox olması ilə bağlıdır. Dəvəçidə Əncir-
dağ adlı dağ var. Füzulidə Əncir dərə, Cəbrayılda
Əncirli daş, Zəngilanda Əncirli dərə, Əncir qayası
toponimləri mövcuddur.
Əyri dərə. Mahruzlu kəndində olan dərənin, Əy-
riyap isə Mollaburan kəndi ərazisində təpəciyin
adıdır. Əyri dərə (Mollu kəndi)
Əjdaha qayası. Rayonumuzda elə oronimlər var
ki, insanlar tərəfindən bu və ya digər heyvanlara
oxşamasına görə adlandırılır. Məmmədli kəndi əra-
zisindədir.
Əjdaha qayası Göyyal kəndi ərazisində də var.
Əjdaha dərəsi. Xocahan kəndi ərazisində yerləşir.
Digər rayonlarda da bu cür toponimlər mövcud-
dur. Kəlbəcər rayonunda Əjdaha qayası, Lacın rayo-
nunda Əjdaha düzü, Əjdaha yal, Əjdaha kahası,
Şərur rayonunda Əjdaha dağı vardır.
Dostları ilə paylaş: |