www.kitabxana.net
– Milli Virtual Kitabxana
54
- Bax ha, əgər qiymətli nəsə - pul, üzük, taxma qızıl diş, bahalı paltarın varsa, özün təqdim edirsən. Biz
onu çıxan gününədək saxlayacağıq. Yox, əgər gizlətsən,
biz tapsaq,
onu sən görməyəcək-sən, olacaq bizim.
- Mən razı, - Əziz cavab verdi.
Kapitan əlini göstəriş gözləyən iki nəzarətçiyə tərəf tərpətdi:
- Başlayın.
Nəzarətçilər onun üst-başını, ciblərini, hətta alt paltarını da yoxladılar. Heç nə yox idi. Heç nəyin
tapılmaması leytenantlara ləz-zət eləmədi. Fazil müraciətlə kapitana “bəlkə bir beş dəfə çömbəltmə durub,
otursun”, - təklifini verdi.
Əziz bunun nə olduğunu bilirdi. Lümlüt soyunub üzü divara, sayılan dəfə durub oturursan. Əgər arxanda
nəsə gizlətmisənsə, bu halda özünü göstərməlidir.
Kapitan etiraz etdi:
- Lazım deyil. Ə, hanı bəs sənin pulun? Ola bilməz ki, heç pulun olmasın.
- Cənab kapitan, mən elə adam deyiləm, olsaydı gizlətməzdim. Olan günü birinci sənin hörmətini edəcəyəm,
- Əziz paltarını tələm-tələsik geyindi.
- Sağlıq olsun. Bir az cəld ol, əynini geyin, çıx həyətdə gözlə, - nəzarətçilərə səsini ucaltdı, - növbətini
gətirin.
İstintaq təcridxanasından çıxmamışdan iki-üç gün əvvəl, kimin hansı zona düşəcəyini nəzarətçilərlə
“qarşılıqlı anlaşmadan” təqribi və gizlin olsa da çoxu bilirdi. Artıq bəziləri imkanlı adamlarına xəbər çatdırıb rəisi
görmüşdülər. Buradan başqa zona yer dəyişmək də rəislik idi. Odur ki, rəis lazım bildiyi məhkumları incitməməyi
tapşırmışdı. Azadlıqdan qaytarılan və üçüncü dəfə məhkum olunub yenidən bu zona qayıdan iki nəfərlə də köhnə
tanışlar kimi davranırdılar.
Nə isə gizlətməyin mümkünsüz olduğunu görən məhkumlar əməliyyatçıların hörmətini edib heç nə
itirməmişdilər.
Əməliyyatçıların yoxlaması qurtardıqdan sonra yenidən hamını həyətboyu sıraya düzdülər. Müəssisənin
demək olar ki, bütün paqonluları buraya yığışmışdı. Yatabın gəlişindən xəbər tutub dustaq yoldaşlarını
qarşılamaq üçün yaşayış zonası tərəfdən gələn məhkum-lar, nəzarətçilər və zabitlər tərəfindən qara-qışqırıqla
qarşılanıb geri qaytarılırdılar:
- Hara gəlirsən, kim icazə verib? İmkan verin, qəbul qurtar-sın. İndi olmaz, qayıdın geri.
Otuza qədər paqonlunun həyətə yığışması heç də yaxşı əlamət deyildi. Bəzilərinin sırada dayananları
alçaldıcı nəzərlərlə süzməsi, məhkumların qəlbinə dəysə də, dözməkdən ayrı əlacları yox idi. Taleh-dən başqa
kimsəni kabinetində görmək istəməyən rəis qalanlarını həyətdə qəbul edəcəyi xəbərini göndərmişdi.
Hamı rəisi gözləyirdi. Hansı yana baxsalar da nəzərlərinin biri ikinci mərtəbənin girəcəyinə yüksələn
pilləkənin üstündəydi. Farağat durmaqdan bezmiş məhkumlar təzəcə boşalıb, pıçıldaşmaq istəyirdilər ki, rəisi
pilləkənin başında görən paqonlular hərə bir tərəfdən üstlərinə çığırıq atdılar:
- Söhbəti yığışdırın. Sıranı pozmayın.
