5.7.Ko’z kosasi flegmonasi.
Rinosinusogen ko’z asoratlari ichida eng xavflilaridan biri hisoblanadi, ko’z
kosasi nozik to’qimasini infiltrasiyasi va yiringli yallig’lanishi. Yiringni barcha
kletchatkalarda tarqoq joylashishi flegmonaga xos, abssessda esa chegaralangan
yiringli o’choq shakllanadi.
Flegmonaga olib keladigan sabablar turlicha. Bularning ichida eng asosiysi
bo’lib burun yondosh bo’shliqlarini empiemasi hisoblamadi (ko’proq polisinusit).
Bundan tashqari yuzning saramasi, yiringli jarayonlarni metastazi hamda jarohatlar
bo’lishi mumkin. S.I. Tal`kovskiy bolalarda flegmonani rivojlanishi sababi
gaymorit va etmoiditning asoratlari deb hisoblanadi. Ayrim adabiyotlarda
flegmonani kelib chiqishiga yiringli dakriosistitning va panoftal`mitning asoratlari,
ko’z qovoqlarida va burun yondosh bo’shliqlarida bajarilgan jarrohlik
amaliyotlarining asorati keltirib chiqarishga sabab bo’lgan.
Jarayonni rivojlanishi uchun bir nechta yo’llar mavjud. Yallig’lanishni burun
yondosh bo’shliqlaridan kontakt yo’li orqali tarqalishi boshling’ich bosqichda
periostit rivojlanadi, keyinchalik subperiostal va retrobulbar abssess va nihoyat
flegmona bo’lib davom etadi. Flegmonani rivojlanishida faqatgina bo’shliqning
suyak devori emas, balki periorbitani butunligi ham buziladi.
Lekin infeksiya’ni tarqalishi uchun eng yaxshi yo’l bo’lib- gematogen yo’l
hisoblanadi. Burun yondosh bo’shliqlarining shilliq qavatlari venalari orqali
infeksiya ko’z kosasiga keng anastomoz chigallari orqali o’tadi (vv.palpebralis,
frontalis, supraorbitalis, angularis v. fatsilis bilan anastomoz xosil qilib v.
ophtalmica ga quyiladi). Bu venalarda klapan bo’lmaganligi uchun, infeksiya yuz
venalariga yoki g’orsimon sinusga o’tib ketishi mumkin. Shundan so’ng
retrobulbar sohada rivojlangan tromb parchalanishga olib keladi: retrobulbar
sohani atrofida nekroz kletchatkalari rivojlanadi, yiringlaydi va mayda abssesslarni
rivojlanishiga sabab bo’ladi. Bu bilan rivojlangan fibrozli ekssudatsiya esa
retrobulbar sohada infiltrasiya rivojlanishiga sabab bo’ladi. Bundan tashqari yiring
qovoq terisiga va konyunktivaga tarqalishi mumkin.
Klinik namoyon bo’lishi bemorda septik holat kuzatiladi: tana harorati yuqori
bo’lishi (39ºC dan yuqori) doimiy yoki gektik tipda, bezgak tutishi, bosh og’rishi
va boshq. Mahalliy belgilariga esa ko’z olmasini oldinga bo’rtib chiqishi, hamma
tomonlama uni harakatini cheklanishi, ko’z bosib ko’rilganda kuchli og’riq bo’lishi
va uni ko’zning tubiga uzatilishi, gohida ko’z mushaklarini pariz yoki paralichi
kuzatiladi, shox pardaga yara toshadi, ko’rish maydonini torayishi, to’r pardani
venalarini tromboflebiti kuzatiladi. Flegmonaning klinikasi turlicha
kechishi bemor
organizmining umumiy holatiga va burun yondosh bo’shliqlarini mahalliy
o’zgarishini u yoki bu darajada rivojlanishiga bog’liq bo’ladi.