İzahlı şəriət hökmləri
203
NAMAZ QILANIN PALTARINDA MƏKRUH OLAN ŞEYLƏR
Məsələ 874: Namaz qılanın paltarında bir neçə şey
məkruhdur. O cümlədən: qara, çirkli, dar paltar geymək; şərab
içənin və nəcasətdən pərhiz etməyən şəxsin paltarını, üstündə
şəkil olan paltar geymək; həmçinin paltarın düymələrinin açıq
olması, üstündə şəkil olan üzüyün taxılması da məkruhdur.
NAMAZ QILANIN YERİ
Namaz qılanın məkanının yeddi şərti vardır:
BİRİNCİ ŞƏRT
Mübah olsun;
Məsələ 875: Əgər bir şəxs qəsbi mülkdə namaz qılırsa, hətta
xalça, taxt və s. kimi şeylərin üstündə də olsa, ehtiyata əsasən
namazı batildir. Amma qəsbi tavan və qəsbi xeymənin (çadırın)
altında namaz qılmağın, maneəsi yoxdur.
Məsələ 876: Mənfəəti başqasına məxsus olan yerdə, mənfəət
sahibinin icazəsi olmadan namaz qılmaq ehtiyata əsasən batildir;
məsələn: icarə olunmuş evdə, evin sahibi, yaxud başqa bir şəxs,
icarə edən şəxsin icazəsi olmadan namaz qılsa, namazı batildir.
Həmçinin, başqasının haqqı olan bir mülkdə namaz qılsa, namazı
batildir; məsələn: əgər meyyit, malının üçdə birini müəyyən yerə
xərc edilməsini vəsiyyət etsə, onun üçdə biri ayrılmayınca, onun
mülkündə namaz qılmaq olmaz.
Məsələ 877: Əgər bir şəxs məsciddə otursa, başqası onun
yerini qəsb edib orada namaz qılsa, ehtiyata əsasən namazı
batildir.
Məsələ 878: Əgər qəsbi olmasını bilmədiyi yerdə namaz qılıb
namazdan sonra başa düşsə, yaxud qəsbi olduğunu unutsa və
namazdan sonra yadına düşsə, namazı səhihdir. Amma özü bir
yeri qəsb etmiş olduğu halda unutsa, orada namaz qılsa, ehtiyata
əsasən batildir.
204
NAMAZIN HÖKMLƏRİ
Məsələ 879: Əgər bir yerin qəsbi olduğunu bilsə və qəsbin
haram olduğunuda bilsə amma qəsbi yerdə namazın batil
olduğunu bilməyib orada namaz qılsa, namazı batildir.
Məsələ 880: Vacibi namazını süvari halında qılmağa məcbur
olan bir şəxsin mindiyi heyvan və ya onun yəhəri, yaxud nalı
qəsbi olsa, namazı batildir. Həmçinin, o heyvanda müstəhəb
namaz qılmaq istəsə də eyni qayda ilə.
Məsələ 881: Əgər bir şəxs müəyyən bir mülkdə başqası ilə
şərik olsa, şərikinin payı ayrılmasa, onun icazəsi olmadan o
mülkdən istifadə edə bilməz və orada namaz qıla bilməz.
Məsələ 882: Xümsü və zəkatı verilməmiş pul ilə müəyyən bir
mülk alınsa, o mülkdə qılınan namaz batildir.
Məsələ 883: Əgər mülkün sahibi dildə namaz qılmaq icazəsi
versə və insan onun qəlbən razı olmadığını bilsə, o mülkdə
namaz qılmaq batildir; əgər icazə verməsə və insan onun qəlbən
razı olduğunu bilsə, namazı səhihdir.
Məsələ 884: Xüms və ya zəkat borcu olan meyyitin
mülkündən istifadə etmək haram, onda namaz qılmaq batildir.
Amma onun, borclarını verib və ya onu ödəməyə zamin olsalar,
onun mülkündən istifadə etmək və orada namaz qılmağın eybi
yoxdur.
Məsələ 885: Camaata borclu olan ölmüş şəxsin mülkündən
vərəsə borcları vermək istəməsə, istifadə etmək haram, onda
namaz qılmaq batildir.
Məsələ
886:
Əgər meyyitin borcu olmasa, amma
vərəsələrindən bəzisi azyaşlı, dəli və ya qaib olsalar, onların
vəlilərinin icazəsi olmadan onun mülkündən istifadə etmək
haram, namaz qılmaq da batildir.
Məsələ 887: Mehmanxana, hamam və s. kimi yerlərədə ki,
oraya gələnlər üçün nəzərdə tutulub, namaz qılmağın eybi
yoxdur. Amma bu qəbildən olmayan digər yerlərdə, namaz
qılmaq üçün, oranın sahibi icazə verməli və ya danışığından
İzahlı şəriət hökmləri
205
icazə verməsi məlum olmalıdır. Misal üçün; bir şəxsə onun
mülkündə oturmağa və yatmağa icazə verilməsindən, onun
namaz qılmağa da icazə verməsi başa düşülür.
Məsələ 888: Namaz vaxtı, çox geniş yerdən digər yerə camaat
üçün getmələri müşkül olan yerdə, sahibinin icazəsi olmadan,
namaz qılmaq olar. Dəstəmaz bölməsində 277-ci məsələdə qeyd
olunduğu kimi.
İKİNCİ ŞƏRT
Namaz qılanın yeri hərəkətsiz olsun;
Namaz qılanın məkanı hərəkətsiz olmalıdır. Əgər namaz
qılanın yeri namazın əməllərini düzgün şəkildə yerinə
yetirməyəcək şəkildə hərəkətli olsa namazı batildir. Deməli gəmi
və qatar və bunlar kimi şeylərdə namazın əməllərini düzgün
şəkildə yerinə yetirsə namaz qılmağın eybi yoxdur. Əgər vaxtın
azlığına və ya digər səbəbə görə gəmi, avtomobil və bunlar kimi
şeylərdə namaz qılmağa məcbur olsa, qiblə həmişə dəyişdiyinə
görə mümkün olduğu qədər qibləyə tərəf çevrilsin. Qibləyə
çevrildiyi halda bir şey oxumasın.
Məsələ 889: Arpa, buğda xırmanlarında və s. bunlar kimi az
hərəkətli olan yerlərdə namaz qılmaq icazəlidir. Amma bu şərtlə
ki, namazın vacib əməllərini yerinə yetirə bilsin.
Məsələ 890: Külək, yağış, camaatın çox olması və bu kimi
şeylərin ehtimal verilməsi səbəbilə namazın tamam qıla
bilməsinə əmin olmayan yerdə, namaz qılmasın. Lakin namazını
tamam edə biləcəyinə ümüdü olub və heç bir maneə ilə
üzləşməsə namazı səhihdir.
ÜÇÜNCÜ ŞƏRT
Məsələ 891: Durulması haram olduğu yerdə; məsələn:
yıxılmaq üzrə olan tavanın altında namaz qılınmasın. Əgər qılsa,
günah etməsinə baxmayaraq namazının eybi yoxdur.
Dostları ilə paylaş: |