Tarix və onun problemləri, № 4 2014
34
QABİL ƏLİYEV
Bakı Dövlət Universiteti
Tarix elmləri doktoru, professor
E-mail: Qabil-Aliyev@mail.ru
İQTİSADİ TARİXİMİZİ ÖYRƏNƏN ELMİ MƏKTƏB HAQQINDA
Açar sözlər: Bakı Dövlət Universiteti, Azərbaycan tarixi, elmi məktəb, akademik
Ə.S. Sumbatzadə, professor Ə.P.Əliyev, professor T.T.Vəliyev
Ключевые слова: Бакинский Государственный Университет, История
Азербайджана, научная школа, акад. А.С.Сумбатзаде, проф. А.П.Алиев, проф.
T.T.Велиев.
Key words: Baku State University, Azerbaijan history, scientific school,
acad.A.S.Sumbatzade, prof.A.P.Aliyev, prof.T.T.Veliyev.
Azərbaycantarixinin, xüsusən XIX əsr dövrünün müasir elmi əsaslar əsasında
yazılması akademik Əlisöhbət Sumbat oğlu Sumbatzadənin adı ilə bilavasitə
bağlıdır. Bakı Dövlət Universitetinin Tarix fakültəsində Ümumi tarix kafedrasının
bazasında “Azərbaycanin iqtisadi tarixi”istiqaməti üzrə elmi məktəbin yaradılması və
inkişafı Azərbaycan SSR Elmlər Akademiyasının həqiqi üzvü Əlisöhbət
Sumbatzadənin 50 illik elmi və pedaqoji fəaliyyətinin nəticəsi olmuşdur.
Əlisöhbət Sumbat oğlu Sumbatzadə 1907-ci il yanvarın 21-də Abşeronun Əmircan
kəndində neftçi ailəsində dünyaya göz açmış, ilk təhsilini Suraxanı mədən məktəbində
almışdır. 1921-1926-cı illərdə Bakı Müəllimlər Seminariyasında oxumuş, müəllim
ixtisasına yiyələnmişdir. Seminariyanı bitirdikdən sonra Bakı şəhəri 19 saylı məktəbdə
müəllim işləmiş və eyni zamanda Azərbaycan Dövlət Universiteti (indiki Bakı Dövlət
Universiteti) Şərq fakültəsinin tarix-etnologiyaşöbəsində təhsilini davam etdirmişdir.
1930-cu ildə Universitet təhsilini vaxtından tez və müvəffəqiyyətlə başa vurmuş və
elmə böyük həvəs göstərməsi ilə müəllimlərinin diqqətini cəlb etmişdir. Müəllimlərinin
tövsiyyəsi ilə aspiranturaya daxil olan gənc Əlisöhbət Sumbatzadə aspirantura təhsilini
də vaxtından qabaq – 1931-ci ildə bitirmiş və Azərbaycan SSR Xalq Komissarlar
Sovetinin qərarı ilə Gəncəyə Azərbaycan Kənd Təsərrüfatı İnstitutunda müəllim
işləmək üçün göndərilmişdir. 1932-ci ildə dosent elmi adını almışdır. Gənc alim 30-cu
illərdə Gəncə ali məktəblərində və xüsusi dəvətlə Tbilisidə Cənubi Qafqaz Mühəndislər
İnstitutundapedaqoji fəaliyyətləməşğul olmuşdur.
1939-cu ildə SSRİ Elmlər AkademiyasıAzərbaycan filialının Tarix İnstitutunda
elmi işçi kimi fəaliyyətə başlamışdır. O, burada ilk ciddi elmi-tədqiqat əsərini – XIX
əsrdə Azərbaycanda Rusiya imperiyasının müstəmləkə əsarətinə qarşı ən böyük xalq
çıxışı olan1837-ci il Quba üsyanı haqqında dissertasiya işini tamamlamış və 1942-ci
ildə Azərbaycan Dövlət Universitetinin Elmi Şurasında müdafiə edərək tarix elmləri
namizədi alimlik dərəcəsi almışdır.
Tarix və onun problemləri,
№ 4 2014
35
Əlisöhbət Sumbatzadə 1941-ci ildən 1957-ci ilə kimi davamlı Azərbaycan Dövlət
Universitetinin Tarix fakültəsində Ümumi Tarix kafedrasında dosent, professor, kafedra
müdiri vəzifələrində çalışmışdır. Tələbələrin ana dilində dərslik və dərs vəsaitləri
çatışmazlığındanciddi sıxıntı çəkmələrini nəzərə alaraq bu dövrdə Azərbaycan dilində
Avropanın son orta əsrlər və yeni tarixi üzrə vəsaitlər hazırlamağa başlamışdı. Onun
“Böyü coğrafi kəşflər”, “İtaliya tarixi XVI-XVII əsrlərdə”, “Orta əsrlər tarixi üzrə
xronoji cədvəl”, “XI-XVI əsrlərdə Fransa tarixinin oçerkləri” (sonuncu prof.
Ə.M.Şahmalıyevlə birlikdə) adlı vəsaitləri 40-50-ci illərdə bir-birinin ardınca nəşr
edilmişdi. Bundan əlavə, “Qərbi Avropa orta əsrlərin sonunda”, “İngiltərə və
Hollandiya XV-XVIII əsrlərdə” aqdlı adlı dərs vəsaitlərini də tərtib etmiş və çap üçün
hazırlamışdı.
Azərbaycan Dövlət Universiteti professor Əlisöhbət Sumbatzadənin simasında
sözün əsil mənasında böyük pedaqoq alim qazanmışdı. O, dərin ensiklopedik biliyi,
geniş dünyagörüşü, gözəl natiqlik qabiliyyəti və yüksək mədəniyyəti ilə tələbə
auditoriyasını valeh edirdi. 1954-cü ildə ona professor elmi adı verildi, 1955-ci ildə
Azərbaycan SSR Elmlər Akademiyasının müxbir üzvü,1958-ci ildə həqiqi üzvü
seçildi.O, universitetdə işlədiyi illərdə istedadlı tələbələri seçib elmi-tədqiqat işinə cəlb
edilməsi, elmi işlə məşğul olmağa yönləndiririlməsi sahəsində böyük xidmətlər
göstərmişdi.
Əlisöhbət Sumbatzadə universitetdə çalışdığı müddətdə pedaqoji fəaliyyətlə
yanaşı, fundamental elmi araşdırmalar aparmağı davam etdirmişdi. XX əsrin 40-cı
illərindən etibarən onun elmi yaradıcılığında Azərbaycanın sovet hakimiyyətinə qədərki
dövrdə, Bakı sənaye rayonu istisna olmaqla, geridə qalmış feodal-patriarxal qaydaların
hökm sürdüyü ölkə olması haqqında qərarlaşmış fikrin yanlış olması, ölkəmizin XIX
əsrdə və XX əsrin əvvəllərində kapitalist münasibətlərin inkişaf səviyyəsinə görə o
zamankı Rusiya imperiyasının mərkəzi regionları ilə bir sırada durmasını tutarlı
faktlarla sübut edilməsibaşlıca yer tutmuşdur. O 1948-ci ildə müvəfəqiyyətlə müdafiə
etdiyi “XIX əsrdə Azərbaycan iqtisadi tarixinin yaradılması təcrübəsi” mövzusunda
doktorluq dissertasiyası ilə yeni elmi istiqamətin əsasını qoymuş və fundamental
əsərlərin yaradılmasına səbəb olmuşdur. Qısa müddət ərzində Azərbaycanda XIX
yüzillikdə kənd təsərrüfatının (1958) və sənayenin (1964) inkişafı haqqında sanballı
monoqrafiyalar və çoxlu sayda elmi məqalələr hazırlayıb nəşr etdirməklə keçmiş SSRİ
miqyasında bu dövrün iqtisadi tarixinin və kapitalizmin inkişafı probleminin ən nüfuzlu
mütəxəssisi kimi şöhrət qazanmışdır. XX əsrin 60-80-ci illərində SSRİElmlər
Akademiyası Tarix elmləri bölməsində “SSRİ-də kapitalizmin mənşəyi” üzrə
Ümumittifaq problem komissiyasının üzvü kimi elmi konfranslarda dərin məzmunlu
məruzələri ilə iqtisadi tarixin aktual problemlərinə diqqəti cəlb etmiş, yeni tədqiqatlar
aparılmasına təkan vermişdir.
