Turli kirish texnologiyalarining asosiy tavsiflari, qo‘llaniladigan muhit bo‘yicha kirish texnologiyalarining klassifikatsiyasi, yangi kirish texnologiyalarining klassifikatsiyasi reja
Gigabit Ethernet IEEE 802.3z/ab (34-42 sinflar)GMII
Yüklə 254,2 Kb.
|
- Bu səhifədəki naviqasiya:
- Fast Ethernet IEEE 802.3u (21-29 sinflar) MII
- Ethernet IEEE 802.3a-t (1-20 sinflar)AUI
*H/F: yarim dupleksli (N) va to‘liq dupleksli (F) uzatish rejimi; MFS – kadrning baytlardagi minimal o‘lchami; N/A – foydalanilmaydi. Har qanday kirish texnologiyasi kabi Ethernet ham o‘z afzallik va kamchiliklariga ega. Ethernet texnologiyasining asosiy afzalligi uning masshtablanuvchanlishi, shuningdek, Ethernet uy tarmoqlarini yaratish biznes-modelining yanigiligidir. An’anaviy aloqa operatorlari investitsion modellardan foydalanishdi va PON (yangi qurilish) va DSL (tarmoqlarni modernizatsiya qilish) texnologiyasiga mo‘ljal olib, transport tarmoqlar tomonidan NGN ga “yuqoridan” harakat qilishni boshladilar. Ethernet uy tarmoqlarining yosh va katta bo‘lmagan operatorlari “biznesni kattalashtirish” modelidan foydalanib, NGN foydalanuvchilari tomonidan “pastdan” harakat qildilar. YAngi biznes-modelni qo‘llash uy tarmoqlari operatorlariga investitsion loyihalarni amalga oshirish samarasiz deb tan olingan katta bo‘lmagan shaharlar bozorini tezlik bilan egallash imkonini berdi. Xatto shahar turidagi ba’zi qishloqlarda lokal Ethernet tarmoqlari mavjud. Hozirgi vaqtda Ethernet operatorlarining shiddatli harakatlari yirik operatorlarni Rossiya biznesining yuqori darajalariga ko‘tardi. Bu Matrix, IMSYS, MSM va boshqalar kabi operatorlar abonent bazasi hajmiga ko‘ra mintaqaviy va shahar NGN operatorlari bilan bemalol raqobatlasha oladilar. Bundan tashqari, oxirgi bir necha yillar mobaynida yirik shahar va xatto milliy Ethernet tarmoqlarini shakllantirish uchun Ethernet uy tarmoqlarini sotib olayotgan moliyaviy strukturalar ham paydo bo‘ldi. Ethernet uy tarmog‘ining kamchiligi yangi biznes-modelda salbiy natijaga ega bo‘lgan - yagona texnik siyosatning yo‘qligidir. Kirish tarmoqlarini sharoitlarga qarab rivojlantirib, qurilmalarni doimiy ravishda modernizatsiyalab, topologiyani qayta qurib, Ethernet operatorlari yirik ishlovchi tarmoqlarni yarata olmadilar. Bu texnologiyani eng arzon qurilmalar, sodda tarifikatsiya sxemalari, kontentning birdaniga o‘sishi asosida qurib, bunday operatorlar, ko‘p hollarda, tarmoq rivojlanishining to‘xtab qolishi bilan to‘qnashdilar. Ethernet tarmog‘ida aloqa xizmatlari sifati hozircha past darajada qolmoqda. Kichik tarmoq chegaralaridan chiqa olgan operatorlar oxir oqibatda tarmoqni butunlay boshqatdan qurish zaruriyatiga duch keldilar. Bundan tashqari Ethernet texnologiyasining rivojlanishi ko‘plab ma’muriy rejadagi muammolar bilan bog‘liqdir. Ulardan eng ahamiyatlisi litsenziya berish, kommunal organlar bilan bo‘ladigan kelishmovchiliklardir. Bularning barchasi Ethernet texnologiyasi operatorlarining faoliyatini murakkablashtiradi va Ethernet texnologiyasining kirish tarmoqlari bozoridagi raqobatbardoshligiga salbiy ta’sir ko‘rsatadi. SHu bilan birga ushbu texnologiya