Sanaat geografiyasi pa’ninin’ obekti ha’m predmeti joba

Tsement sanaatı. Respublikadag’ı qurılıs industriyasının’ birinshi ka’rxanası - 1913-jıl qurıla baslag’an Xilkovo tsement zavodı bolıp esaplanadı. 1927-jılı O’zbekstanda ha’mmesi bolıp 7,7 mın’ t. tsement alıwg’a muwapıq boldı. Respublikada tsementke bolg’an talap orta boldı. Keyin 1932-jılda Kuvasay tsement zavodı iske tu’sirildi.
Qurılıs materialların islep shıg’arıw urıstan keyingi jıllarda o’sti. Jan’a tarmaqlar - keramika, jıllılıq izolyutsiyası tarmaqları rawajlandı.
Respublika tsement sanaatı tarmag’ında jılına 5 mln t. dan ko’birek tsement islep shıg’aratug’ın 5 iri ka’rxana isleydi. Tsementtin’ ha’mme tiykarg’ı tu’rlerin islep shıg’arıw o’zlestirilgen. Tsement ka’rxanalarında shifer, asbotsement qubırları, mineral paxta ha’m onnan tayarlanatug’ın buyımlar, tsement-qum cherepitsaları ha’m basqa o’nimler islep shıg’arıw o’zlestirilgen.
Keramika sanaatı tarmaqlarında Angren keramika kombinatı ha’m Tashkent qurılıs materialları kombinatında barlıq tu’rleri farfor-fayans, gips, kanalizatsiya trubaları ha’m basqa tu’rdegi o’nimlerdi islep shıg’aradı. Axangaran Qurılısplastmassa kombinatı, Jizzaq polietilen qubırları zavodında qurılıs talapları ushın tu’rli quyma buyımlar tayarlanadı.
Respublika qurılıs industriyasında iri jay qurılıs jedel tu’rde rawajlanbaqta. Respublikda 11 jay qurılıs kombinatları ha’m zavodları islep turıptı.
Jıyma temir-betonan qılınnan detallar ha’m konstruktsiyalar ushın ta’biyiy ha’m keramzit, agloporit, mineral paxta islep shıg’arıw ko’beymekte.
Respublikadag’ı qurılıs materialları sanaatının’ tiykarıg’ı iri ka’rxanaları O’zbekstan qurılıs materialları aktsionerlik kompaniyasına qaraydı. Kompaniya O’zbekstan Respublikası Qurılıs materialları sanaat wa’zirligi negizinde du’zilgen.
Respublikadag’ı «O’zsanoatfuqoroqurlish» korporatsiyası, «O’zsuvqurılısh» kontserni, «O’zdehqonchilikqurilish» ma’mleket shirket ha’m t.b. uqsag’an iri sho’lkemler o’zinin’ o’ndirip shıg’arg’an talapların qandıratug’ın qu’diretli qurılıs materialları industriyasına iye. Sonday-aq respublikada ko’p birlespe xojalıqlarında jergilikli shiyki zattan qurılıs matetarilları islep shıg’aratug’ın ju’da’ ko’p kishi tsex ha’m ka’rxanalar iske tusirilgen ha’m jumıs alıp barmaqta.