Akademik Əlisöhbət Sumbatzadə 1957-ci ildə Azərbaycan Elmlər Akade-
miyasının vitse-prezidenti seçildikdən sonra da BDU ilə sıx əlaqə saxlamış, Dövlət
İmtahan Komissiyalarına rəhbərlik etmiş, qabiliyyətli tələbələrin elmi tədqiqat işlərinə
cəlb edilməsinə xüsusi diqqət yetirmişdir. Diplom müdafiələrində diqqətini çəkən
bacarıqlı tələbələrin təyinatla Elmlər Akademiyasının Tarix, Şərqşünaslıq və
Tarix və onun problemləri, № 4 2014
36
İqtisadiyyat institutlarına göndərilməsinə nail olmuş, onların bir qisminin daha sonra
SSRİ-nin daha çox inkişaf etmiş nüfuzlu elmi mərkəzlərində aspiranturada oxumasına,
elmi staj keçməsinə, tədqiqatçı kimi püxtələşməsinə yardım göstərirmişdir. Beləliklə,
öz ətrafına istedadlı gənc mütəxəssisləri toplayan böyük alim Azərbaycanın iqtisadi
tarixini dərindən araşdıran və bir-birinin ardınca fundamental əsərlər yaradan elmi
məktəbin başçısına çevrilmişdir.
Gənc alimlərin bütün problemlərinə diqqət və həssaslıqla qayğı ilə yanaşan
akademik Əlisöhbət Sumbatzadə elmi rəhbər və məsləhətçi kimi yüksək ixtisaslı elmi
kadrlar hazırlanması sahəsində böyük işlər görmüşdür. Onun rəhbərliyi altında 40-a
qədər gənc mütəxəssis namizədlik, 10-dan çox alim doktorluq dissertasiyası müdafiə
etmişdir. Bu yetirmələrinin də yaxından iştirakı ilə həm XVIII-XIX əsrlərdə və XX
əsrin əvvəllərində, həm də Sovet hakimiyyəti dövründə Azərbaycanın sosial-iqtisadi
tarixinin müxtəlif aspektləri araşdırılmış, sanballı tədqiqat əsərləri, keçmiş ittifaq
miqyasında maraqla qarşılanan monoqrafiyalar yazılmışdır. Bu əsərlər içərisində
akademik Əlisöhbət Sumbatzadənin redaktoru və əsas müəlliflərindən biri olduğu üç
cildlik “Azərbaycan tarixi” (1958-1975) adlı ilk ümumiləşdirilmiş kitab xüsusi yer
tutur. Bununla görkəmli alim Azərbaycan tarixinin yazılıb yaradılmasına çox böyük
töhfə vermişdir.
Ə.S.Sumbatzadə Dağıstan, Kabarda-Balkar, Qaraçay-Çərkəz və digər Qafqaz
respublikalarının elmi-tədqiqat mərkəzlərində və universitetlərində iqtisadi tarix üzrə
mütəxəssislər hazırlanmasına da öz töhfəsini vermişdir.Böyük alim Qafqaz regionunun
iqtisadi tarixinə, kapitalizmin inkişafı probleminə həsr edilmiş elmi-tədqiqat əsərlərinin
yazılmasında fəal iştirak etmiş, çoxlu sayda namizədlik və doktorluq dissertasiyalarına
rəy vermiş və onlara opponentlik etmişdir.
Akademik Əlisöhbət Sumbatzadə uzun müddət ərzində Azərbaycanda elm
təşkilatçısı kimi misilsiz xidmətlər göstərmişdir. AMEA-nın vitse-prezidenti, İctimai
elmlər bölməsinin akademik katibi, Tarix İnstitutunun və Şərqşünaslıq İnstitutunun
direktoru vəzifələrində çalışmışdır. Azərbaycan tarix elmini Tehranda (1966), Berlində
(1974), San-Fransiskoda (1975), Edinburqda (1978) və digər yerlərdə keçirilmiş
beynəlxalq simpozium və konqreslərdə ləyaqətlə təmsil etmişdir. Azərbaycanın
Əməkdar Elmi xadimi fəxri adını almış, Qırmızı Əmək Bayrağı ordeni və medallarla
təltif edilmişdir.