asosiy rolga ega bo‘lib, Ethernet orqali NGN ga ulangan abonentlar soni o‘sib bormoqda. NGN kirish sathida asosiy rol o‘ynaydigan yana bir texnologiyalar guruhi – radioulanish texnologiyalari yoki simsiz abonent liniyalaridir (WLL). YUqorida simli kirish texnologiyalari haqida ma’lumotlar keltirildi. Ulardan har biri o‘z afzalliklariga ega: DSLoilasi texnologiyasi telefoniya operatorlarining mavjud kabel tarmoq infrastrukturasidan foydalanadi; PONtexnologiyasi o‘tkazish polosasida katta rezervni ta’minlaydi; Ethernet texnologiyasi ma’lumotlarni o‘zgartirishni masshtablashtirilgan echimlardan foydalanish hisobiga maksimal ravishda soddalashtirish imkonini beradi. Radioulanish texnologiyalari simli tarmoqlarga nisbatan qator strategik afzalliklariga ega bo‘lib, ular keng polosali kirish xizmatlarini taqdim qilish uchun radioefirdan foydalanish bilan bog‘liqdir: Qurilish harajatlari minimaldir, chunki radioulanish tizimlarini joriy etish uchun kabel tizimi talab qilinmaydi; Keng polosali kirish xizmatlaridan radioulanish tarmoqlarining xizmat doirasida joylashgan barcha abonentlar foydalanishlari mumkin; Radioulanish tarmoqlari nafaqat muqim, balki harakatdagi abonentlarga ham xizmat ko‘rsatadi. Ushbu afzalliklar radioulanish tizimlarining raqobatbardoshligini ta’minlaydi. 2.1 misolida ko‘rsatilganidek, radioulanish texnologiyasi NGN trafigini simli keng polosali kirish tizimlari o‘rnatilguncha yig‘ish imkoniyatiga ega. SHu sababli butun dunyoda radioulanish texnologiyasidan foydalanish keng polosali xizmatlar bozorini egallash strategiyasi sifatida ko‘rilmoqda. SHu bilan birga radioefirdan signallarni uzatish muhiti sifatida foydalanish qator kamchiliklarga ega: Elektromagnit xalaqitlarning ta’siri, signallarni bazaviy stansiyalardan ekranlash va boshqa faktorlar sababli radioulanish tarmoqlarida xizmatlar sifati simli tarmoqlarga nisbatan pastroqdir. Keng polosali signallarni uzatish uchun radiefir resurslari chegaralangan. Natijada radioulanish tarmoqlarining barcha standartlarida hozirgi vaqtda Triple Play konsepsiyasiga o‘tish va abonentga 20 Mbit/s dan yuqori tezlikni taqdim qilish bilan bog‘liq muammolar mavjud; Radioulanish xizmatlaridan butun xizmat ko‘rsatish hududida foydalana olishlik tarmoq abonentlarini avtorizatsiya, identifikatsiya va tarifikatsiyalash zaruriyatini birinchi o‘ringa qo‘yadi (g‘arb texnik matbuotida ushbu vazifalar kompleksi AAA qismartmasini olgan). Bunga tarmoq resurslaridan noqonuniy foydalanishni bartaraf qilish chora-tadbirlarini o‘z ichiga oluvchi tarmoq xavfsizligi sohasidagi echimlar kompleksi taalluqlidir. Radioefir resursining chegaralanganligi bitta abonentga to‘g‘ri keladigan tezlikning pasayishi yoki xizmat ko‘rsatish doirasidagi abonentlar sonining kamayishiga olib keladi. Ikkala omil ham yangi resurs va echimlarni qidirish zaruriyatiga olib keladi. Natijada oxirgi o‘n yillik mobaynida o‘nlab radioulanish texnologiyalari paydo bo‘ldi va bu jarayon dinamik tarzda davom etmoqda. Zamonaviy radioulanish tizimlari 30 MGs dan 60 GGs gacha diapazonda ishlab, turli modulyasiya va kodlash usullaridan foydalanadi va