138
İdarəetmə orqanlarının, birliklərin, təşkilatlann, idarələrin və təşkilat
işçilərinin ezamiyyətə göndərilməsi, həmin orqanların rəhbərləri tərəfindən
müəyyən edilir və ezamiyyət vəsiqəsi verilməklə əmrlə də rəsmiləşdirilir. Xidməti
ezamiyyət Azərbaycan Respublikası Maliyyə Nazirliyinin 06/2-90 saylı və
Azərbaycan Respublikası Əmək və Əhalinin Sosial Müdafiəsi Nazirliyinin 07/11 - 37
saylı 19 mart 1997-ci il tarixli əmrlərilə təsdiq edilmiş "Vətəndaşların xidməti
ezamiyyət qaydaları" ilə tənzimlənir. Bu Qaydalar Azərbaycan Respublikası
Nazirlər Kabinetinin 27 yanvar 1997-ci il tarixli 9 saylı qərarı əsasında
hazırlanmışdır.
İşçilərin tabeçilik qaydasında yuxarı təşkilata ezamiyyətləri, həmin təşkilatın
rəhbərinin çağırışı və yaxud onunla razılaşma üzrə həyata keçirilir.
İşçilərin ezamiyyə müddəti təşkilatların rəhbərləri tərəfindən təyin edilir,
lakin yolda olduğu müddət nəzərə alınmaqla, bu müddət 40 gündən (təftiş və
yoxlamalar aparılması daxil edilməklə) çox olmamalıdır.
Quraşdırılan, sazlama və tikinti işlərinin yerinə yetirilməsi üçün ezamiyyətə
göndərilən fəhlələrin, rəhbərlərin və mütəxəssislərin ezamiyyə müddəti obyektlərin
tikintisinin müddətindən asılı olaraq müəyyən edilir və bu müdddət bir ildən çox
olmamalıdır.
İşçilərin respublika nazirliklərinə və baş idarələrinə, yaxud digər dövlət və
təsərrüfat idarələri orqanlarına ezamiyyə müddəti yolda olduğu vaxt nəzərə
alınmaqla 5 gündən artıq olmamalıdır.
Müstəsna hallarda ezamiyyətin müddəti işçinin ezam olunduğu idarəetmə
orqanı rəhbərinin rəsmi icazəsi ilə 5 gündən artıq olma- maqla artırıla bilər.
Ezamiyyət yerində olmanın həqiqi müddəti ezamiyyə yerinə gəlmə və getmə
haqqında ezamiyyət vəsiqəsində aparılan qeydlər üzrə müəyyən edilir. Əgər işçi
müxtəlif yaşayış məntəqələrinə ezam olunmuşsa, gəlmə və getmə günü haqqında
qeydiyyat məntəqə üzrə ayrıca aparılır.
Qatarın, təyyarənin, gəminin, avtobusun, yaxud digər nəqliyyat vasitəsinin
yola düşən günü ezamiyyətə gedən gün, bu nəqliyyat vasitəsinin daimi iş yerinə
gəlməsi günü isə ezamiyyətdən qayıdan gün sayılır. Nəqliyyat vasitəsi saat 24-ə kimi
(saat 24 də daxil olmaqla) yola
139
düşərkən ezamiyyətə gedən gün cari gün, 00 saatdan sonra isə sonrakı günlər
sayılır. Stansiyanın, körpünün, təyyarə meydanının yaşayış məntəqəsindən kənarda
yerləşməsi hallarında həmin stansiyaya, körpüyə və təyyarə meydanına getmək
üçün lazım olan vaxt nəzərə alınır. İşçinin daimi iş yerinə qayıtması günü də eyni
qayda ilə təyin edilir.
Ezamiyyətdə olan işçilərə, onların ezam olunduqları idarəetmə orqanlarının
birliklərin, idarələrin, təşkilatların iş vaxtı və istirahət vaxtının recimi tətbiq edilir.
Ezamiyyətdə olduğu vaxtda işçinin istifadə etmədiyi istirahət günlərinin əvəzinə,
ezamiyyətdən qayıtdıqdan sonra istirahət günləri verilmir.
Ezamiyyətdə olduğu vaxt, o cümlədən yolda olduğu vaxt üçün ezam olunan
işçinin iş yeri (vəzifəsi) və orta əmək haqqı saxlanılır.
Əvəzçilik üzrə işləyən işçi ezam olunan zaman onun orta əmək haqqı ezam
edən idarəetmə orqanında, birlikdə, idarədə, təşkilatda saxlanılır. Əgər işçi əsas və
əvəzçilik iş yeri üzrə eyni vaxtda ezam olunarsa, onun orta əmək haqqı hər iki iş
yerində tutduğu vəzifə üzrə saxlanılır, ezamiyyət xərcləri isə onların arasında olan
razılığa əsasən ezamiyyətə göndərən təşkilatlar arasında bölüşdürülür.
