Termiz davlat universiteti

2.2. “O’zbekoziqovqatxolding» xolding kompaniyasida marketing faoliyatini tashkil etish holati tahlili
Marketing tizimi xodimlari bevosita mahsulot yaratmaydilar, biroq ishlab chiqarishni tashkil etish, faol marketingdan foydalanishni amalga oshirish bo’yicha ma’lum bir tashkiliy va faoliyatni amalga oshiradilar hamda korxona xodimlarining tarkibiy qismi hisoblanadilar.
Marketing tizimi ishining sifati uslubiy ishlanmalarning ilmiyligi, miqdoriy, miqdoriy-sifat va sifat baholashning ob’ektivligi, baholashning oqilona tizimini yaratish, tadbiq etish hamda uni boshqarish, marketing tizimini tashkil etish darajasi va bu tizimni takomillashtirish bo’yicha rezervlardan foydalanish orqali ta’minlanadi.
Marketing tizimi iste’molchilar talabiga sezgirlik xususiyatiga egadir. Iste’mol sifatlari, kafolatliligi, servis vaboshqa jihatlari bilan belgilanadigantovarga bo’lgan talabdagi uncha katta bo’lmagan o’zgarishlarga tizim sezgir bo’ladi hamda moslashadi. Bunga faqat raqobatchilar faoliyatining bozor tahlili, ular ular bilan hamkorlik shakllarini qidirishgina emas, balki yuqori madaniyatli, uyg’unlashgan, yuqori axloqli iste’molchini tarbiyalash ham yordam beradi. Ushbu sohadagi muvaffaqiyatga iste’molchilar xohishlarini yaxshi tushunuvchi, talab dialektikasi va uning jihatlarini aniq bashorat qila oluvchi, faoliyat sohasining imkoniyatlarini biluvchi, tizimning dinamikligini, moslashuvchanligi va elastikligini ta’minlay

31
oluvchi marketologlarning yuqori kasb-mahorati orqali erishiladi.

Barcha jihatlar amaliyotda marketing qarorlarida o’z aksini topmoqda. Marketing qarorlarining sifati va samaradorligi, marketing funktsiyalarining qanday bajarilishini yoki boshqacha qilib aytganda butun tizim amal qilishining samaradorligini aniqlab beradi.

Bozor munosabatlarini yanada takomillashtirish sharoitida korxonalarning faoliyatini baholashda foydalaniladigan ko’rsatkichlarning o’ziga xosligi shundan iboratki, bir tomondan korxonalar uchun direktiv ko’rsatkichlarning yo’qligi, ikkinchi tomondan iqtisodiyotni tartibga solishning indikativ tizimining shakllanayotganligidir. Bunday sharoitda korxonalar boshqa iqtisodiy sub’ektlar ichida o’zining o’rnini topishi, ichki sharoitga moslashishi, iste’mol bozori rivojlanishi istiqbollariga ko’ra bu iqtisodiy maqsadlarni aniqlashi lozim bo’ladi. Shuning uchun korxonalar o’z faoliyatini baholovchi ustuvor ko’rsatkichlarni ishlab chiqishi lozim.
“O’zbekoziqovqatxolding» xolding kompaniyasi Respublikadagi ixtisoslashgan vositachilik korxonasidir. Biz quyida ushbu uyushmaning 2013-2015 yillardagi asosiy iqtisodiy ko’rsatkichlari bilan tanishib chiqamiz.