118
bu problemə dair ilk dəfə qəbul edilmiş bu proqram respublikamızın
təhsil sisteminin yeni elmi-texniki əsaslar üzərində qurulmasını təmin
etməklə, təhsilimizin keyfiyyətinin yüksəldilməsinə, dünya standartları
səviyyəsinə çatdırılmasına səbəb olmaqla ölkəmizdə gənc nəslin yüksək
intellektual inkişafını təmin edir. Məhz buna görədir ki, respublikamızda
müstəqillik illərində prezident H.Əliyevin bilavasitə qayğısı və göstərişi
ilə məktəb kitabxanalarının miqdarı artmış, onların maddi-texniki bazası
möhkəmlənmiş, fəaliyyət dairəsi xeyli genişlənmişdir. Hazırda
respublikamızda Təhsil Nazirliyi sisteminə daxil olan 5 minə yaxın
ümumtəhsil, internat və peşə məktəblərinin kitabxanalarında 5 milyon
nüsxədən artıq ədəbiyyat toplanmışdır. Son zamanlar bu kitabxanalar öz
ənənəvi xidmət işləri ilə yanaşı, dərslik fon-dunun yaranmasında,
saxlanmasında, tənzim edilməsində və yenidən şagirdlərə verilməsində
məktəbin pedaqoji kollektivinə böyük köməklik edirlər.
Ölkəmizdə keçirilən təhsil islahatları, təhsil prosesinin daha da
təkmilləşməsi və intensivləşməsi məktəb kitabxanalarının qarşısında
şagirdlərin sinifdənkənar işlərinin təşkilatçısı kimi olduqca mühüm
vəzifələr qoymuşdur. Məhz bu vəzifələrin həlli məktəb kitabxanalarının
fəaliyyətinin daha da təkmilləşməsini, informasiya cəmiyyətinin
tələblərinə cavab verməsini zəruri edir.
Məktəblərin qarşısında duran vəzifələrin həyata keçirilməsində
məktəb kitabxanalarının işlərinin yenidən qurulmasına böyük ehtiyac
duyulmaqdadır. Təhsil və tərbiyə prosesində bilavasitə iştirak edən
məktəb kitabxanaları təhsilin informasiya təminatındakı işini gündən-
günə təkmilləşdirməli, yeni iş forma və üsullarından, kommunikasiya
texnologiyasından bacarıqla istifadə etməlidirlər. Bütün bunlar isə
məktəb kitabxanalarına elmi-metodik rəhbərliyin daha da
təkmilləşməsini, qabaqcıl məktəb kitabxanalarının iş təcrübəsinin
ümumiləşdirilməsini və yayılmasını, məktəb kitabxanaları işçilərinin
ixtisasının artırılmasını tələb edir. Bu mühüm iş Respublika Elmi
Pedaqoji Kitabxanası tərəfindən həyata keçirilir.
119
2.6. Respublika Elmi Pedaqoji Kitabxanası
müstəqillik illərində
Respublika əhəmiyyətli bu kitabxana ölkəmizdə təhsilə dair
ədəbiyyatı toplayıb saxlamaqla, geniş oxucu kütləsinə kitabxana-
informasiya xidməti göstərməklə yanaşı, təhsil kitabxanalarının elmi-
metodik mərkəzi kimi də böyük fəaliyyət göstərir.
Kitabxananın kollektivi müstəqillik illərində hər cür çətinliyə
baxmayaraq maddi-texniki bazanın möhkəmləndirilməsində, yeni
kitabxana avadanlığı, kitabxana informasiya-texnologiyası ilə təminat
sahəsində, kitab fondunun ardıcıl olaraq komplektləşdirilməsində, kadr
potensialının möhkəm-ləndirilməsində önəmli işlər görməyə müvəffəq
olmuşdur. Əgər kitabxananm fondunda 1993-cü ildə 486.532 nüsxə
ədəbiyyat var idisə, onların miqdarı 2002-ci ildə 512.090 nüsxəyə
çatmışdır. Həmçinin müstəqillik əldə etdikdən sonra ideoloji cəhətdən
köhnəlmiş, yeni dövrün tələblərinə cavab verməyən ədəbiyyatın, o
cümlədən marksizm-leninizm ədəbiyyatının kütləvi surətdə kitabxanadan
çıxarılmasını nəzərə alsaq, onda kitabxananın fondunun yeni ədəbiyyatla
təmin edilməsinin intensivliyi aşkara çıxır. Müstəqilliyin on illik
müddətində, yəni 1993-2002-ci illərdə kitabxanaya 300 min nüsxədən
artıq kitab daxil olmuşdur ki, bu da mühüm göstəricidir.
Kitabxana müstəqillik illərində oxuculara xidmət işini ön plana
çəkmiş, pedaqoji ədəbiyyatın təbliği ilə yanaşı, müstəqilliyimizə, milli
ideologiyamıza, Azərbaycan tarixinə, soy-kökümüzə, xalqımızın mədə-
niyyətinə, vətənpərvərlik tərbiyəsinə dair ədəbiyyat təbliğini ön plana
çəkmişdir. Məhz buna görədir ki, kitabxananın oxucularının sayı daim
artmış, kitab verilişi çoxalmışdır. Rəqəmlərə müraciət edək. 1993-2002-ci
illərdə ki-tabxana 135 mindən çox oxucuya xidmət etmiş, onlara 2 milyon
nüsxədən artıq kitab vermişdir ki, bu da çox böyük mədəni nailiyyətdir.
REPK respublika əhəmiyyətli təhsil kitabxanası statusuna malik
olduğu, təhsil problemlərinə dair aparılan elmi-tədqiqat işlərinə xidmət
etdiyi üçün böyük audiovizual və dövri mətbuat fonduna malikdir və
dövrün tələblərinə cavab vermək üçün bu
120
fondu daim təkmilləşdirir. Bu məqsədlə fondda avtoreferatlar,
dissertasiyalar, pedaqogika və psixologiya sahələrinə aid elmi-tədqiqat
hesabatları, mikrolentlər, mikrofişlər saxlanılır. Kitabxananın dövri
mətbuat fondu da xüsusi maraq doğurur. Kitabxanada respublikamızda
uzun illərdən bəri nəşr edilən, Azərbaycan pedaqoji fikir tarixində böyük
xidmətləri olan “Azər-baycan məktəbi” jurnalının arxivinin toplanıb
saxlanılması diqqətəlayiqdir.
Kitabxana oxuculara kitabxana-informasiya xidmətini günün tələbləri
səviyyəsində təşkil etmək məqsədi ilə ənənəvi forma və üsullardan
bacarıqla istifadə etməklə, öz işində ardıcıl olaraq islahatlar aparır, yeni
metodlardan istifadə edir, xidmət prosesini təkmilləşdirir və yeniləşdirir.
Kitabxananın son illərdəki nəşriyyat fəaliyyəti də xidmət prosesinin
yeniləşdirilməsinə yönəldilmişdir. Kitabxanada aparılan məlumat-
biblioqrafiya və informasiya işinin təşkili, biblioqrafik göstəricilərin və
tövsiyə siyahılarının tərtib edilməsi və nəşri oxucular üçün çox böyük
məlumat mənbəyinə çevrilmişdir. Bu baxımdan kitabxananın müxtəlif
mövzulara aid tərtib və çap etdiyi 200-dən artıq biblioqrafik göstərici
diqqəti cəlb edir. Elm və təhsilin müxtəlif sahələrinə, ayrı-ayrı elm və
maarif xadimlərinə həsr edilmiş belə biblioqrafik vəsaitlər oxucuların
elmi araşdırmalarına kömək etməklə, informasiya daşıyıcısı kimi də
oxucuların sorğularının ödənilməsində iştirak edir.
Kitabxananın tərtib etdiyi biblioqrafik vəsaitlərin, göstəricilərin və
metodik vəsaitlərin mövzusu müasir dövrün problemləri ilə
səsləşdiyindən oxucuların böyük marağına səbəb olmuşdur. Bunlara
misal olaraq “Dərsdənkənar (sinifdənxaric və məktəbdənkənar) tərbiyə
işlərinin təşkili”, “Qəzet və jurnalların cari biblioqrafik göstəricisi”,
“Yeni jurnalların retrospektiv biblioqrafik göstəricisi”, “Xalq maarifi,
pedaqogika və pedaqoji elmlərə dair göstəricilər, vəsaitlər”, “Namizədlik
və doktorluq dissertasiyalarının biblioqrafik göstəricisi”, “Mehdi
Mehdizadə”, “Əhməd Seyidov” və s. göstəriciləri göstərmək olar.
Kitabxananın fəaliyyətində məktəb kitabxanalarının metodik təminatı
mühüm yer tutur. Öz statusuna görə respublika məktəb kitabxanalarının
metodik mərkəzi hesab edilən REPK
Dostları ilə paylaş: |