partiya sifatida shakllana boshlagan ushbu harakatning g‘oyaviy va tashkiliy
jihatdan mustahkamlanishida Polyozhoji Yusupov, Husainbek Matmurodov, Nazar
Sholikorov, Jumaniyoz Sultonmurodov, Mulla Bekchon Rahmonov, Bobooxun
.19. Болтаев А. Хоразм тарихи // Қўлёзма. ЎзР. ФАШИ. – №9320. 81а,б
.20. Болтаев А. Хива тарихига оид ҳужжатлар // Қўлёзма. ЎзР. ФАШИ.– № 9320.
28
Salimov, Jumaniyoz Hoji Boboniyozov, Otajon Sapaev, Boboxon Yoqubov,
Hakimboy Muhammedov, Muhammadyor Abdullaev, Xudoybergan Devonov kabi
faollarning xizmatlari katta bo‘ldi3. Ular ijtimoiy-siyosiy hayotda keskin
o‘zgarishlar qilishning ob'ektiv zarurligini tushunib yetgan, bilimli, ongli, jasoratli
kishilar edilar. Xivalik jadidlarining ayrimlari Moskva, Petrograd, Kozon, Anqara,
Tehron va boshqa shaharlarda bo‘lib, jahon fani va madaniyati bilan bevosita tanisha
boshladilar. Jumladan, P.Yusupov Istambul, Misr va Shomga qilgan safari
tasurrotlarini yozib qoldirgan1. XX asr boshlarida Xiva xonligida ijtimoiy
munosabatlar keskinlashishi yaqqol holatda namoyon bo‘ldi. Aholining
qashshoqlashishi, xon amaldorlari va katta yer egalarining zulmi, adolatsizlikning
kuchayishi natijasida ayrim hududlarda norozilik harakatlari avj oldi. Ayniqsa
turkmanlar yashaydigan kamhosil yerlardagi aholining turmushi murakkablashib
bordi. 1912 yilning boshida turkmanlardan yer solig‘i yig‘ish vaqtida vujudga
kelgan norozilikni qurol bilan bostirish yuzasidan Turkiston general gubernatoridan
ruxsat olindi2. 1913 yilda Xiva xonligi aholisi dahshatli ocharchilikni ham o‘z
boshidan kechirdi. Qurg‘oqchilik bilan bir qatorda sug‘orish inshootlarining
qarovsiz qolganligi va ishdan chiqqanligi ko‘plagan yerlarning ekilmasdan qolishiga
olib keldi. Ayniqsa, taka turkmanlar yashaydigan Tajan va Murg‘ob vohasida paxta
ekiladigan hududlardagi kambag‘al dehqonlar ijaraga olgan yerlarini eka olmadilar.
1915 yilning mart-aprel' oylarida Toshhovuz, Taxta, Xo‘jayli, Ko‘hna Urganch
tumanlarida turkmanlarning qo‘zg‘olonlari yana avj oldi. Qo‘zg‘olonchilar mahalliy
boylar va zamindorlarga qarshi kurashib qolmay, balki rus ishbilarmonlari mol-
mulklarini ham talon-taroj qildilar. “Lavzon” aksionerlik jamiyatiga qarashli savdo-
sanoat shirkati va “Nobel'” firmasi binolari vayron qilindi va omborlari talandi.
G‘azovot qal'asi yaqinida bo‘lgan jangda turkmanlar Ollabergan noib va
Muhammad yasovulboshi qo‘l ostidagi 1500 kishilik xon qo‘shinlariga zarba
berdilar.1916 yil 3 fevral' kuni chor ma'murlariga yuborilgan axborotda
qo‘zg‘olonchilar soni 10 mingdan oshganligi va ularning yarmi o‘q otish qurollariga
ega deyilgandi. Qo‘zg‘olon rahbarlari, jumladan, Junayidxondan xonga vakil
yuborib, adolat yuzasidan muzokara olib borish taklifini ma'qul ko‘rdilar.
Asfandiyorxon Xivaga kelgan qo‘zg‘olon boshliqlaridan 6 kishini qatl qildirdi1.
Xonning razil harakati va Petro– Aleksandrovskdan chiqqan ruslarning Xivaga
yaqinlashib kelayotganidan xavfsiragan qo‘zg‘olonchilar o‘z shahar va
qishloqlariga qaytib ketdilar. Junayidxon qo‘shinlari turkman ovullaridan tashqari,
o‘zbeklar yashaydigan hududlarga ham kirib keldilar. Ular 1916 yilning 3–11
fevralida Qo‘shko‘pir, Toshhovuz, Shovot, Gurlan, Xonqa tumanlariga bostirib
kirib, qarshilik ko‘rsatgan shahar va qishloqlar aholisini qattiq jazoladilar.
Bosqinchilik bilan ulkan o‘lpon yig‘gan Junayidxon sarbozlari Xiva shahrini ham
egalladilar2. Shahar aholisi shavqatsiz talandi va ulardan o‘lpon undirib olindi.
Asfandiyorxonning yaqin maslahatchilaridan Matfavo Baqqolov, Abdullaboy
Mehtar, Qodirbergan Mahram qatl etildi. Xon esa Junayidxonga talab qilingan 18
29
ming rublni to‘lab, o‘z hayotini saqlab qoldi3. Junayidxon Amudaryo bo‘limi
boshlig‘i polkovnik Kolosovskiyga xon atrofidagi amaldorlarni o‘zgartirishni taklif
qildi. Qoniqarli javob ololmagach, rus otryadlariga hujum qilishni buyurdi. Ammo
rus askarlari turkmanlar hujumiga bardosh berdilar. Ruslarga qo‘shimcha yordam
kelayotganligini eshitgan Junayidxon 14 fevralda Xivani tashlab chiqishga majbur
bo‘ldi. Xiva xonligida ro‘y berayotgan voqealar Turkiston general– gubernatorligi
amaldorlarini qattiq bezovta qilganligi bois, Sirdaryo viloyati gubernatori general–
leytenent A.S.Galkin boshchiligidagi jazo otryadi safarbar etildi. Turkmanlarni
ta'qib qilish haqida buyruq bergan .A.S.Galkin Junayidxon qo‘shinlarining Eronga
o‘tib ketishga imkon berganligi hujjatlarda qayd etiladi1. Xonlik aholisiga, birinchi
navbatda turkmanlar oilalariga 4 mln. 554 ming so‘m miqdorida harbiy o‘lpon
solindi2. Shunday qilib, qo‘zg‘olon vaxshiylarcha bostirildi. 1916 yil o‘rtalarida
Xiva xonligi mehnatkashlari chorizmning mustamlakachilik siyosatiga qarshi
o‘lkada ko‘tarilgan xalq qurolli harakatiga qo‘shildilar. Shu yili 25 iyunda podsho
Nikolayning front orqasidagi ishlarni bajarish uchun chorak million yerlik aholini
safarbar qilish to‘g‘risidagi farmoni ezilgan aholining sabr–kosasini to‘ldirib
yuborgandi. Xiva xonligi nomiga mustaqil davlat bo‘lsa–da, u hamma tarafdan
Rossiyaga qaram davlat edi. Xonlik hududida yashayotgan 3000 ga yaqin O‘rol
kazaklari xo‘jaliklari hisobidan front orti ishlariga 426 kishi safarbar etilishi
buyurilgandi. Natijada Qipchoq, Mang‘it, Xo‘jayli, Ko‘xna Urganch, Shumanoy
bekliklarida bosqinchi guruhlarning harakatlari xavfli tus oldi. Oktyabr'-noyabr'
oylarida Qipchoqdagi Chig‘aboy, Lavzonli Muhammad Nazar va Toji
Murodbiylarning uylariga o‘t qo‘yildi va molmulki talon–taroj qilindi. Umumxalq
noroziligi kuchayib borayotgan bir sharoitda 1916 yil dekabrda Xivada maxsus
harbiy komissarlik tashkil etildi. Unga xonlikda bo‘layotgan voqealardan rus
hukumatini doimiy xabardor qilib turish; xonlikning barcha mansabdor shaxslari
faoliyatini yaqindan kuzatib borish; xonlik hududida osoyishtalikni ta'minlash
vazifalari yuklandi. Komissarlik xon hokimiyatini mustahkamlash va ruslarning
mavqeini saqlashni ta'minlashi lozim edi. Ammo taqdirning taqozosi bilan voqealar
butunlay kutilmagan tarzda ro‘y bera boshladi. 1917 yil fevrali oxirida jadidlar
harakati davomchisi bo‘lgan yosh xivaliklar rus podshosi Nikolayning taxtdan
ag‘darilishini zo‘r hayajon bilan kutib oldilar. Bu vaqtda Asfandiyorxon Buxoro
amiri Olimxon bilan Yaltada dam olayotgan bo‘lib, ular zudlik bilan yurtiga
qaytdilar. 1917 yil 4 aprelda Xiva ko‘chalarida ko‘p ming kishilik namoyishlar
bo‘lib, unda qatnashganlar “Yo‘qolsin zo‘rlik, shafqatsizlik, jabr, zulm”, “Yashasin
ozodlik” kabi shiorlarni o‘rtaga tashladilar. Xivadagi rus harbiy garnizoni askarlari
ham namoyishchilarga qo‘shilib, xonga qarshi qo‘zg‘olon ko‘tarishga chaqirgan
bo‘lsalarda, yosh xivaliklar o‘z maqsadlariga tinch yo‘l bilan erishishga umid
.21. Абулғози Баҳодирхон ибн Арабмуҳаммадхон. Шажарайи тарокима. // Қўлёзма. ЎзР. ФАШИ. № 1552/VI, 9985, 5973, 1223,1807.
22. Абулғози Баҳодирхон ибн Арабмуҳаммадхон. Шажарайи турк ва муғул // Қўлёзма. ЎзР. ФАШИ. – № 851
30
bog‘ladilar. 1917 yil 5 aprelda jadidlar vakili sifatida Asfandiyorxon oldiga borgan
Polyozhoji Yusupov va Nazir Sholikorov yosh xivaliklar talablarini bayon qildilar1.
Qaltis vaziyatni hisobga olgan xon hurriyat haqidagi manifestga imzo chekishga
majbur bo‘ldi2. Ko‘hna Ark maydoniga to‘planib turgan olomon manifestni xonning
o‘zi o‘qisin deya talab qildi. Xalq oldiga chiqqan Asfandiryoxon hujjatning 2-3
qatorini o‘qigach, ko‘ziga yosh to‘lib, tomog‘i bo‘g‘ilib qoldi. Xon yonida turgan
Nazir Sholikorov uning qo‘lidagi manifestni tortib olib, o‘zi oxirigacha o‘qib berdi:
“Shu kundan boshlab Xiva xoni ag‘darilib, yangi hukumat tuzildi”, deganda xon
yerga qaradi. Asfandiyor va uning amaldorlari juda noxush ahvolda Ko‘hna Ark
ichkarisiga kirib ketishdi. Xalq asta-sekin tarqaldi3. Qozikalon Xudaybergan Oxun,
Hikmatulla Oxun, Ibrohim Oxunlar hujjatga o‘z muhrlarini bosdilar. Xon
mulozimlaridan Ibrohim xo‘ja Yoqub xo‘ja o‘g‘lini, Ro‘zimuhammad mahram
Muhammad Amin o‘g‘lini va Ota mahram Mamat mahram o‘g‘lini “Yosh
xivaliklar” qo‘liga garov sifatida topshirdilar4. “Idorai Mashrutiya”ga boshliq etib
Bobooxun Salimov va Nozirlar kengashiga Husainbek Matmurodov saylandi.
Xivada yangi davlat muassasalarida ishlay boshlagan yosh xivaliklar hokimiyatni
o‘zboshimchalik bilan boshqarishga chek qo‘yish, xonga, shahzodalar, beklar va
vazirlarga qarashli ortiqcha pullar, mol-mulklarni musodara qilish, xon tomonidan
tortib olingan yerlarni dehqonlarga qaytarib berish, yirik zamindorlarning yerlaridan
kambag‘allarning turmush tarzini yaxshilashda foydalanish, unumsiz yerlarini
sug‘orish uchun ariqlar qazish, vaqf yerlaridan olinadigan daromadlarni shariat
hukmiga ko‘ra faqat xalq maorifiga sarflash, bolalarga bepul ta'lim berish uchun
hamma joylarda maktablar, bepul kasalxonalar va shifoxonalar ochish, majburiy
mehnatni bekor qilish, yo‘llar va ko‘priklarni tuzatishga kirishishni rejalashtirgan
edilar1. Yosh xivaliklar dastlab mamlakatning daromad daftarini qo‘lga oldilar. Tez
orada fuqarolarning xon tomonidan tortib olingan mol-mulklarini musodara etish
taklif qilindi. Dehqonlarga yer berish, vaqf, maktab, maorif bo‘yicha demokratik
tadbirlar amalga oshirish boshlandi. “Idorai mashrutiya”da turkmanlar vakillari
bo‘lishi masalalari muhokama etildi. Xon atrofiga to‘plangan yirik boylar, din
arboblari, mahalliy amaldorlar mamlakatning demokratik tarzda rivojlanishidan
juda ham manfaatdor emasdilar. 1917 yil mayda Ko‘hna-Ark yaqinida Xivadagi rus
ma'muriyati vakili general X.Mirbadalov topshirig‘i bilan Yusuf Oxun, Jalol Oxun,
Davlat Oxun, Tavdiy afandi, Mulla Ramazon kabi din peshvolari maxsus namoyish
uyushtirib, unda yosh xivaliklarni “Dindan qaytganlar” deb e'lon qildilar. Olomon
Oliy Majlisni tarqatib, xon hokimiyatini qayta tiklashni talab qildi. Natijada Oliy
Majlisning 17 nafar a'zosi qamoqqa olindi va ularning ayrimlari qatl qilindi. Oliy
Majlis hay'atiga kiritilgan yangi a'zolar orasida dindorlar va katta yer egalari bor
edi. Uning raisi lavozimiga Ortiq Oxun, Nozirlar kengashi raisi lavozimiga Isoq
Xo‘ja va unga yordamchi etib Davlat Oxun tayinlandi. 1917 yil 23 mayda “Idorai
mashrutiya” tarqatib yuborildi va uning a'zolaridan ko‘plari hibsga olindi. Yosh
xivaliklar yetakchilari Polyoz Hoji Yusupov va Nazir Sholikorov “dinsizlik”da
31
ayblanib, qozikalon sudiga berildi. Sudda Nazir Sholikorov “Men Rusiya fuqarosi
bo‘lganimdan meni xonning sudi emas, balki Rusiya sudi sud qilishi mumkin” deya
pasportini ko‘rsatib, qozikalonning ruxsat berishini ham kutmay chiqib ketadi.
P.Yusupov esa Xiva harbiy garnizonida xizmat qiluvchi bir rus askari yordamida
suddan qutulib qoladi. Shundan keyin ta'qib etilayotgan P.Yusupov va N.Sholikorov
Toshkentga, J.Sultonmurodov Petro-Aleksandrovskka, ayrim yosh xivaliklar
Chorjo‘y va Mari shaharlariga qochib ketdilar. Endilikda kurashni davom ettirgan
yosh xivaliklar Turkiston sho‘rolar hukumati va uning Amudaryo bo‘limi
boshliqlaridan harbiy yordam so‘rashni lozim topdilar. 1917 yil oktyabrida
Rossiyada hokimiyatning bol'sheviklar qo‘liga o‘tishi Xiva xonligida joylashgan rus
soldatlari orasida inqilobiy harakatlarni kuchaytirib yubordi. Ularga Petro-
Aleksandrovsk va Chorjo‘y shaharlaridan kelayotgan xabarlar katta ta'sir o‘tkazardi.
Askarlar orasida o‘z boshliqlari buyruqlariga bo‘ysunmaslik, xizmatdan bo‘yin
tovlash va qochish holatlari ko‘paya bordi. Xiva garnizoni boshlig‘i polkovnik
M.I.Zaysev Xiva xoni, Orenburg kazaklari atamani A.I.Dutov va Junayidxon bilan
til biriktirib, inqilobiy chiqishlarni qurol kuchi bilan bostirish, sho‘rolarga xayrixoh
bo‘lgan barcha odamlarni ta'qib ostiga olish, qamoqda yotgan 17 ta yosh xivaliklarni
qatl qilish rejasini tuzayotgandi1. Xivadagi inqilobiy kayfiyatdagi rus qo‘shinlarini
zudlik bilan Petro-Aleksandrovskga jo‘natishga qaror qilindi. Asfandiyorxon va rus
mustamlakachilari zulmiga qarshi chiqishlar xonlikning ko‘pgina shahar va
qishloqlarida ham ro‘y bera boshladi. Mehnatkash xalq ommasi bilan hukmron
tabaqalar, kata yer egalari, savdogarlar o‘rtasidagi ziddiyatlar kuchayib borardi.
Xonlikda astasekinlik bilan keskin siyosiy harakatlar yetilayotgandi. 1918 yil
yanvarida polkovnik I.M.Zaysev boshliq rus askarlarining Xivadan jo‘nab ketishi
Asfandiyorxonning umidini so‘ndirdi. Ruslarning ketishi bilan Junayidxon 1600
navkarlari bilan Xivani ishg‘ol etdi va xonni o‘ziga itoat qildirdi1. Mahalliy
amaldorlar noroziligini e'tiborga olgan Junayidxon rasman xonni o‘z taxtida
qoldirsa–da, amalda xonlikni boshqarish jilovini o‘z qo‘liga olgandi2. Vujudga
kelgan qo‘sh hokimiyatchilik sharoitida Xivada harbiy-feodal diktatura o‘rnatildi.
1918 yil 12 mayda Toshkentda yosh xivaliklar partiyasining Markaziy inqilobiy
ko‘mitasi tuzildi. Ko‘mitaga Polvonniyozhoji Yusupov (rais), Bobojon Yaqubov
(o‘rinbosar), Atajon Sapaev (kotib), Muhiddin Umarov (xazinachi), Nazir
Sholikorov va boshqalar a'zo bo‘lib kirdilar3. Huddi shunday ko‘mita Petro–
Aleksandrovskda ham tuzilgan bo‘lib, unga J.Sultonmurodov rahbar etib saylandi.
Yosh xivaliklar harakati rahbarlarining Turkiston respublikasi Markaziy Ijroiya
Ko‘mitasiga taqdim qilgan harakat dasturida xon istibdodidan qutulish uchun
qurollangan askarlar yuborish, yosh xivaliklarni qurollantirish, ozod qilinga Xivani
esa Turkiston respublikasi tarkibiga qo‘shish kabi takliflar bor edi.
23.Абулғози Баҳодирхон. Шажарайи турк. — Тошкент: Чўлпон, 1992. – 192 б
.24.. Баёний. Шажарайи хоразмшоҳий / Қўлёзма. ЎзР. ФАШИ. – № 274 (517 варақ); 9596
32
Junayidxon buyrug‘i bilan 1918 yil mayida yosh xivaliklarning ko‘zga ko‘ringan
rahbarlaridan 24 nafari Xivadagi bozor maydonida otib tashlandi4. Ular orasida
Husayinbek Matmurotov, Isokxo‘ja Xo‘jaev, Abdusalimhoji Islomxo‘jaev, Hoji
Avazberdi Eshonovlar bor edi. Butun voha shahar va qishloqlarida demokratik
kayfiyatdagi yosh xivaliklar va Amudaryoning o‘ng sohilida o‘rnatilgan sho‘rolarga
hayrihoh bo‘lgan fuqarolar ta'qib etila boshlandi. Ushbu holat ham yangi diktatorni
qoniqtirmadi. Junayidxon nafaqat Xiva xonini bo‘ysundirish, balki barcha sho‘rolar
hukumatiga qarshi bo‘lgan kuchlar yordamiga tayangan holda Amudaryoning o‘ng
qirg‘oqida o‘rnatilgan sho‘rolar hukumatini yo‘q qilishga mahkam bel bog‘lagandi.
Shu maqsadda u xonlik aholisidan askarlikka yaroqli dehqonlarni ot-aravasi, oziq-
ovqati va yem-xashagi bilan o‘z navkarlari qatoriga qo‘sha boshladi. Natijada u
otliq askarlari sonini 4 mingga va piyodalari sonini 6000 nafarga yetkazdi1. 1918
yil sentyabr' oyining o‘rtalarida Junayidxon o‘zining Xiva xonligi hududidagi asosiy
dushmanlari bo‘lgan turkman sardorlari Qo‘shmamadxon, G‘ulomali va Shomurod
baxshilarni yengib, Amudaryo bo‘limi hududiga bir necha bor hujum uyushtirdi.
Amudaryo bo‘limi rahbarlari qizil gvardiya qismlarini tuzish bilan birga, Turkiston
respublikasidan harbiy yordam so‘radilar. Natijada N.A.Shaydakov boshchiligida
100 kishilik qizil askarlar otryadi Chorjo‘ydan Petro-Aleksandrovskga “Verniy”
poroxodida jo‘natildi. 1918 yil 20 sentyabrda Petro-Aleksandrovskka yetib kelgan
otryadda 2 ta pulemyot va 2 ta to‘p bor ham edi2. N.A.Shaydakov tez orada
Amudaryo bo‘limi harbiy komissari qilib tayinlandi. 1918 yil 19 sentyabrda
Turkiston respublikasining Xiva va Amudaryo bo‘limi ishlari bo‘yicha favqulodda
vakili qilib eser, shtabs-kapitan V.P.Konoplev tayinlangandi. U ham shu oyning
oxirida 120 kishilik otryad bilan Petro-Aleksandrovskka yetib keldi va shahar soveti
hamda harbiy rahbarlikni o‘z qo‘liga oldi. V.P.Konoplev Ural kazaklari atamani
Fil'chevga har birida 100 tadan otliq bo‘lgan 3 ta otryad tuzishni buyurdi. Shu orada
Junayidxon Asfandiyorning taqdirini hal qildi. Unga xonning Turkiston sho‘rolar
hukumati rahbarlaridan qo‘shin bilan yordam berishni so‘rab yozgan soxta maktubi
yuboriladi. Ushbu maktub hiyla tariqasida Toshkentda Nazir Sholikorov va
Polyozhoji Yusupov tomonidan tayyorlangan bo‘lib, u yosh xivaliklar muxlisi
Yusup Devonov orqali Badirkentda o‘tirgan Junayidxonga yetkaziladi. Bu haqda
tarixchi Komiljon Abdullaev quyidagilarni yozgandi: “Yusup Devonov Junayidxon
oldiga borishdan sal oldinroq, uni yoniga Xon eshon borgan bo‘lib, ikkovlari
suhbatlashib o‘tirgan ekanlar. Xon eshon Junayidga Asfandiyorni yomonlab: “Siz
Asfandiyorning so‘ziga ko‘p ishonavermang, uning so‘zi bilan ishi boshqa” deb
turganda uyga Yusup Devonov ikki xatni olib kiradi. Junayidxon xatlarni
maslahatchisi Xon eshonga uzatadi. U xatlarni o‘qib bo‘lgach, Junayidga qarab:
“Mana aytmadimmi! Siz dushman degan yosh xivaliklar, aksincha, bizga yaxshilik
qilganlar. Agar bizga qarshi yuboriladigan 10 ming kishilik rus askarlari kelsa,
holimiz mushkullashgan bo‘lar edi” deydi”1. Bu noxush xabardan jahli chiqqan
Junayidxon Asfandiyorni o‘ldirish uchun o‘g‘li Eshim boshchiligida bir guruh
33
turkmanlarni Xivaga yuboradi. Ular orasida Vakil og‘a degan yigit bo‘lib, uning
otasi Durdi Vakil turkman urug‘ boshliqlaridan biri sifatida 1916 yilda ruslar
tomonidan otib tashlangandi. Vakil og‘a otasininng o‘limida Asfandiyorxonning
aybi bor degan maqsadda xonni qatl qilishni va o‘ch olishni o‘ziga topshirishni
so‘raydi. Nurullaboy saroyi hovuzi oldida o‘tirgan xon turkmanlar bilan so‘rashgan
vaqtda Vakil og‘a salomga chap qo‘lini uzatadi. “Asfandiyor “Vakil og‘a sen nima
uchun so‘l qo‘ling bilan ko‘rishding?” deb aytishi bilan Vakil og‘a o‘ng qo‘lidagi
katta pichoqni chiqarib. Asfandiyorxonning qorniga tiqadi. Xon to‘pponchasini
olishga uringan bo‘lsa–da, u ulgurmagan edi”2. Mazkur fojeali voqea 1918 yil 30
sentyabrda ro‘y bergandi. 1918 yil 3 noyabrda taxtga Sayyid Abdulla to‘ra
o‘tkaziladi. Asfandiyorning katta akasi bo‘lgan ushbu shaxs hunarmandchilik bilan
kun kechirar va davlat ishlaridan ancha yiroq edi. Natijada u Junayidxon qo‘lidagi
qo‘g‘irchoq xon sifatida iz qoldirdi. Barcha yuqori lavozimlarga esa Junayidxon
yaqinlari tayinlandi1. Junayidxon Petro-Aleksandrovskda bo‘layotgan voqealardan
to‘la xabardor bo‘lib turardi. 1918 yil 24 noyabrda uning ko‘shinlari
PetroAleksandrovskni qamal qildi. Turkmanlarning 7 marta hujumini qaytargan va
11 kun davomida qarshilik ko‘rsatgan shahar himoyachilari 3 dekabrda qarshi
hujumga o‘tib, Junayidxon navkarlarini Shabboz tomon chekinishga majbur qildilar.
Natijada Petro-Aleksandrovskka qilingan hujum chog‘ida turkmanlardan 1700 ga
yaqini qirib tashlandi2. Petro-Aleksandrovsk qamali vaqtida Jumaniyoz
Sultonmurodov rahbarligidagi yosh xivaliklardan Ahmadjon Ibragimov, Ismoil
Vaisov, Vafo Polvonniyozov qarshilik ko‘rsatdilar3. Junayidxon Petro-
Aleksandrovskni qamal qilish bilan bir vaqtda Nukusga ham askar yuborib, uni
qurshovga olgan edi. Amudaryo bo‘limiga Zakaspiy fronti va Chorjo‘y
shaharlaridan temir yo‘lchilar va ko‘ngillilardan Naumov boshchiligida 250 kishilik
otryad yordamga keldi. Ular va Petro-Aleksandrovskda mavjud 3 ta rota
soldatlariasosida Birinchi Xiva inqilobiy batal'oni tuzildi. Tez orada otliq askardan
iborat polk shakllandi va unda 1598 askar bor edi4. 1919 yil bahorida Petro–
Aleksandrovskga Junayidxon navkarlari hujum qilgani sababli Chorjo‘ydan
sho‘rolarning qizil armiya otryadi jo‘natildi. Bosqinchilar tushgan poroxod 28
martda daryoning eng tor joylaridan biri — Tuyamo‘yin darasiga yaqinlashganda
pistirmadan hujum qilindi. Kemaga jiddiy talofat yetkazilgan va bir necha jangchi,
jumladan, otryad komandiri S.Naumov yarador bo‘lsa–da, askarlar Orolcha buva
degan joyda to‘p va miltiqlardan otilgan o‘qlar yomg‘iri yordamida qirg‘oqqa
chiqishga muvaffaq bo‘ldilar. Ikki o‘rtadagi ro‘y bergan qonli to‘qnashuvda
Junayidxonning 500 ga yaqin navkarlari halok bo‘ldilar1. Junayidxon
askarlarining orqasidan ta'qib qilib, Pitnak qal'asi tomon yura boshlagan qizil skarlar
duch kelgan odamlarni otib tashlayverdilar. Ulardan omonlik tilab,
25. Баёний Муҳаммад Юсуф. Шажарайи Хоразмшоҳий. ― Тошкент: Ғафур Ғулом, 1994. – 104 б.
26.Баёний. Шажарайи хоразмшоҳий. // “Мерос” тўпламида. – Тошкент: Абдулла Қодирий, 1992
34
vaziyatni tushuntirish uchun sovg‘a– salom ko‘tarib oldilariga peshvoz chiqqan
Qutlimurod oqsoqol, Niyozmat xatib, Nizomiddin eshon, Madamin elakchi,
Boboniyozboy boshliq qishloqning nufuzli odamlari ham otib tashlandi. Shu kuni
qishloqda 70 dan ortiq begunoh odamlarning qoni to‘kildi2. 1919 yil 1 aprelda
Petro–Aleksandrovskda yosh xivaliklarning inqilobiy ko‘mitasi tarkibiga Mulla
Jumaniyoz Sultonmurodov, Hakim Muhammedov, Bobojon Otajonov, Shayxuddin
Hasanov, Zokir Bekchurin va boshqalar kiritildi. Revkom a'zolari o‘zlari istagan
tarzda Xiva aholisining inqilobiy kayfiyati haqidagi ba'zan haqiqatdan uzoq
ma'lumotlarni Toshkentga yuborib turdilar. Shu yilning bahorida Xiva xonligining
Qo‘ng‘irot, Xo‘jayli, Ko‘hna va Yangi Urganch, Toshhovuz, Manoq, Ilonli,
Mang‘it, Qipchoq, Gurlan, Qilichboy, Shovot, G‘azovot, Xonqa, Beshariq,
Hazorasp va Darg‘an ota kabi yirik aholi punktlarida ham yosh xivaliklarning
yashirin tashkilotlari tuzilgani haqida ma'lumotlar mavjud3. Junayidxon yangi
tuzilgan qizil askarlar qo‘shilmalari bilan yuzma-yuz to‘qnashishdan qo‘rqib
chekina boshladi. 1919 yil 9 aprelda Taxta qal'asida boshlangan muzokalar vaqtida
Junayidxon bol'sheviklardan xonlikning ichki ishlariga aralashmaslik va xonlik
hududidan o‘z qo‘shinlarini olib ketishni talab qildi. Imzolangan shartnomaga
binoan, xonlikdagi xalqlariiig o‘z taqdirini o‘zi belgilash huquqi hamda har ikkala
tomon ham urush harakatlarini to‘xtatishni kelishib oldilar.
35
Xulosa
O‘zbek davlatchiligining muhim bosqichlaridan biri va o‘rta asrlardagi tayanchi
Xiva xonligi hisoblanadi. Ajnabiylarning bosqinchiligiga qarshi kurash jarayonida
shakllangan Xorazm vohasidagi ushbu davlat to‘rt asrdan ko‘proq vaqt davomida
o‘lkadagi barcha siyosiy, iqtisodiy, madaniy jarayonlarga o‘z ta'sirini o‘tkazib keldi.
Xiva xonligi Eron davlati, Buxoro xonligi, qozoq juzlari va Rossiya bilan tashqi
diplomatiya hamda savdo– sotiq munosabatlarida sezilarli darajada yutuqlarga
erishdi. Manbalar, ilmiy adabiyot, arxiv hujjatlaridan foydalangan holda, Xiva
xonligi tarixini XVI- asrdan XX asrning boshlarigacha milliy istiqlol mafkurasi
nuqtai nazaridan o‘rganish asosida quyidagi asosiy xulosalarga kelindi: 1. Buyuk
Xorazmshohlar davlati tanazzulidan keyin mo‘g‘ullar tomonidan bo‘lib tashlangan,
Temur va temuriylar davlatining viloyat darajasidagi ma'muriy hududga aylangan
Xorazm hududi XV asr oxiri XVI asr boshlaridagi siyosiy inqirozlar sababli yana
mustaqil davlatga aylandi. O‘zbek davlatchiligining tamal toshlari qo‘yilgan
Xorazm hududida mustaqil davlatning yangidan paydo bo‘lishi o‘ziga xos ijobiy
ahamiyat kasb etadi. 2. Yangi davlatning markazlashgan boshqaruv tizimiga ega
bo‘lish jarayoni 140 yil davom etgan bo‘lsa, uning markazi, poytaxtni tanlash
masalasi ham 100 yilga yaqin vaqtni o‘z ichiga oldi. Nihoyat Hoji Muhammadxon
(Hojimxon) va uning vorisi Arabmuhammad davrida Xiva shahri davlatning
poytaxti sifatida qaror topdi. 1602 yildan boshlab mamlakatning markazi sifatida
Xiva shahri rasmiylashtirildi va Xorazmdagi davlatning nomi ham u bilan
bog‘lanadigan bo‘ldi. 3. O‘rta Osiyoning xonliklarga bo‘linib ketishi natijasida
ichki nizo va tinimsiz urushlar davom etdi. Hatto hukmdorlarning ko‘plari o‘z
farzandlari qo‘lida shahid bo‘ldilar. Urug‘–qabilalar o‘rtasidagi etnik qarama–
qarshiliklar bir xalq bo‘lib jipslashishga imkon bermadi. Shu bilan bir qatorda
Xorazm vohasidagi o‘troq va ko‘chmanchi chorvador aholi o‘rtasida azaldan
saqlanib kelayotgan iqtisodiy va siyosiy mojarolar, fuqarolarning tinchlik va
osoyishtaligiga doimo raxna solib turardi. 4. Xiva xonligining butun tarixi davlat
boshqaruvini tashkil etishda urug‘–aymoqchilik munosabatlariga tayanilganligidan
dalolat beradi. Xorazm vohasini eroniy qizilboshlar bosqinidan ozod qilishga
qaratilgan xalq harakati jarayonida yordamga otlangan o‘zbeklar o‘z urug‘–
qabiladoshlarini ham Mang‘ishloq va Ustyurt orqali vohaga kelishlariga sharoit
yaratganlar. Yangi kelgan o‘zbeklarni etnik xususiyatlariga qarab joylashtirish
qariyib bir yarim asrdan keyin ― Abulg‘ozi Bahodirxon davrida amalga oshirilgan.
XVII asrning o‘rtalarida joriy etilgan ma'muriy–etnik tadbirlar deyarlik xonlik
tuzumi tugatilguncha saqlanib qolgan. Ya'ni Xorazm hududida markazlashgan
davlatning tashkil topishi, uning mustahkamlanishi, iqtisodiy va madaniy yuksalishi,
xalqaro miqyosda mustahkam o‘rin egallashida Arabmuhammadxon va uning
avlodlari, ayniqsa, Abulg‘ozi Bahodirxonning xizmatlari katta bo‘lgan. 5. XVIII asr
O‘rta Osiyoda uchta mustaqil davlatning to‘la shakllanishi bilan xarakterlanadi.
Qo‘qon xonligi yosh va mustaqil davlat sifatida qaror topib mustahkamlanayotgan
36
bir paytda Buxoro va Xorazmda ijtimoiy-siyosiy parokandalik, iqtisodiy inqiroz,
o‘zaro urushlar, bosqinchilik va talonchilik avj oldi. Bu jarayon o‘z-o‘zidan
hukmron sulolaning tanazzuli va yangi siyosiy kuchlarning siyosiy maydonga
chiqishiga olib keldi. XVIII asr ikkinchi yarmidan amaliy hokimiyatni qo‘lga olgan
Qo‘ng‘irot urug‘ boshliqlari o‘zlarini rasmiy xon deb e'lon qilgunlariga qadar
salkam yarim asr vaqt o‘tdi. 1804 yilda oxirgi qo‘g‘irchoq xon Abulg‘ozi V ni
taxtdan haydagan Muhammad Eltuzarxon bir vaqt kelib, o‘z avlodlarining ham
kimningdir qo‘lida o‘yinchoq bo‘lishini xayoliga keltirmagan ham edi.
Qo‘ng‘irotlardan bo‘lgan Muhammad Raximxon I (1806-1825), Olloqulixon (1825-
1842) va Muhammad Aminxon (1845-1855) davrlarida Xiva xonligi nisbatan
mustahkamlandi, ijtimoiy-siyosiy, iqtisodiy va madaniy jihatdan yuksaldi. Ikkinchi
tomondan diniy mutaassiblik, yakka hukmronlik boshqaruvi mamlakatni
mahdudlik, inqiroz, tanazzul yoqasiga olib keldi. Shu jihatlari bilan Qo‘ng‘irotlar
sulolasi davri xarakterlanadi. 6. Xiva xonligi Markaziy Osiyoda shakllangan davlat
sifatida mazkur hududdagi barcha mamlakatlar bilan turli sohalarda aloqalar olib
borgan. Xiva Buxoro amirligi, Qo‘qon xonligi, Eron va Rossiya bilan elchilik
munosabatlari, savdo-sotiq aloqalarini olib borgan. 7. Xiva xonlarining Orol bo‘yi
aholisi hamda qoraqalpoqlar bilan olib borilgan siyosatini o‘rganish ham dolzarb
masala hisoblanadi. O‘rganilayotgan davrda xonlik hududlarida bo‘lib o‘tgan etnik
va etnomadaniy jarayonlar mavzuning boy qatlamini tashkil qiladi. XIX asrning
boshlariga kelib, bu xalqlarning taqdiri bir davlat manfaatlari doirasida birlashtirildi.
8. Chor Rossiyasi va Buyuk Britaniya siyosatchilarining nazariga tushgan O‘rta
Osiyo hududini egallash va mustamlakaga aylantirish uchun urinishlar kuchaygan
bir sharoitda Buxoro, Qo‘qon va Xiva hukmdorlari bir–biri bilan kelishmasdan o‘z
saltanatlarini halokat yoqasiga keltirib qo‘ydilar. Natijada ruslar istilosi vaqtida
Qo‘qon xonligi tugatildi, Buxoro amirligi va Xiva xonligi yarim mustamlaka
davlatlarga aylantirildi. 9. Xiva xonligining ruslar tomonidan nisbatan yengil va
qisqa vaqtda istilo qilinishi bosqinchilarning kuch–qudratining ustunligidan
tashqari, xonlikdagi o‘zaro nizo va urushlar, taxt va toj talashlar, markaziy
hokimiyatning zaifligi, tarqoqlik sabab bo‘lgan. 8. Yirik yer egaligi sharoitida xon
va amaldorlar, din arboblarining ulkan mulkga ega bo‘lishi bilan bir qatorda
qashshoq aholining soni oshib bordi. Mardikorlar, chorikorlar, bevatanlar deb nom
olgan kambag‘al dehqonlarni ekspluatasiya qilish evaziga ayrim hukmron ijtimoiy
guruhlarning boyligi haddan tashqari oshib ketdi. Muhtojlikka chiday olmagan
qashshoq aholi ayrim vaqtlarda qo‘zg‘olonlar ko‘tarishga majbur bo‘ldi. Xiva
xonligi tarixiga oid ma'lumotlar va ularning tahlili quyidagi tavsiyalarni ilgari
surishga asos bo‘ladi: 1. Huquqiy demokratik davlat va fuqarolik jamiyatini qurish
tomon dadil harakat qilayotgan mustaqil O‘zbekistonda Xiva xonligidagi boshqaruv
tizimi saboqlarini e'tiborga olish foydadan holi bo‘lmasdi. Ya'ni tarixiy tajribadan
kelib chiqqan holda mustaqil o‘zbek davlatchiligining asoslarini mustahkamlashda
va rahbar xodimlarni tanlashda qarindosh–urug‘chilik, mahalliychilik kabi asrlar
37
osha o‘tib kelayotgan noxush usullardan voz kechish tavsiya etiladi. Buni davlatimiz
rahbari milliy xavfsizlikka tahdid soluvchi omillardan deb talqin qilgan. Davlatni
boshqaruv ishlariga barcha millat va elatlarning eng qobiliyatli, bilimli va tajribali
vakillari o‘zining yuksak ma'naviyati, ahloqi, Vatanga sadoqatiga qarab. keng jalb
etilishi maqsadga muvofiqdir. 2. O‘lkadagi milliy ozodlik harakati tarixidan muhim
o‘rin egallagan va chorizmning mustamlakachilik zulmiga qarshi 1916 yilda ro‘y
bergan xalq qo‘zg‘oloni o‘z sabab va oqibatlari bilan Xiva xonligida shu yili
ko‘tarilgan qo‘zg‘olondan tubdan farq qiladi. Mahalliy katta yer egalari, mulkdorlar
va din peshvolarining manfaatlarini himoya qilgan xon va amaldorlarning
zo‘ravonligi, yaramas harakatlariga qarshi norozilik sifatida boshlangan xalq
harakati qobiliyatli va qat'iyatli siyosiy yetakchilari bo‘lmaganligi, aholining barcha
qatlamlarini qamrab ololmaganligi, chor ma'murlarining qo‘zg‘olonni bostirishda
harbiy yordam ko‘rsatganligi natijasida mag‘lubiyatga uchradi. Istiqlol yaratgan
bugungi imkoniyatlardan foydalangan holda Xiva xonligidagi ozodlik harakatlari
(Eron hukmdorlari Ismoil Safaviy va Nodirshoh bosqinlari, qolmiqlar va chor
qo‘shinlarining xurujlari, xon istibdodiga qarshi o‘zbek, turkman, qozoq va
qoraqalpoqlarning qo‘zg‘olonlari) tarixi alohida mavzu sifatida tadqiq etishga loyiq
muammo hisoblanadi. 3. Tarixiy haqiqatni tiklashda manbalarning ahamiyati
beqiyos. Xiva xonligida tarjimonlik va tarixshunoslik maktabi shakllangan bo‘lib,
unda tarjima qilingan va yozilgan asarlar hanuzgacha xalqimizga to‘liq yetkazib
berilgani yo‘q. Ulardan Abulg‘ozi va Munis asarlari chet ellarda nusxasi, to‘liq
tarjimasi bilan bir necha marta nashr qilingan. Vatanimiz tarixchilari va
manbashunos olimlari oldida Xorazm tarixchilari asarlarini o‘rganib, ularni to‘liq
chop etishdek muhim vazifa turadi. Bu asarlar mazmuni bilan to‘liq tanishish
yoshlarimiz ma'naviyatini yuksaltirishga va ularning qudrati oshishiga hamda
yengilmas kuchga aylanishiga katta hissa qo‘shgan bo‘lar edi. Shuning uchun ham
Xiva xonligi davrida yozilgan, tarjima etilgan tarixiy manbalarni nashr etish tavsiya
etiladi.
Dostları ilə paylaş: |