Rəis öndə gəlirdi. Qırx-qırx beş yaşında dazbaş, ucaboy, eyni zamanda enli, iri vücuda malik,
polkovnikin baxışlarından, yerişin-dən, qalın, sərt templi səsindən rəislik ədası yağırdı. Yanınca özü ilə həmyaş,
bir az alçaq və onun qədər enli olmayan mayor - əsas mü-avini addımlayırdı.
www.kitabxana.net
– Milli Virtual Kitabxana
55
Rəis sıraya yaxınlaşanda Xəlili soruşdu:
- Ə, hanı Xəlil?
Xəlil hər tərəfə göz qoyan əməliyyatçıların arasından irəli atıldı:
- Bəli, rəis, eşidirəm.
- Sən hamısı ilə söhbət etmisən?
- Bəli, rəis!
Rəis sıranın başlanğıcında tanış sifəti görcək üzü dəyişdi, bir anın içində əsəbi vəziyyət aldı. Azadlıqdan
qaytarılan məhkum rəisin əsəbiləşdiyini duyub başını aşağı dikdi, yer ayrılsaydı gizlənməyə, yerə girməyə hazır
idi.
- Ə, mən deyən, nə atıla-atıla üstümə qayıdıb gəlmisən? Qurumsaq, sənə dedim çöldə yaşamağı bacaran
köpək
oğlu deyilsən, yadındadır? Anavı, atavı gətirtdin ayağıma,
and-aman elədin, indi nə oldu, nöş qayıtdın?
- Pulu öhd edə bilmədim.
- Bəs nə bilmişdin? Çölə kabab iyinə çıxmışdın, gördün sənin kimi eşşəkləri dağlayırlar. Çölə buraxanda
mən bilirəm, kim bacara biləcək, kim yox, - üzünü müavininə tərəf çevirdi, - fikir vermişəm, həmişə hansı
oğraşı havayı buraxırsan gedir, iki-üç ay keçməmiş qayıdır. Pul verən qayıtmaz. Ə, Mehdi, - zabitlərdən birinə
müraciət etdi, - sabahdan bunu qoşursan petuxlara, qoy onlarla bir yerdə zibil daşısın.
- Baş üstə, rəis, - Mehdi cavab verdi.
Rəis aralanan kimi, arxasınca gələn müavin danışmağı artıq hesab etdiyindən həmin məhkumun başına bir
qapaz çəkməklə müna-sibətini ifadə etdi.
Rəis üçüncü dəfə, bu dəfə narkoman maddəsi ilə məhkum olunan Əzizağanın qarşısında dayandı.
- Oğul budu. Getməyi ilə tutulub qayıtmağının arası üç ay çəkmədi. İndi hansı hünərlə gəlmisən?
- Nəşə ilə tutulmuşam.
- Satırdın, ya çəkirdin?
- Çəkirdim.
- Yenə yaxşı qurtarmısan. Bir az da qalsaydın, Allah bilir nə “pox” yeyəcəkdin. Vərdişkara tövbə
yoxdur. Sənin yerin elə buradır. Xəlil, siz bunu hərtərəfli yoxlamısınız?
- Bəli, rəis.
- Baxın ha, birdən içəri nəşə keçirər.
Rəis Əzizağa kimi üçüncü dəfə məhkum olunan Hafizə yaxınlaşanda şəbədəyə keçdi:
- Bay,
heç fikir vermirəm bayaqdan, köhnə qurdlar yanaşı durublarmış. Hə, danış görək fərasətini.
- Vallah, Əliməmməd müəllim, bu dəfə heç nədən tutublar.
- Kül sənin kişi başına. Arvadın tutdurub səni, ay bədbəxt. Görüb heç nəyə yaramırsan, əl-ayağa
dolaşırsan. Rəfiqəsi ilə işivi düzüb qoşublar, guya əl çantasını oğurlayıb evdə gizlətmisən.