Azərbaycan tarixinin yazılıb yaradılmasında son dərəcə böyük xidmətlər
göstərmiş bu böyük alim 1992-ci ildə vəfat edənə qədər səmərəli elmi fəaliyyətini
davam etdirmişdir. Tariximizin müxtəlif məsələləri haqqında 20 əsər və monoqrafiya,
160-dan çox elmi məqalə onun böyük elmi mirasıdır.
Akademik Əlisöhbət Sumbatzadənin Bakı Dövlət Universitetində əsasını qoyduğu
“Azərbaycanin iqtisadi tarixi”istiqaməti üzrə elmi məktəb XX əsrin 60-80-ci illərində
universitetin SSRİ tarixi və Azərbaycan tarixi kafedralarında fəaliyyətini davam
etdirmiş, sanballı elmi araşdırmalar aparılmışdır.1960-cı ildən ömrünün sonuna– 1992-
ci ilə kimi Bakı Dövlət Universitetində SSRİ tarixi kafedrasında dosent, professor,
kafedra müdiri vəzifələrində çalışmış Əli Pirəli oğlu Əliyevelmi yaradıcılığında sovet
Tarix və onun problemləri,
№ 4 2014
37
dövründə Azərbaycanın neft sənayesinin tarixinin tədqiqi mühüm yer tutmuşdur.O,
1966-cı ildə “Kapitalist neft inhisarlarına qarşı mübarizə və Sovet neftinin dünya
bazarına çıxması tarixi (1920-1937-ci illər)” mövzusunda doktorluq dissertasiyasını
müvəffəqiyyətlə müdafiə etmiş, 1967-ci ildə professor elmi adı almışdır.160-dan çox
elmi əsərin, o cümlədən 10 monoqrafiya, dərslik və dərs vəsaitinin müəllifi olmuşdur.
Onun 1987-ci ildə nəşr etdirdiyi “İmperializm dövründə çarizmin xarici siyasəti” adlı
monoqrafiyası elmi yaradıcılığında xüsusi yer tutur. Əsərdə Rusiya imperiyasının XIX
əsrin sonu – XX əsrin ilk onilliklərində yeritdiyi müstəmləkəçi xarici siyasət konkret
tarixi faktlarla şərh edilmişdir.
Professor Əli Əliyevin Azərbaycanın kapitalizm və sovet dövründə iqtisadi
tarixinin müxtəlif problemlərini tədqiq edən yüksək ixtisaslı tarixçi kadrlar yetişdirmək
sahəsində böyük xidmətləri olmuşdur. Onun rəhbərliyi altında 12 gənc tədqiqatçı tarix
elmlər namizədi alimlik dərəcəsi almışdır. Onlardan 8 nəfəri sonrakı dövrdə elmi
tədqiqat işini uğurla davam etdirmiş, doktorluq dissertasiyası müdafiə etmişdir.
“Azərbaycanin iqtisadi tarixi”istiqaməti üzrə elmi məktəbin sonrakı fəaliyyətində
professor Tofiq Talış oğlu Vəliyevin böyük xidmətləri olmuşdur. O, 1958-ci ildən
AMEA Tarix İnstitutunda elmi araşdırmalara başlamışdır. Akademik Əlisöhbət
Sumbatzadənin rəhbərliyi altında 1966-cı ildə “XX əsrin əvvəllərində Azərbaycanın
ipək emalı sənayesi” mövzusunda namizədlik dissertasiyası müdafiə etmişdir. 1986-cı
ildə isə “İmperializm dövründə Azərbaycanın sənayesi və proletariatı” adlı doktorluq
dissertasiyasını müdafiə etmiş, Azərbaycan tarixşünaslığında ilk dəfə Bakı sənaye
rayonundan kənarda, regionlarda kapitalist sənayesinin inkişafı və fəhlə sinfinin
formalaşması problemini hərtərəfli tədqiq etmişdir.
Professor Tofiq Vəliyev 1990-cı ildə BDU-da elmi-pedaqoji fəaliyyətə başlamış,
1993-cü ildə Slavyan ölkələri tarixi kafedrasının müdiri seçilmişdir. 190-dan çox elmi
əsər, o cümlədən iqtisadi tarix məsələlərinə həsr olunmuş 5 monoqrafiyanın müəllifi
olmuşdur. 1993-1997-ci illərdə Respublika Təhsil Nazirliyi nəzdində Tarix üzrə elmi-
metodik şuranın sədri, 1995-2002-ci və 2007-2010-cu illərdə Azərbaycan
Respublikasının Prezidenti yanında Ali Attestasiya komissiyasının Tarix elmləri üzrə
Ekspert Şurasının sədri, 2005-2014-cü illərdə BDU “Xəbərləri” Humanitar elmlər
seriyasının redaktoru olmuşdur. 2004-cü ildə Nyu-York Elmlər Akademiyasının üzvü
seçilmişdir.
Rəhbərliyi altında 2 doktorluq, 10 namizədlik dissertasiyası müdafiə olunmuşdur.
Elm və təhsil sahəsində səmərəli fəaliyyətinə görə 2009-cu ildə “Şöhrət” ordeni ilə
təltif edilmişdir.
2014-cü ildə vəfat edənə qədər 168 adda elmi əsər və məqalə yazmışdır.
XIX-XX əsrlərdə Azərbaycanın iqtisadi tarixinin araşdırılması Bakı Dövlət
Universitetində müasir dövrdə də davam etməkdədir. Bu sətirlərin müəllifi – Qafqaz
xalqları tarixi kafedrasının professoru, tarix elmləri doktoru Qabil Əli oğlu Əliyev
keçən əsrin 80-ci illərindən Şimali Azərbaycanda dəmir yolu nəqliyyatınin yaranması
və iqtisadiyyata təsiri problemlərini tədqiq etməklə məşğuldur. O, 1972-1977ci illərdə
Azərbaycan Dövlət Universitetinin Tarix fakültəsində təhsil almış,1982-1985-ci illərdə
bu ali məktəbin aspiranturasında təhsilini davam etdirmişdir. 1986-ci ildə “Bakı-Tiflis
Tarix və onun problemləri, № 4 2014
38
dəmir yolunun çəkilməsi və onun Azərbaycanın iqtisadi, sosial və mədəni həyatına
təsiri (XIX əsrin 80-90-cı illəri)” mövzusunda namizədlik dissertasiyası müdafiə
etmişdir. 2003-cü ildə “XIX-XX yüzilliyin başlanğıcında Şimali Azərbaycanda
nəqliyyatın inkişafı” mövzusunda doktorluq dissertasiyası müdafiə etmiş və tarix
elmləri doktoru alimlik dərəcəsi almışdır. 1995-ci ildə dosent elmi adı almışdır. 2005-ci
ildənprofessor vəzifəsində çalışır.
Professor Qabil Əliyev Bakı Dövlət Universitetində elmi-pedaqoji fəaliyyətinin ilk
illərindən SSRİ tarixi və Qafqaz tarixi fənlərindən praktik məşğələlər aparmış,
mühazirə oxumağa başlamışdır. 1989-cu ildən isə həmçinin “XIX-XX əsrin
əvvəllərində Cənubi Qafqazda nəqliyyatın inkişafı” adlı ixtisas kursunu tədris etmişdir.
İndiyə kimi 120-dən çox əsər və elmi məqalənin, o cümlədən 1 monoqrafiya, 3 dərslik,
2 dərs vəsaiti, 4 proqram, 2 metodik gösrərişlər hazırlayıb nəşr etdirmişdir. Onların
içərisində elmi ictimaiyyətin maraqla qarşıladığı “XIX-XX yüzilliyin başlanğıcında
Şimali Azərbaycanda nəqliyyatın inkişafı” (Bakı, 1995), “Azərbaycan nəqliyatı və
iqtisadiyyatı (XIX əsr - ХХ əsrin ilк оnilliкləri)” (Bakı, 2002) adlı monoqrafiyaları,
“Qafqaz tarixi” (Bakı, 2009) adlı ali məktəb tələbələri üçün dərsliyi xüsusi qeyd etmək
lazımdır. Hazırda Qafqazda XIX-XX yüziliklərdə nəqliyyatın inkişafı və diyarın
iqtisadi həyatına təsiri problemi üzrə tədqiqatlarını davam etdirməkdədir.
1991-ci ildən Azərbaycan Respublikasında ali məktəb tarixində ilk dəfə Qafqaz
tarixi fənnindən mühazirə kursu hazırlayıb Bakı Dövlət Universitetinin tarix,
şərqşünaslıq, regionşünaslıq (qafqazşünaslıq) ixtisaslarında təhsil alan tələblərə tədris
etməyə başlamışdır. 1994-cü ildə respublikada ilk dəfə “Qafqaz tarixi” fənnindən
proqram hazırlayıb nəşr etdirmişdir. Bu proqram Azərbaycan Pedoqoji Universitetində,
Sumqayıt, Gəncə, Naxçıvan, Lənkəran universitetlərində Qafqaz tarixi fənninin tədrisi
üçün əsas olmuşdur.
Q.Əliyev ali məktəbdə elmi-pedaqoji fəaliyyəti davam etdirməklə yanaşı, orta
məktəblər üçün dərslik və dərs vəsaitləri hazırlamaq sahəsində də fəal iş görmüşdür.
2005-ci ildə ümumtəhsil məktəblərinin 9-cu və 10-cu sinifləri üçün “Yeni tarix”
dərsliklərinin hazırlanmasında müəlliflər heyətinin üzvü kimi iştirak etmişdir. 2005-cü
ildə tərtib etdiyi “Azərbaycan tarixi” adlı ümumtəhsil məktəbinin 10-cu sinfi üçün dərs
vəsaiti “Abituriyent” jurnalının xüsusi buraxılışı kimi nəşr olunmuşdur.
1998-2002-ci və 2007-2012-ci illərdə Azərbaycan Respublikasının Prezidenti
yanında Ali Attestasiya Komissiyasının Tarix elmləri üzrə Ekspert Şurasının elmi
katibi və üzvü olmuşdur.
Hazırda “XIX-XX əsrin əvvəllərində Qafqazda nəqliyyatın inkişafı” adlı adlı
monoqrafiya üzərində çalışır, nəqliyyatın regionun sosial-iqtisadi inkişafına təsiri
məsələlərini tədqiq edir.
Tarix və onun problemləri,
№ 4 2014
39
ГАБИЛ АЛИЕВ
О НАУЧНОЙ ШКОЛЕ, ИЗУЧАЮШЕЙ НАШУ ЭКОНОМИЧЕСКУЮ
ИСТОРИЮ
Написание истории Азербайджана, особенно периода XIX века на основе
современных научных методов тесно связано именем академика А.С.Сумбатзаде.
Создание на базе кафедры Всеобщей истории Бакинского Государственного
Университета научной школы по направлению «Экономической истории
Азербайджана» был результатом его 50 летной научной и педагогической
деятельности. Успешно продолжали этой научной школы в университете
позжепроф. А.П.Алиев и проф. T.T.Велиев.
QABİL ALİYEV
ABOUT SCIENTIFIC SCHOOL LEARNING OUR ECONOMIC HISTORY
Writing history, especially the period of the 19th century on the basis of modern
scientific methods is closely associated the name of academician A.S. Sumbatzade.
Establishment of the Department of World history at Baku State University scientific
schools bay the economic history of Azerbaijan was the result of his 50 flight of
scientific and pedagogical activity. This continued successfully scientific school at the
University later prof. A.P.Aliyev and prof. T.T.Veliyev.
Rəyçilər: t.e.d. İ.Məmmədov, t.e.d. A.Məmmədov
BDU-nun Tarix fakültəsinin “Qafqaz xalqlarının tarixi” kafedrasının 28 oktyabr
2014-cü il tarixli iclasının qərarı ilə çapa məsləhət görülmüşdür (protokol №16).
Dostları ilə paylaş: |