Özünün daimi yaşayış yerinə hər gün qayıtmaq imkanı olan, ezam olunan
işçinin belə bir yerə ezam olunması zamanı gündəlik yemək xərci (gündəlik əvəzinə
əlavə) verilmir.
İşçinin hər gün ezam olunma yerində özünün daimi yaşayış yerinə qayıda
bilməsi məsələsi, hər bir konkret halda məsafənin uzaqlığı, nəqliyyat əlaqəsinin
şəraiti, yerinə yetirilən tapşırığın xarakteri, həmçinin də işçiyə istirahət üçün şərait
yaradılması vacibliyi nəzər alınmaqla, ezam olunanın işlədiyi idarəetmə orqanının,
birliyin, idarənin, təşkilatın rəhbəri tərəfindən həll edilir.
Ezam olunan işçi əmək qabiliyyətini müvəqqəti itirdiyi halda, ona ümumi
əsaslarla yaşayış yerinin kirayəsi üzrə (ezam olunan işçinin stasionar müalicəsində
olduğu hallardan başqa) xərclər ödənilir və səhhətinin vəziyyətinə görə ona həvalə
edilmiş xidməti tapşırığı yerinə yetirmək və yaxud daimi yaşayış yerinə qayıtmaq
imkanı olmadığı bütün dövr ərzində, lakin iki aydan artıq olmamaqla, gündəlik
yemək xərci ödənilir.
140
Ezam olunan işçinin əmək qabiliyyətini müvəqqəti itirməsi, həmçinin
səhhətinin vəziyyətinə görə daimi yaşayış yerinə qayıtmaq imkanı olmaması,
müəyyən olunmuş qaydada təsdiq edilməlidir.
Əmək qabiliyyətini müvəqqəti itirdiyi dövr üçün ezam olunan işçiyə ümumi
əsaslarla əmək qabiliyyətini müvəqqəti itirməsi üzrə yardım verilir. Əmək
qabiliyyətini müvəqqəti itirdiyi günlər ezamiyyətin müddətinə daxil edilmir.
Azərbaycan Respublikası ərazisində ezamiyyət xərclərinin verilmə qaydası
və uçotu respublika Nazirlər Kabinetinin 25 yanvar 2008-ci il 14 saylı qərarı və ona
uyğun Maliyyə Nazirliyi tərəfindən hazırlanmış təlimata müvafiq olaraq
tənzimlənir.
Hal-hazırda sözügedən qərara və təlimata müvafiq olaraq Azərbaycan
Respublikasının ərazisində ezamiyyə xərclərinin normaları aşağıdakı miqdarda
müəyyən edilmişdir:
-
Azərbaycan Respublikasının ərazisində ezamiyyə xərclərinin 1 günlük
norması Bakı şəhərində 35.0 AZN; Gəncə, Sumqayıt və Naxçıvan şəhərlərində 25.0
AZN, şəhər tipli qəsəbələrdə və kənd yerlərində 15,0 manatdan artıq olmamaqla;
-
nəqliyyat xərcləri (taksidən başqa) təqdim olunan sənədlər əsasında.
Müvafiq təsdiqedici sənədlər təqdim edilməyən hallarda kommunal xərcləri
müvafiq normaların 50 faizi həcmində, nəqliyyat xərcləri isə dəmir yolu, su və
avtomobil nəqliyyatının ən aşağı tarifləri miqdarında ödənilir.
İdarə və təşkilatların daimi iş vaxtı yolda keçən, növbə metodu ilə işləyən və
çöl təşkilatlarında çalışan işçilərinə gündəlik yemək xərcləri əvəzinə hər gün üçün
5,0 manat əlavə vəsait ödənilir.
Qərar və təlimatda xarici ölkələrə ezamiyyə xərclərinin normaları ölkə və
şəhərlərin xarakterindən asılı olaraq fərqləndirilmiş və təsdiq edilmişdir.
Bundan başqa, sözügedən normativ sənədlərdə rəhbər işçilərin ezamiyyətləri
ilə əlaqədar ezamiyyət xərcləri normalarına əlavələr və həmin əlavələrin tətbiq
olunduğu rəhbər işçilərin kateqoriyasında təsdiq edilmişdir. Bu əlavələr əsasən
kommunal xərcləri normasına əlavələr (əmsal) kimi təyin edilmişdir. O,
Azərbaycan Respublikası Prezidentinin icra aparatının rəhbəri, işlər müdiri, dövlət
müşa
Dostları ilə paylaş: |