|
Суал Мяшял системинин истисмарыСуал–3: Статик електрикляшмядян мцщафизя, статик електрик эярэинлийи, чян вя бору
|
səhifə | 27/138 | tarix | 13.05.2022 | ölçüsü | 1,66 Mb. | | #86951 |
| sual cavablar (3)Суал–3: Статик електрикляшмядян мцщафизя, статик електрик эярэинлийи, чян вя бору
кямярляриндя йаранан статик йцк вя ещтиййат тядбирляри
Ъаваб:
Obyektdə statik elektrikləşmədən mühafizə qurğularının vəziyyətinə (sazlığına) cavabdehliyi sex rəisi, müəssisə üzrə isə – baş energetik daşıyır. Müəssisənin baş energetiki elektrik sexinin rəisi ilə birlikdə mühafizə qurğularının düzgün istismarını və onların laboratoriya yoxlamasını təşkil etməli, bu qurğuların istismarı üzrə təlimat tərtib etməli və onların düzgün istismarına nəzarət etməlidir.
Sex rəisləri sexlərdə mühafizə qurğularının saz vəziyyətdə saxlanılmasını, cədvələ uyğun və müvafiq texniki sənədlər tərtib etməklə onların vaxtı-vaxtında yoxlanılmasını və təmirini təmin etməlidirlər.
Mühafizə qurğularına baxış və onların cari təmiri bütün texnoloжi avadanlığa, elektrik xətlərinə baxış və onların təmiri ilə eyni vaxtda aparılmalıdır. Cihazların köməyi ilə yerləbirləşdirmənin yoxlanılması ildə 2 dəfədən az olmayaraq (6 aydan bir) və həmçinin avadanlığın hər təmirindən sonra aparılmalıdır.
Bütün metal aparatlar, çənlər, neft kəmərləri, qaz xətləri, doldurma – boşaltma qurğuları, içərisində asan alışan (AAM) və yanar mayelər (YM) olan qurğular, binanın daxilində və xaricində yerləşməsindən asılı olmayaraq, yerləbirləşdirilməlidir.
Sexlərdə, bina xaricində yerləşdirilmiş qurğularda, estakadalarda və s. quraşdırılmış avadanlıq və boru kəmərləri bütün uzunluqları boyunca arası kəsilməyən zəncirvari şəkildə yerləbirləşdirici qurğulara qoşulmalıdır.
Tək (ayrıca) quraşdırılmış tutum, aparat və aqreqatların fərdi yerləbirləşdiricisi olmalı və ya onlar ayrı-ayrılıqda aparatın yaxınlığından keçən ümumi yerləbirləşdirmə magistral xəttinə qoşulmalıdırlar.
Bir neçə yerləbirləşdirici aparatın, aqreqat və boru kəmərlərinin yerləbirləşdirmə xəttinə ardıcıl qoşulması qadağandır.
Işçi heyətin sənaye tezlikli elektrik cərəyanı zədələnməsindən və ya ildırımdan mühafizəsi üçün nəzərdə tutulmuş yerləbirləşdirici qurulaşlardan statik elektrik yüklərinin ötürülməsi üçün istifadə edilə bilər.
Yalnız statik elektrik yüklərinin ötürülməsi üçün nəzərdə tutulmuş yerləbirləşdirici quruluşların müqaviməti 100 Om-dan çox olmamalıdır.
AAM və YM-lər doldurulub-boşaldılan avtosisternlər və vaqon-sisternlər doldurma-boşaltma əməliyyatından qabaq və bu əməliyyat aparılan müddətdə yerləbirləşdirmə quruluşuna qoşulu olmalıdır. Yerləbirləşdirici keçirici (naqil) kimi en kəsiyi 16 mm2-dan az olmayan elastik (çox damarlı) mis məftildən istifadə edilməlidir.
Keçiricilər avtosisternlərin və vaqon sisternlərin gövdələrinə (korpusuna) bolt vasitəsilə etibarlı birləşdirilməlidir. Yerləbirləşdirmə pozularsa qüsur aradan qaldırılana qədər doldurma-boşaltma əməliyyatı dayandırılmalıdır.
AAM-in və YM-in çənlərə, sisternlərə və qablara sərbəst düşən şırnaqla doldurulması qəti qadağandır. Onların tutumlara vurulması və doldurulması bu tutumlardakı mayenin səviyyəsindən aşağı, tutumlar boş olduqda isə rezin şlanqın ucu tutumun dibindən 0,2 m məsafədən çox olmayan səviyyədə saxlanılmaqla aparılmalıdır.
Çənlərin buxara verilməsi üçün nəzərdə tutulmuş rezin şlanqların metal ucluqları şlanqın xaricindən və ya daxilindən keçirilmiş (dolanmış) elastik çoxdamarlı (telli) mis məftil vasitəsilə yerləbirləşdirilməlidir. Yerləbirləşdirici məftilin digər ucu buxar ötürən kəmərin metal hissəsinə birləşdirilməlidir. Şlanqın ucluqları zərbədən qığılcım verməyən mis, tunc və s. materialdan olmalıdır.
Dostları ilə paylaş: |
|
|