TÖVHİD – Allahın Qulları Üzərində Olan Haqqı 44
təslimiyyətin ən yüksəyini əhatə edən, ən böyüyünü ifadə edən "ibadət"lə
tövhid etməkdir".
89
“Burada olan ibadətdən, qulluqdan məqsəd Allahın tövhid edilməsidir.
Buna görə də, ey Allahın qulu! Sənə ilk lazım olan dini vəzifədən, ibadətləri və
hətta namaz kimi bir ibadəti belə öyrənməmişdən qabaq Tövhidi öyrənməyə
məsul olduğunu heç vaxt unutma”.
90
Buna görə də qul bütün hüquqi və
xüsusiyyətləri ilə tövhidi bilmək və tanımaq məcburiyyətindədir. Ağlı başında
olan müddətdən ölüncəyə qədər tövhidə möhtacdır. Çünki İslamda Tövhid
hər şeyin təməlidir. Tövhid olmadıqca Uca Allah qulun heç bir əməl və
ibadətini qəbul etməyəcəkdir. Çünki, müsəlmanın həyatı tövhidsiz təsəvvür
olunmazdır və Tövhid dini vaciblərin təməli, ən böyüyü və ən qüvvətlisidir.
Allahın göndərdiyi Nəbi və Rəsullar Tövhidlə başlamış, insanları ancaq
Tövhidə dəvət etmişlər. Bu da Nuhdan , Peyğəmbərimiz Muhəmmədə
qədər gələn bütün peyğəmbərlərin gətirdiyi Tövhiddir. Bu Tövhid də Lə Iləhə
Illəllah - kəlməsinin mənasını ifadə edir. Bütün Peyğəmbərlərin dəvət etdiyi
Tövhid də elə budur. Yəni Allahdan başqa ibadətə layiq heç bir haqq ilah
yoxdur. İbn Teymiyyə Tövhidin mühümlüyünü bu sözlərlə bəyan etmişdir:
"Uca Allah bu tövhidi kitabında açıq şəkildə bildirmiş və Ona şərik
qoşulmasını rədd etmişdir. O, qədər aydın və açıq şəkildə ki, artıq Qurandakı
tövhidə inanan bir müsəlman, əsla Allahdan başqasından qorxmaz, Ondan
başqasından bir şey gözləməz, Ondan başqasından istəməz. Muhəmməd də
deyir: "Ey insanlar! Lə İləhə İlləllah deyin ki, qurtuluşa çatasınız". Həqiqətən
də bu "Lə İləhə İlləllah" tövhididir. Həqiqətən də bu "Allahdan başqa ilah
tanımamaq tövhididir". Könüllərin sonsuz bir sevgi, hörmət, ümüd və qorxu
ilə Allaha yönəldiyi, tapınaraq sığındığı haqq ilah ancaq Allahdır".
91
Hənəfi
məzhəbinin imamlarından İbn Əbil İzz əl-Hənəfi deyir: "Bil ki, Tövhid
bütün Peyğəmbərlərin ilk dəvətidir, yolun ilk mənzilidir. Qulu Allaha
yaxınlaşdıran ən mühüm amildir. Buna görə də qula ilk fərz olan Allahdan
başqa ibadətə layiq heç bir haqq ilah olmadığına şəhadət etməkdir. Tövhid bir
kimsənin ilk olaraq İslama girdiyi və onunla son olaraq dünyadan ayrılaraq
axirətə köçdüyü bir şeydir. Yolun əvvəlində də, sonunda da qula mütləq
şəkildə lazım olandır".
92
Şeyx Abdul-Əziz ən-Nəsir ər-Rəşid deyir: "İstər
Peyğəmbr olsun, istər onun Peyğəmbər qardaşları olsun insanlara təbliğ
etdikləri şeylərin ən böyüyü və ən ucası - Allahın birliyinə və heç bir şeyi Ona
şərik qoşmadan yalnız Allaha ibadət etmək, Allahı isim, sifət və felləri ilə
oxşarsız və bənzərsiz Rəbb olaraq tanımağa dəvətdən ibarət olmuşdur. Bu da
89
"Şərhu Kitabut-Tövhid Min Sahihil-Buxari" 1/ 38.
90
Durərus Səniyyə 1/ 107.
91
Fətva 1/ 135.
92
Şərhu Aqidətut-Təhaviyyə 1/ 21-23.
TÖVHİD – Allahın Qulları Üzərində Olan Haqqı 45
bütün peyğəmbərlərin dəvətinin açarı, ilahi dəvətin təməli və özüdür".
93
Şeyx
Muhəmməd ibn Abdul-Vəhhab deyir: "Allah elçilər göndərib, kitablar nazil
etməsi ancaq Tövhidin və Tövhidlə əlaqəli bəyanı və təbliği üçündir: “Biz hər
ümmətə: "Allaha ibadət edin, tağutdan uzaq olun"– deyə, elçi göndərdik.
Onlardan kimisini Allah doğru yola yönəltmiş, kimisinə də azmaq nəsib
etmişdir. Yer üzündə gəzib dolaşın və görün haqqı yalan sayanların aqibəti
necə oldu!” (ən-Nəhl 36). "Mən cinləri və insanları yalnız Mənə ibadət etsinlər
deyə yaratdım". (əz-Zariyat 56). Şeyx Saleh əl-Bəlihi deyir: "Bilindiyi kimi
Nəbilərin və Rəsulların sayı haqqında: "Nəbilər yüz iyirmi dörd mindir,
Rəsullar da üç yüz on üçdür"- deyə bir xəbər varid olmuşdur. Bu Nəbi və
Rəsulların hamısı Allahı təkləşdirməyə, hər tərəfdən Onu bir bilib yalnız və
yalnız Ona ibadət etməyə çağırmışlar".
94
Şeyx Muhəmməd əl-Useyminə :
“Qula ilk fərz olan nədir?”- deyə sual verildikdə o, demişdir: "Bütün qullara ilk
fərz olan Allahı Tövhid etmələri və bu Tövhid ilə birlikdə Muhəmmədin
Allahın Elçisi olduğuna şəhadət gətirmələridir. Yalnız belə bir tövhid ilə, bu
tövhidə şəhadət etmək şərtilə əməl və ibadətlər Allahın dərgahında qəbul
edilir".
95
Allah yaratdıqlarından heç birinə bənzəməz. Yaratdıqlarından da heç biri
Ona nə zatında, nə felində, nə ismində, nə sifətində, nə də hüququnda
bənzəməz. Heç bir şey Ona güc çatdırıb Onu aciz buraxmaz. O, dilədiyi hər
şeyi etməyə qadirdir. "Bir şeyi istədiyi zaman Allahın buyurduğu ona ancaq:
"Ol!" deməkdir. O da dərhal olar". (Yasin 82). Heç bir şey ona zor gələ bilməz.
Heç bir şey də onu gücündən qoya bilməz. "Göylərdə və yerdə Allahı aciz edə
biləcək heç bir şey yoxdur". (Fatir 44). Bu Onun qüdrətinin kamilliyindəndir.
Nəyi isərsə, o olar, nəyi də istəməzsə, o olmaz. Bu da Onun Rububiyyətinin
kamilliyindəndir. “Ondan başqa ilah yoxdur” kəlməsi - Tövhid budur. Bütün
Rəsulların çağırışı da budur: “Biz hər ümmətə: "Allaha ibadət edin, tağutdan
uzaq olun"– deyə, elçi göndərdik. Onlardan kimisini Allah doğru yola
yönəltmiş, kimisinə də azmaq nəsib etmişdir. Yer üzündə gəzib dolaşın və
görün haqqı yalan sayanların aqibəti necə oldu!” (ən-Nəhl 36). “Allahdan
başqa ibadət olunmağa layiq heç bir ilah yoxdur” deməkdir. Çünki, yaradan,
ruzi verən, hər şeyə malik də Odur. Ondan başqa ibadət edilənlərə isə ancaq
və ancaq batil bir yolla ibadət olunur. Bu belədir, çünki Allah haqqın özüdür:
"Çünki Allah haqq, müşriklərin Ondan başqa ibadət etdikləri (bütlər, tanrılar)
isə batildir. Həqiqətən, Allah uca və böyükdür". (əl-Həcc 62).
93
Tənbihatus-Sunniyyə s. 33.
94
Əqidətul Muslimin 1/248.
95
Məcmuu Fətava 2/22.
Dostları ilə paylaş: |