271
embarqo qoydular. Süveyş kanalının bağlanması,
Londonda və
Liverpulda uzun sürən tətillər də Britaniya xarici ticarətinə mənfi
təsir göstərdi. Belə bir şəraitdə Vilson hökuməti milli valyutanı
devalvasiya etməyə məcbur oldu. 1967-ci ilin noyabr ayının 18-də
funt-sterlinqin kursunun 14,3% aşağı salındığı elan edildi. Bu hadisə
keçən il yarım ərzində «Sterlinq zonası»nın 25 ölkəsində valyuta
böhranına səbəb oldu. Onu da qeyd edək ki, 1969-cu ildə Fransada da
frankın kursunun aşağı salınması «frank zonası»na daxil olan 14
Afrika ölkəsində də milli valyutanın kursunun aşağı salınması ilə
müşaiyyət olundu. 1971-ci ildə isə ABŞ inzibati idarəsi dolların
qızılın rəsmi kursu ilə mübadiləsini müvəqqəti dayandığını elan
etməyə məcbur oldu. «Üzən» valyuta kurs siyasəti yeridildi. Milli
valyutaların məhvedici bazar dəyişməsi praktikası genişləndi.
Valyuta kursuna sərt münasibət bəslənilən Britton-Vud maliyyə
sistemi sonuna yaxınlaşmış oldu.
Dünya maliyyə-valyuta bazarının kökündən təzələnməsi
şəraitində Milli iqtisadi sistemin real potensialı həlledici rol oynamış
oldu. Britaniya hökumət ekspertləri
belə hesab edirdilər ki, valyuta
kursunun aşağı düşməsi istehsalda canlamaya səbəb olacaq. Britaniya
mallarının dəyərinin azadılması ixracın artmasına, ixracın
ucuzlaşmasına çağırış hesab edilirdi. Eyni zamanda, inflyasiya
siyasətinin müsbət potensialının reallaşdırılması Britaniya
sənayesinin resurslarından tezliklə istifadə edilməsindən, onun
rəqabət qabiliyyətinin yüksədilməsindən çox asılı idi. Bunun üçün isə
Beynəlxalq valyuta fondunun (BVF) köməyinə ciddi ehtiyac var idi.
BVF Britaniya hökumətinə bir sıra sabitləşdirici tədbirlər
görmək üçün kredit təqdim etdi.
Hökumət qeyri-istehsal sahələrinə büdcə xərclərini
ixtisar
etməyə məcbur oldu. Bununla bərabər, hökumət 1968-ci ildə tibbi
reseptlərə vergi təyin etdi, rabitə xidmətinə görə vergiləri artırdı,
yaşayış evlərinin tikintisi üzrə planı ixtisar etdi, məktəblərdə pulsuz
süd verilməsi təxirə salındı. 1969-cu ilin büdcə çərçivəsində benzin,
siqaret, sürücülük hüququ, işədüzəltmə korporasiyalarına qoyulan
vergilər artırıldı.
Vergilərin artırılması istehsala münasibətdə stimullaşdırıcı
amil kimi hesab edildi. Elmtutumlu sahələrin inkişafı üçün hökumət
kral mükafatı sistemini genişləndirdi. İşçilərin ixtisaslaşmasını
yüksəltmək və menecerliyin yeni formalarını yaratmaq üçün
272
kadrların hazırlığı üzrə şuralar təsis edildi. Yol nəqliyyatı,
mehmanxana xidməti,
mülki aviasiya, benzindoldurma biznesi
sahələrində belə şuralar daha tez fəaliyyətə başladılar. Hökumət
gəlirə görə nisbətən aşağı vergini saxladı. Hökumətin maliyyə və
siyasi dəstəyi ilk növbədə iri Britaniya kompaniyaları oldu ki,
o,dünya bazarında rəqabət qabiliyyətini qoruyub saxlaya bilsin.
Milliləşdirilmiş müəssisələrə dövlət kapital qoyuluşunu genişləndirdi.
1967-ci ildə dövlət iri metallurgiya inhisarı olan «Britiş Still
Korporeyşn»ın əsasını qoydu. Bu inhisar bütün poladtökmə
sənayesinin milliləşdirilməsini həyata keçirməli idi. Hökumət
gələcəkdə bank və sənaye kapitalının müəyyən hissəsinin də
mərkəzləşdirilməsini müdafiə etməyi nəzərdə tuturdu. 1969-cu ildə
Qərbi Avropada fəaliyyət göstərən 20 iri xüsusi kompaniyanın 8-i
Britaniyaya məxsus idi.
Görülən tədbirlər müəyyən müsbət nəticələr verdi. Belə ki,
1970-1971-ci illərdə Britaniya büdcəsi uzun illərdən bəri ilk dəfə
olaraq müsbət saldoya malik oldu. 1968-ci
ildə hətta baş nazir ölkədə
iqtisadi möcüzə baş verəcəyi haqqında pafosla danışdı. Lakin bu
həddindən artıq şişirdilmiş bir proqnoz idi. Böyük Britaniya əvvəlki
kimi yenə də qabaqcıl Qərb ölkələrindən daxili məhsul istehsalının
illik artımına görə geridə qalırdı. Dünya sənaye məhsulu istehsalında
onun payı azalmışdı. Daha mühümü Vilson hökumətinin sərt iqtisadi
siyasəti nəticəsində ölkədə sosial narazılığın artması idi. Həm də
leyboristlərin adi elektoratı, yəni muzdlu fəhlələr və qulluqçular
xüsusilə narazı idilər. Əgər 1963-cü ildə ölkədə 593 min nəfər tətil
etmişdirsə, 1966-cı ildə onların sayı 2398 min, 1969-cu ildə isə 1666
min idi.
Mənfi ictimai rəyi aradan qaldırmaq,
sosial problemləri həll
etmək üçün hökumət bir sıra tədbirlər gördü. 1965-ci ildə «İrqi
mənsubiyyət haqqında Akt» qəbul edildi. İstənilən irqə aid olan
şəxslərə kommunal xidmət və nəqliyyat sahəsində işə girməyə icazə
verildi. İrqi ayrı-seçkilik haqqında şikaytlərə baxmaq üçün irqi
mənsubiyyət üzrə şura təsis edildi. 1968-ci ildə mühacirlər
haqqındakı qanunvericilikdə işəgötürmə və mənzil almada ayrı-
seçkiliyin ləğv edilməsi ilə əlaqədar dəyişiklik edildi. Hökumət
qadınların emansipasiyası prosesini sürətləndirdi. 60-cı illərin
sonunda boşanmaq haqqında Aktın qüvvəyə minməsi ilə əsasda
boşanmaların sayı kəskin surətdə artdı. 1967-ci ildə ailələrin
273
planlaşdırılmasına dövlət xidməti işə başladı. O, əsasən mərkəzləşmə
təbliğatı ilə məşğul olurdu. Abort haqqında qəbul edilən Akta əsasən
hamilə qadının sağlamlığı və doğulacaq uşağın
irsi xəstəliklərlə
doğulmaması üçün klinikalar məsuliyyət daşıyırdı. 1967-ci ildə isə
homoseksual münasibətləri leqallaşdıran qanun qəbul edildi. 1969-cu
ildə hökumət xalq nümayəndəliyi haqqında Billi parlamentdə
keçirməyə müvəffəq oldu. Seçki senzi 18 yaşa qədər aşağı salındı. Bu
tədbir leyboristlər hökumətinin gənclər siyasəti sahəsində
proqramının əsas tərkib hissələrindən biri idi.
Hökumət həmçinin təhsil sisteminin modernizasiyası
sahəsində də bir sıra tədbirlər gördü. Dövlət məktəbləri
«ümumtəhsil» məktəbləri kimi yenidən təşkil edildi. Təhsil
xidmətinin xüsusi bölməsi müəyyən dərəcədə dövlət yardımını
itirmiş oldu. 1969-cu ildə Böyük Britaniya tarixində ilk dəfə olaraq
narkotik maddələrdən istifadə əleyhinə qanun qəbul edildi.
Vilson hökumətinin qarşılaşdığı bir çox sosial problemlər
60-cı illərin sonunda təkcə Britaniya cəmiyyəti üçün deyil, bir çox
Qərb ölkələrində də xarakterik hal idi.
Bu dövr Qərb ölkələrində
tələbə və anti-müharibə hərəkatının radikallaşması, nəsillər arasında
ixtilafların kəskinləşməsi, alternativ gənc mədəniyyətlərin meydana
çıxması, milli və irqi məsələlərin mürəkkəbləşməsi, seksual inqilab
və feminizmin yüksəkliyi ilə daha çox yadda qalırdı.
Böyük Britaniyada 60-cı illərin sonunda sosial-psixoloji
şəraitin kəskinləşməsinin simvolu Olsterdəki dini-siyasi konflikt
oldu. 1919-1921-ci illərin böhranından sonra İrlandiya
respublikasının yaranması qərarlaşdı. İrlandiyanın şimalındakı altı
qraflıq isə (Olster) muxtariyyət hüququ ilə Birləşmiş Krallığın
tərkibində qaldı. Olster ətrafındakı şərait uzun müddət sabit qaldı.
İrlandiya respublikasının 1937-ci ildə konstitusiyasının qəbul
edilməsi və orada vahid birləşmiş irland dövlətinin yaradılması
haqqında maddənin daxil edilməsi, İrlandiyanın 1949-cu ildə Birliyin
tərkibindən çıxması Londonla Dublin arasında dioloqlarda gərginlik
yaranmasına səbəb oldu. 1969-cu ilə qədər Şimali İrlandiyanın
region
hökumətinin tərkibi əsasən ancaq protestantlardan təşkil edilmişdi.
1967-ci ildə Şimali İrlandiyada katolik hərəkatın liderləri
vətəndaşlıq hüquqları uğrunda mübarizə assosiasiyasını təşkil etdilər.
Bu təşkilat katoliklər və protestantlar üçün eyni hüquq bərabərliyini
tələb edirdilər. Şimali İrlandiya Daxili işlər Nazirliyinin qadağan
274
etməsinə baxmayaraq 1968-ci ildə Assosiasiya katolik əhalinin
müdafiəsi ilə əlaqədar çoxlu mitinqlər təşkil etməyə başladı. Bu
Şimali İrlandiya hökumətinin böhran keçirdiyini xəbər verirdi.
Hökumətin tərkibində daha radikal protestant qruplaşmalarının
nümayəndələrinin mövqeyi gücləndi. 1895-ci ildə təşkil edilmiş
«Oranjistlər ordusu» bərpa edildi. Olsterdəki protestantların rəhbərlik
etdikləri krallığın polisi və xüsusi «Bi-speşialz» antiterror bölmələri
tədricən dini münaqişələr zəminin də ayrı-seçkilik silahına
çevrildilər. Buna cavab olaraq ekstremist katolik qrupların da
hərəkatı fəallaşdı. Siyasi arenaya yenidən İrlandiya Azadlıq Ordusu
(İRA) çıxdı. Onun radikal hissəsi («İRO-nun müvəqqəti qanadı»)
mübarizəsinin terrorçu metodunu seçdi.
Dini zəmində toqquşmalar 1968-ci
ildə Apoqe şəhərində baş
verdi ki, buna da səbəb Londonderridə baş verən hadisələr idi. 1969-
cu ilin avqustun 3-də ekstremist – protestantlar Londonderridə
olduğu kimi, Belfastda da silahlı intizamsızlıqlar törətdilər. Buna
cavab olaraq, London hökuməti Şimali İrlandiyaya 1969-cu ilin
avqustunda nizami qoşun hissələri yeritdı. Yerli polis tərksilah edildi,
onun yerində Olsterin müdafiəsi polku təşkil edildi. Hüquq-mühafizə
orqanı vəzifəsini yerinə yetirməyə başladı. Lakin toqquşmaların
qarşısı tam alına bilmədi. Şimali İrlandiya vətəndaş müharibəsi
həddinə çatdı.
Seçicilərin etibarını qazanmaq üçün 1970-ci ilin iyunun 18-
də Vilson hökuməti yeni parlament seçkiləri keçirdi. Partiya təbliğatı
əvvəlki qətiyyət və praqmatikliyini itirdi. Leyborist rəhbərliyinin
ləngliyi ictimai rəyin xoşagələn nəticəsinə ümidlə müəyyən edilirdi.
Lakin gözlənilmədən elektroratın seçimi əksinə oldu. Mühafizəkarlar
46,4 % səs aldılar. Leyboristlər isə 42,9% səs yığdılar.
Mühafizəkarlar partiyası İcma palatasında 43 əlavə mandat əldə etdi.
Palatada 330 yer ona məxsus oldu. Leyboristlər 287 mandat,
liberallar – 6 mandat aldılar.