Turizm sohasining tasniflanishi va turlari. Reja

Turizm sohasining tasniflanishi va turlari.


Reja:

1. 
   Turizm sohasining tasniflanishi va turlari.
   
2. 
   Kirish turizmi. Chiqish turizmi. Xalqaro turizm.
   
3. 
   Tarixiy obidalar turizmi. Arxeologik turizm. Rekreatsion turizm. Sog‘lomlashtiruvchi dam olish.
   
4. 
   Diniy turizm. Ekoturizm. Gastronomiya turizmi.
   
5. 
   Harakatlanish usuli. Aviatransport. Dengiz transporti. Temir yo‘l transporti.
   
6. 
   Aktiv va passiv turizm turlarining xususiyatlari.
   
7. 
   Turistik-rekreatsion klasterni shakillantirish.
   

1.Turizm sohasining tasniflanishi va turlari
Zamonaviy turizmning o‘ziga xos xususiyatlarini belgilash maqsadida, uning muhim tasnifiy belgilarini aniqlab olish zarur bo‘ladi. Jumladan, geografik va turistik talab yo‘nalishi bo‘yicha, safar maqsadi, harakatlanish usuli, turistlarni joylashtiruv vositalari va ishtirokchilar soni bo‘yicha, tashkiliy-huquqiy shakllarini tasniflash maqsadga muvofiqdir.
1-jadval
Turizm sohasining tasniflanishi

Tasniflanadigan belgilar	Turizm turlari
Geografik va turistik talab yo‘nalishi bo‘yicha	. Milliy . Xalqaro 1.3. Hududiy (mintaqaviy) 1.4. Ichki 1.5. Kiruvchi 1.6. Chiquvchi
Maqsadlar bo‘yicha	2.1. Tarixiy obidalar turizmi 2.2. Arxeologik turizm 2.3. Rekreatsion turizm 2.4. Sog‘lomlashtiruvchi dam olish 2.5. Malakaviy ish turizmi 2.6. Ilmiy turizm 2.7. Sport turizmi 2.8. Shop-turlar 2.9. Diniy turizm (haj safari, ziyorati) 2.10. Qo‘msash, sog‘inish turizmi 2.11. Ekoturizm 2.12. Ovchilik turizmi 2.13. Gastronomiya turizmi 2.14. Safari turizmi
Moliyalashtirish manbai bo‘yicha	3.1. Ijtimoiy turizm 3.2. Tijoriy turizm
Harakatlanish usuli bo‘yicha	4.1. Yayov 4.2. Aviatransport 4.3. Dengiz transporti 4.4. Daryo transporti 4.5. Avto tarnsport 4.6. Temir yo‘l transporti 4.7. Velosiped transporti 4.8. Ulovlarda 4.9. Aralash
Joylashuv vositalari bo‘yicha	5.1. Otellarga, mehmonxonalarga 5.2. Motellarga 5.3. Pansionatlarga 5.4. Kempinglarga 5.5. Palatkalarga 5.6. Rotellarga 5.7. Botellarga 5.8. Sanatoriylarga 5.9. Flotellarga 5.10. Xostellarga 5.11. Otel-klublarga 5.12. Turbazalarga 5.13. Turistik uylarga 5.14. Appartamentlar
Ishtirok etuvchilar soni bo‘yicha	6.1. Individual-Yakka 6.2. Oilaviy 6.3. Guruhlar bo‘lib
Tashkiliy shakllari bo‘yicha	7.1. Tashkil etilgan 7.2.Tashkil etilmagan

Hozirda turistlarning talablarini qondirish maqsadida turistik faoliyatlarning ko‘pgina turlari mavjud. Turizmning har bir turi sayohatning aniq belgilangan maqsadiga bog‘liq. UNWTO tashkilotiga binoan, sayohat maqsadlari asosan ikki turda bo‘ladi, shaxsiy va biznesga aloqador. Barcha sayohat maqsadlari shu ikki asosiy asosida shakllanadi.