abonentlarga turli mobillik talablari bilan xizmat ko‘rsatmoqda (muqim abonentlardan mobil stansiyalargacha 150 km/s tezlikda harakatlanish bilan). SHu tarzda radioulanish texnologiyasiga bitta texnologiya sifatida qarab bo‘lmaydi, bu o‘z prinsip va qonunlariga ega bo‘lgan butun bir dunyodir. Tarixdan radioulanish tarmoqlari analog telefon radiouzaytirgichlardan tortib ma’lumotlarni uzatish tezligi 100 Mbit/s va undan yuqori bo‘lgan o‘ta keng polosali raqamli tizimlar (UWB) gacha bo‘lgan evolyusiya bosqichlaridan o‘tib keldi. Radioulanish tizimlarini shartli ravishda besh avlodga ajratish mumkin: Analog ATS larga kirishning analog vositalari (1960-y); Raqamli va analog ATS larga va ma’lumotlarni uzatish tugunlariga kirishning tor polosali raqamli tizimlari (1980-y). Bu erda birinchi bo‘lib simsiz lokal tarmoqlar standartlari (WLAN), Radio Ethernet, IEEE 802.11, 802.15 va boshqa standartlar ishlab chiqildi; IP paketli uzatish asosida raqamli radioulanish tizimlari, bu erga MMDS, LMDS texnologiyalari kirgan; 10 dan 70 Mbit/s gacha ma’lumotlar uzatish tezligiga ega bo‘lgan IEEE 802.11/802.16 standartlari asosidagi keng polosali kirish tizimlari, bunga hozirgi kunda etakchi o‘rinlarni egallab kelayotgan Wi-Fi va WiMAX texnologiyalari kiradi; 100 Mbit/s va undan yuqori ma’lumotlar uzatish tezligiga ega bo‘lgan o‘ta keng polosali kirish tizimlari (UWB). NGN tarmoqlarini rivojlantirish uchun faqat 4-5 avlod texnologiyalari to‘g‘ri keladi. 2-3 avlod tizimlari talabchan bo‘lmagan abonentlar uchun kirish vositasi sifatida qo‘llanilishi mumkin. Radioulanish tizimlarining umumlashtirilgan strukturasi 3.15-rasmda keltirilgan. Keng polosali kirish abonentlari radiotarmoqqa abonent qurilmalari (radiomodemlar) dan foydalangan holda kirib, ularning kirishiga abonent ma’lumotlari uzatiladi, chiqishda esa abonent radiosignali shakllantiriladi. Abonent qurilmalari PCMCIA videokarta yoki tashqi qurilmalar ko‘rinishida realizatsiya qilinishi mumkin. Radiosignal radioulanish tizimining bazaviy stansiyasiga uzatiladi va u erda yana foydalanuvchi ma’lumotlariga o‘zgartiriladi. Radioulanish tizimlarining bazaviy stansiyalari simli tarmoq kanallari orqali birlashtirilib, kommutatsiya, marshrutizatsiya, foydalanuvchilarni avtorizatsiya qilish, billing va boshqa masalalar hal qilinadigan tayanch tarmoqni shakllantiradi. 10.12-rasm.Radioulanish tizimining umumlashtirilgan sxemasi Radioulanish tizimlari radiointerfeys, tarmoqning xizmat ko‘rsatish zonasi va chiziqli interfeys parametrlari bilan farqlanadi. Xizmat ko‘rsatish zonasi barcha kirish tizimlarini besh kategoriyaga ajratadi: global (WAN), regional tarmoqlar (RAN), shahar (MAN), lokal (LAN) va shaxsiy tarmoqlar (PAN). Radioulanish tizimlarining xizmat ko‘rsatish zonasi sotalarga ajratilib, ularning har biri alohida bazaviy stansiyalarning xizmat ko‘rsatish doirasida bo‘ladi. Radioulanish tizimlari bir va ko‘p sotali bo‘lishi mumkin. Sota hajmiga qarab radioulanish tizimlari uch kategoriyaga ajratiladi: 30 km gacha o‘lchamli makrosotali tarmoqlar; 3 km gacha o‘lchamli mikrosotali tarmoqlar; 100 m gacha o‘lchamli pikosotali tarmoqlar. Makrosotali tarmoq texnologiyasi WAN, RAN va MAN tarmoqlarini o‘rnatish uchun foydalaniladi. Mikrosotali texnologiyalar LAN va MAN tarmoqlarida foydalaniladi. SHaxsiy tarmoqlarda (PAN) pikosotali tarmoqlar texnologiyasi foydalaniladi. Radiointerfeysning asosiy parametrlari signallarning ishchi stansiyalari, kanallarni ajratish usullari va modulyasiya prinsiplaridan iborat. 3.16-rasmda analog va raqamli radioulanish tizimlarining ish diapazonlari va ularda qo‘llaniladigan kanallarni ajratish prinsiplari keltirilgan. Rasmdan ko‘rinib turganidek, zamonaviy radioulanish tizimlari echimlarning ko‘pligi bilan farqlanib, ulardan aksariyati (rasmda ajratilgan) zamonaviy NGN tarmoqlarida kirish vositalari sifatida samarali foydalanilishi mumkin. NGN tamroqlariga oson integratsiyalanadigan radioulanishning istiqbolli va radioulanish tizimlarining eng zamonaviylari sifatida ikki texnologiyani ko‘rib chiqamiz: Wi-Fi va WiMAX. Wi-Fi texnologiyasi. Boshida ushbu texnologiya simsiz LAN tarmoqlarni hosil qilish uchun ishlab chiqilgan, ammo hozirda Internetga simsiz kirish texnologiyasi sifatida foydalanilmoqda. Bugungi kungacha ushbu texnologiyaning ilova sohasiga, asosan, agar bir oilada bir necha Internet foydalanuvchilari bo‘lganida xona tarmoqlari kirar edi. Bugungi kunda Wi-Fi MAN, RAN va hatto WAN ni hosil qilishda samarali qo‘llanilib kelinmoqda. Wi-Fi texnologiyasi NGN konsepsiyasida qisqa vaqtda samaradorligini namoyon qilishi bilan qiziqish uyg‘otadi. Wi-Fi tizimi tarmog‘ining bitta bazaviy stansiyasi (hotspot) bir vaqtda o‘nlab abonentlarga keng polosali kirish xizmatlarini taqdim qila oladi. Simli kanallar talab qilinmagan holda katta tezliklarni ta’minlash - Wi-Fi ni keng miqyosda foydalanish mumkin bo‘lgan kirish texnologiyasiga aylantiradi. Wi-Fi, odatda, jamoat joylarida kirish tizimi sifatida foydalaniladi (Internet-kafe, standionlar, aeroportlar, vokzallar, supermarketlar, mehmonxonalar va h.k.). 10.12-rasm.Zamonaviy radioulanish tizimlarining radiointerfeys parametrlari . Zamonaviy noutbuk va cho‘ntak kompyuterlarida Wi-Fi funksiyalarining realizatsiya qilinishi ushbu texnologiyadan jamoat joylarida foydalanishni osonlashtiradi. Wi-Fi tizimi bilan jihozlangan texnogen zonalar ushbu texnologidan turli telemexanika tizimlarida samarali foydalanish imkoniyatlarini beradi. Hozirgi vaqtda butun dunyoda Wi-Fi zonalarini birlashtirish va rouming funksiyasiga ega bo‘lgan yirik Wi-Fi tarmoqlarini yaratish ishlari olib borilmoqda. Bunga McDonald’s tarmog‘i misol bo‘la olishi mumkin – dunyo bo‘ylab 6000 dan ortiq hotspot (kirish nuqtalari) joriy qilingan. SHuningdek, milliy va xalqaro Wi-Fi operatorlar paydo bo‘ldi, bunga misol tariqasida birinchi bo‘lib Swisscom Eurosport (aeroport, restoran, bar va hokazolar tarmoqlari) ni keltirish mumkin va ushbu Wi-Fi tarmoqlari butun Evropa Ittifoqi hududiga xizmat ko‘rsatadi. Rossiyada Wi-Fi texnologiyasi sohasida yirik loyiha sifatida Golden Telecom operatorining Golden Wi-Fi tarmog‘ini keltirish mumkin. Ushbu tarmoqni 2007-2008 yillarda rivojlantirishning birinchi o‘rindagi vazifalari sifatida Moskva va Sankt-Peterburg shahar hududlarini qoplash rejalashtirilgan. Moskvaning butun hududini qoplash ko‘zda tutilgan (10.13-rasm.) Hozirgi vaqtda Wi-Fi texnologiyasi to‘liq ravishda “mobil Internet” konsepsiyasiga moslashtirilgan bo‘lib, bu texnologiyai hammaning e’tiboriga loyiqdir. SHu qilib, Wi-Fi –kirish tarmoqlarini tashkil etishning etakchilikka nomzod bo‘lgan juda asosiy usulidir. Zamonaviy tijorat Wi-Fi tarmoq texnologiyasi tarmoqni ikki asosiy tizimostiga ajratishni nazarda tutadi: foydalanuvchilarni uchratish mumkin bo‘lgan nuqtalarda o‘rnatiladigan trafikni kirish nuqtalari (hotspot) sifatida yig‘uvchi tizimostilari va foydalanuvchilarni identifikatsiya qilish serveri, billing serveri, servisni boshqarish Web-portali, Radius avtorizatsiya serveri va hokazolar mavjud bo‘lgan boshqaruv tizimostilari. 10.13-rasm.Golden Wi-Fi loyihasida Moskva shahrida Wi-Fi xizmatlarini ko‘rsatish zonasi Hotspot lar mashrutizatorlar yoki Internet orqali o‘zaro bog‘lanadi. Har bir foydalanuvchi tijorat xizmatiga ulanishdan oldin billing bilan bog‘liq bo‘lgan avtorizatsiya protsedurasidan o‘tishi kerak. Buning uchun u identifikatsiya Web-portaliga kiradi (masalan, to‘lov kartasini aktivlashtiradi) va o‘z huquqlarini ro‘yxatdan o‘tkazadi. Endi foydalanuvchi hisobida to‘lov vositasi borligicha keng polosali kirishning barcha xizmatlaridan foydalanishi mumkin. Hotspot ichida tizim ichki kommutatorlar va eng asosiysi alohida kirish kontrolleriga ega bo‘lishi mumkin bo‘lib, u barcha hotspot foydalanuvchilari o‘rtasida va taqsimlangan Wi-Fi o‘rtasida interfeys rolini bajaradi (9.14-rasm), bu asosan Wi-Fi xizmat ko‘rsatadigan nobirjinsli zonalarga tegishlidir (masalan, aeroport, mehmonxonalar, biznes-markaz va boshqalar). Xizmatlar va ular haqidagi axborotlar tarmoq Web-portali doirasida hotspot portalidan o‘rin olgan. Foydalanuvchi Wi-Fi tarmog‘i xizmatlaridan foydalana olishi uchun uning so‘rovi ketma-ket ravishda tarmoqning uch elementidan o‘tishi kerak bo‘ladi: kirish kontrolleri, Radius boshqaruv serveri va identifikatsiya Web-portali. 9.15-rasmdan kelib chiqadiki, foydalanuvchini identifikatsiya qilish jarayoni (AAA protsedurasi) maxsus yuqori sath signalizatsiya protokollaridan foydalanishga qaratilgan murakkab algoritmdan iboratdir. Wi-Fi tizimlari radiointerfeysining parametrlari WLAN IEEE 802.11a/b/g/h/j/n standartlarida taklif qilingan. Ushbu standartlarda Wi-Fi tizimlarining ikkita ish diapazonlari nazarda tutilgan: 2,4...2,5 GGs (IEEE 802.11b/g uchun) va 4,9...5,9 GGs (qolgan standartlar). Wi-Fi tizimida ma’lumotlarni almashinish tezligi standartga bog‘liq ravishda 11, 50 va 100 Mbit/s dan ortiq bo‘lishi mumkin (yangi IEEE 802.11n standarti uchun). Tizimlarda ma’lumotlar simmetrik yoki ADSL yoki PON ish rejimlarini eslatuvchi asimmetrik tarzda uzatilishi mumkin. Wi-Fi texnologiyasi bizning tadqiqotimiz uchun nafaqat istiqbolliligi sababli, balki to‘rtinchi avlod radioulanish tizimlarining, xususan, WiMAX texnologiyasining ishlash prinsiplari haqida tushuncha berganligi uchun qiziqish uyg‘otadi. Yüklə 254,2 Kb. Dostları ilə paylaş:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||