12.1.– rasm. Qishloq infratuzilmasi va
uning tarkibi
2. Bozor infratuzilmasi bevosita ishlab chiqarish jarayoniga xizmat
koʻrsatmasa-da, xoʻjalikning umumiy faoliyatini ta’minlashga xizmat koʻrsatadi.
Masalan, marketing va reklama, axborot-maslahat, auditorlik, invyestitsion va shu
kabi boshqa xizmat turlari xoʻjalik faoliyatining turli tomonlari samaradorligini
oshirishga xizmat koʻrsatadi.
Bozor infratuzilmasi huquqiy va jismoniy shaxs maqomidagi barcha sotuvchi
(ishlab chiqaruvchi, xizmat koʻrsatuvchi) va xaridor (iste’molchi)lar oʻrtasida sodir
boʻladigan koʻp qirrali bozor munosabatlarining bevosita ishtirok etuvchi,
boshqaruvchi,
nazorat qiluvchi, tyekshiruvchi, maqsadli yoʻnaltiruvchi va ishlab
chiqarishdan toki iste’mol qilishgacha boʻlgan jarayonlarning bir tyekis va
toʻxtovsiz
kyechishi uchun shart-sharoit, imkoniyatlar yaratish maqsadida xizmat
koʻrsatuvchi jabha va muassasalarni oʻz ichiga oluvchi butun bir yaxlit majmuadir.
Bozor infratuzilmasining rivojlanishi koʻp jihatdan milliy iqtisodiyotning
samarali faoliyat koʻrsatishini ta’minlaydi. Oʻz mohiyatiga koʻra, bozor
infratuzilmasi bozor ishtirokchilarining turli iqtisodiy manfaatlarini samarali amalga
oshirish muhiti hisoblanadi. Bozor infratuzilmasining maqsadi tovar (turli xizmatlar
koʻrsatuvchilar) ishlab chiqaruvchilar va iste’molchilar oʻrtasidagi munosabatlarga
qulay shart-sharoitlar yaratish orqali yagona iqtisodiy tizim boʻlgan
milliy
iqtisodiyot faoliyatining samaradorligini oshirishdan iborat.
Hududlarda bozor infratuzilmasi muassasalarini tashkil etish, faoliyat
koʻrsatishi va rivojlanishi uchun respublikada toʻliq huquqiy asoslar yaratilgan. Ular
negizini Oʻzbyekiston Respublikasining "Tadbirkorlik faoliyati erkinligining
kafolatlari toʻgʻrisida"gi, "Birjalar va birja faoliyati toʻgʻrisida"gi, "Lizing
toʻgʻrisida"gi, "Auditorlik faoliyati toʻgʻrisida"gi, "Sugʻurta toʻgʻrisida"gi,
"Ryeklama toʻgʻrisida"gi, "Kredit ittifoqlari toʻgʻrisida”gi
va shu kabi boshqa
qonunlari, hukumat qarorlari, me’yoriy hujjatlar tashkil etadi. Ushbu qonunlarning
har biri joylarda, korxona va tashkilotlarga bank-moliya, birja, auditorlik, sugʻurta,
axborot, reklama, axborot-maslahat va shu kabi xizmatlar koʻrsatuvchi
muassasalarini tuzish va faoliyatini yuritishning toʻliq kafolatlarini belgilab beradi.
3. Ijtimoiy infratuzilma tarkibi agrar sohada ishchi kuchini takror ishlab
chiqarish bilan bevosita bogʻliq boʻlgan xizmatlar: maorif va madaniy muassasalar,
sport, turar-joy va kommunal xoʻjaligi, sogʻliqni saqlash va himoya qilish
muassasalari,
bogʻchagacha,
maktabgacha boʻlgan
bolalar
muassasalari,
umumovqatlanish korxonalari, savdo, aholiga xizmat koʻrsatuvchi transport,
mehnatni muhofaza qilish xizmatlari,
texnika xavfsizligi, oʻquv-ishlab chiqarish
kombinatlari, sogʻlomlashtirish muassasalari kiradi. Ijtimoiy infratuzilma –
insonning har tomonlama kamol topishi va unga erishish sohasida koʻrsatiladigan
xizmatlar yigʻindisidir. Ijtimoiy infratuzilma ishlab chiqarish jarayonida ishchi va
xizmatchilarga normal mehnat faoliyati yaratish va ishchi kuchini takror hosil qilish
uchun, shuningdek qishloq aholisining turli maishiy xizmat turlariga boʻlgan talabini
qondirish uchun xizmat qiladi.
4.Institutsional
infratuzilma
iqtisodiyot
rivojlanishining
optimal
makroiqtisodiy nisbatlarini qoʻllab-quvvatlovchi va tartibga soluvchi sohalar
faoliyat turlarini oʻz ichiga oladi. Unga iqtisodiyotni tartibga solib turuvchi davlat
va
nodavlat boshqaruv organlari, moliya-kredit muassasalari va boshqalar kiradi.
Dostları ilə paylaş: