ümumtəhsil məktəblərinin və texniki peşə məktəblərinin qız şagirdlərindən
54
ibarət sanitar drujinaçıları da cəlb edilirlər. Onlar xəstəxanaların təşkil
edilməsində və xəstəxana şöbələrinin normal işinin təmin olunmasında iştirak
etməlidirlər.
Xəstəxananın qəbul şöbəsində sanitar drujinaçıları xəstələrin qəbul
edilməsinə kömək etməli, onları nəqliyyatdan düşürüb şöbəyə daşımalı,
xərəkdə aparılan xəstələri soyundurub qismən sanitariya təmizlənməsindən
keçirməli, onlara tibbi yardım göstərilməsində iştirak etməli, həkimin tapşırığı
üzrə yaralıya ağrıkəsən dərman və digər məqsədli antidot vurmalı, habelə tibb
bacılarının rəhbərliyi altında digər müalicə tədbirlərini yerinə yetirməlidirlər.
Xəstəxananın daxili xəstəliklər və cərrahiyyə şöbələrində sanitar
drujinaçıları orta və ağır xəstələrə qulluq etməli, onları yedizdirməli, dərman
içirtməli, bədənin hərarətini ölçməli, eləcə də həkimlərin göstərişi əsasında
başqa sadə əməliyyatların icrası işlərinə cəlb olunmalıdırlar. Onlar. həmçinin
yaralıları və xəstələri xəstəxananın ərazisində şöbədən şöbəyə aparmalıdırlar.
Köçürmə hospitallarında, baş xəstəxanalarda köçürmək üçün xəstələri və
yaralıları nəqliyyata mindirmək, ağır xəstələri, yolda müşayiət etmək işləri də
sanitar drujinaçılarına həvalə olunur.
Sanitar drujinaçıları xəstəxanalarda işləyərkən mülki müdafiənin
xəbərdarlıq siqnalları üzrə düzgün davranmağı və belə hallarda yaralılara,
xəstələrə xidmət etməyi də bacarmalıdırlar.
Dostları ilə paylaş: