mətləblərə toxunmadan bu cür şəraitdə yaranan poetikadan daha çox barışdırıcı ,
sosial tolerantliq (dözümlülük) və dil-ifadə vasitələrində “Ezop dilinin
“elastikliyi tələb olunurdu.Bakıxanovun ,M.F.Axundovun , Vazehin ,Zakirin çar
müstəmləkə siyasətini və onun əsl mahiyyətini anlamamaqlarını düşünmək
bağışlanmaz sadəlövhlük olardı, əks təqdirdə onların işıqlı zəkasına şübhə ilə
yanaşmalıyıq.Qətiyyən inanılası deyil ki, onlar bu müstəmləkəni ürəkdən
bəyənərək , onun könüllü təbliğatçıları və tərənnümçüləri olmuşlar : azadlıq və
milli ləyaqət , dövlətçilik və tərəqqi ideyaları ənənəvi İslam və türk
düşüncəsinin dəyərlər sisteminin ali kateqoriyalarıdır.Burada fransız deyimi
yerinə düşər : “iki şərdən həcmcə az olanı seçərlər “.M.F.Axundov poetikası
gerçəklikdə daha az görünəni seçdi ,Azərbaycanın svilizasiyaya qovuşmaq
imkanını Rusiya ilə bağladı və özünəməxsus formada realizə etdi....
Hər halda XIX yüzilliyin birinci yarısında Azərbaycanda xalq musiqisi ,
təsviri və tətbiqi incəsənət , memarlıq inkişaf edir, teatr sənəti sahəsində ilk
addımlar atıllırdı.Şuşa , Lənkəran və Şamaxı şəhərlərində teatr tamaşaları
qoyulurdu.
M.F.Axundovun dramaturji yaradıcılığını ideoloji çərçivələrə
baxmayaraq, dərindən və hərtərəfli araşdıran görkəmli alimimiz C.Cəfərov
yazır : ...Azərbaycanda teatr yaranması heç də gözlənilməz və təsadüfi bir şey
deyildi; 1873 cü ildə oynanan ilk Azərbaycan tamaşası mədəni mühitdə
çoxdan
hazırlanmaqda olan qanuni hadisə idi ki, bu hadisə tarixin hökmü üzrə
Axundovun adıyla bağlanmaya bilməzdi.1873-cü ildə mart və iyun aylarında
göstərilən “Lənkəran xanln vəziri” və “ Hacı Qara” tamaşaları ilə həm
Azərbaycan teatrının , həm də Axundov pyeslərinin milli səhnəmizdə tarixi
başlayır.Daha sonra C.Cəfərov çox haklı olaraq M.F.Axundov
komediyalarının səhnə tarixinin az və səthi öyrənilməsindən gileylənir , bununla
yanaşı bu əsərlərin meydana çıxması zamanı siyasi – ictimai vəziyyətin də
önəmli amil olduğunu qeyd edir.
Bütövlükdə Rus imperiyasında olduğu kimi ,XIX yüzilliyin ikinci yarısı
Azərbaycanda da burjua islahatlarıyla səciyyələndi : kəndli izahatı da (1870),