143
(111, 480). Konsulun fikirləri və söylənilən qarğış onun
çirkin mənəviyyatını bir daha xarakterizə edir. Pərt
halda konsulun evindən çıxan Rzaqulunun, «Əvvəla,
İvanov müəllimin arvadının atasına lənət ki, mənim
başıma bu qədər oyun açdı və ikincisi, konsulun ölən ar-
vadı da tünbətün olsun, qalan arvadı da cəhənnəmə -göra
getsin!» (111, 481) – deyə qarğışları bir-birinin ardınca
deməsi qəzəb və hiddəti qabarıq şəkildə əks etdirir.
Yaxud, «Danabaş kəndinin əhvalatları» əsərində
oğlundan nigaran qalan ananın qarğış ünvanları müx-
təlifdir. İzzət bir tərəfdən çarəsizlik içində nə edəcəyini
bilməyən ərinə, «Ay kişi, allah görüm sənin evini
bərbad eləsin! Bir ayaq qoy, gör axır uşaq hara qaçdı
getdi?» (111, 311). «Ay eşşək verənin atası tünbətün
düşsün! Ay eşşək satanın atasına lənət! Ay eşşəyi görüm
ilan vursun! Mənim balam burda az qalır ki, ölsün, hələ
durub eşşək əhvalatını salır ortalığa», (111, 318) bir
tərəfdən isə qalmaqal yaradan Xudayarbəyi ittiham edir:
«Atana nəhlət, Xudayarbəy! Dədən tünbətün düşsün
Xudayarbəy! Babanın həşri Ömərin həşrilə qopsun,
Xudayarbəy!» (111, 311). Hər iki misalda qarğışlar
surətin dərin həyəcanını, kədərini emossional şəkildə
ifadə edərək qəzəb və hiddətini vurğulayır.
Cəlil Məmmədquluzadənin nəsr üslubunda qarğışlar
psixoloji hal kimi kədər, qəzəb və narazılığın etiraz
ifadəsinə çevrilərək bəzən həyatdakı dözülməzlikləri
kəskin ifadə etmək üçün yalvarışlarla birləşir. Ədib
Məhəmməd Həsən əminin acınacaqlı vəziyyətini yığcam
bir epizodda qarğış və yalvarışların tam psixoloji vəziy-
144
yət çərçivəsində yaratmağa müvəffəq olur: «Qardaş,
Məhəmməd Həsən əminin alnına yazılmamışdı kərbəlayı
olsun. Allah baisin balalarını mələr qoysun! …Apar,
qardaş, apar… O ərizəni apar... Apar həzrət Abbasa, apar...
Mən gedə bilmədim... Gedə bilmədim. Qoymadılar. Mə-
ni qoymadılar... Mənim eşşəyimi oğurladılar. Yedilər.
Satdılar. Apar ərizəni, apar» (111, 332). Ədib hər iki
intonasiya vəhdətində qəhrəmanının mənəvi aləmini,
onun ruhi hallarını canlı və təbii verməyə nail olur.
Kədərli, həyəcanlı situasiya İzzətin dilində də eynidir:
«Çavuş, apararsan o ərizəni həzrət Abbasa. Gərək
mənim ərimi bu yoldan binəsib eləyənə həzrət Abbas
özü qənim ola. İmam özü qənim ola (111, 332).
İnsanın fikir və məqsədlərinin, hiss və düşün-
cələrinin müəyyən bir məfhuma əsaslanaraq etiqad
etdiyi, müqəddəs saydığı anlayışla ifadə olunan andlar
Cəlil Məmmədquluzadənin nəsr üslubunda geniş istifadə
olunmuşdur. Ədibin nəsrində dini görüşlərlə əlaqədar
andlar daha çoxdur: «Əhməd nağıl eliyə-eliyə hər bir
söz arasında bir and içirdi. Bir söz deyirdi, bir deyirdi:
«vallah»; bir söz deyirdi, bir deyirdi: «imam Hüseyn
haqqı»; bir söz deyirdi, bir deyirdi: «imam Rza haqqı»;
«cənab Əmirin Zülfüqarı haqqı» (111, 318). Təkrirlərlə
zəngin olaraq işlənən andlar Əhmədin hadisələri qəti,
doğru olduğunu bildirmək cəhdini və ata-anasını da ona
inandırmaq məqsədini açıqlayır.
Yaxud, «Danabaş kəndinin məktəbi» əsərində Hacı
Namazalı naçalnikə deyir: «Ağa, and olsun yerin və
göylərin xaliqinə, and olsun seyyiddüş-şühədayə, and
145
olsun on iki imama, and olsun İsa və Məhəmmədə, o
adamlar ki, camaatın bir parası gizlədib deyir ki, guya
kənddə deyil, - o adamlar hamı elə bu dəqiqə Danabaş
kəndindədirlər; necə ki, qabaqca ərz eləmişəm, bu
işlərin hamısı fənd-feyldi» (111, 368). Danabaş dünya-
sına ağalıq edənlərdən olan Hacı Namazalının andları
tamamilə ciddi olub hadisələrə düzgün şərhdir. Məz -
munda naçalnikə yaltaqlığı ifadə edən andlar fikrin
obrazlı ifadəsində əlverişli vasitə kimi diqqəti cəlb edir.
Ədibin nəsrində andın əsas təsiri and içənin fikrinin
dəqiqliyinə inam oyatmaq üçün nəyə istinad etməsində,
nəyə and içməsindədir. Məsələn, «Pirverdinin xoruzu»
əsərində Pirverdi Qasım əminin getməsinə mane olaraq
eşşəyin quyruğundan yapışır:
«–Vallah, dədə, qoymayacağam gedəsən!.. Hələ
Zibeydə xalama desən ki, mənə bir xoruz gətirsin, onda
qoyaram; yoxsa vallah, qoymaram» (111, 447). Oğlunun
andlarına Qasım əmi də andla cavab verir: «–Oğlum,
canın üçün xalava deyərəm sənə bir yaxşı çarxı xoruz
gətirsin. Di, izn ver, gedim» (111, 447). Göründüyü
kimi, andın doğura biləcəyi inam həm and içənin, həm
də andı eşidənin etiqad etdiyi və ya müqəddəs saydığı
bir anlayışa (Tanrıya və övlada) əsaslanmışdır.
Ədib obrazların dilində ailə və məişətlə bağlı
andlardan kinayə vasitəsi kimi istifadə edir. «Qurbanəli-
bəy» əsərində Qurbanəlibəyin dilində istifadə olunan
«Bu gözlərim üstə, hansını bəyənsən, peşkəşdi. Lotu-lo-
tuyana deyirəm, mən təzvir-məzvir bilmənəm, hansını
xoşlasan, atamın göru haqqı, peşkəşdi sənə» (111, 434)
146
ifadəsi bəyin yaltaqlığını, harınlığını daha qabarıq
nəzərə çatdırır.
Yaxud, «A kişi, adına and olsun, eşşəyi mənə
Məhəmməd Həsən əmi özü verib. Eşşəyi mənə o dəyyus
özü veribdi, o qurumsaq özü veribdi, o Ömər özü
veribdi. A kişi, niyə inanmırsan? («Danabaş kəndinin
əhvalatları»), (111, 283). Obrazın özünün belə içdiyi
anda inamın olmaması xarakterinə uyğun vulqar sözlərlə
əhatə olunaraq ədibin kinayəli tendensiya çalarında «A
kişi, niyə inanmırsan?» ifadəsi ilə andla bağlı tənənin
lakonik və obrazlı ifadəsinə nail olur.
Demək olar ki, bütün formalarda andlar mövzuya,
əhvalata, obrazın sosial psixoloji vəziyyətinə uyğun
seçilərək, onun təsəvvürləri ilə əlaqədar işləndiyi üçün
fikirlərə obrazlılıq gətirmişdir.
Deyilənlərdən belə qənaətə gəlmək olar ki, Cəlil
Məmmədquluzadə öz üslubu, dil xüsusiyyətləri, yaradı-
cılıq manerası ilə fərqlənən orijinal bir sənətkardır və
onun fərdi üslubunun müəyyənləşməsinə xalq yaradıcı-
lığının güclü təsiri olmuşdur.
Dostları ilə paylaş: |