57
yazmışdır: “Mühasibat uçotu bütün elm və incəsənətdən yuxarıda durur, çünki onların hamısının
uçota ehtiyacı olduğu halda uçotun heç kimə ehtiyacı yoxdur. Mühasibat uçotu olmadan, yəqin ki,
dünya idarə olunmaz olardı və insanlar bir-birini başa düşməzdilər” [3]. XVIII-XIX əsrlərdə
mühasibat uçotu geniş mənada bir elm olduğunu göstərdi. Mühasibat uçotunun inkişaf tarixi bir
neçə əsri əhatə edir və bu dövrdə hər bir ölkə mütəxəssisləri mühasibat uçotunun daha da inkişafı və
mühasib peşəsinin təkmilləşdirilməsi üçün özlərinin əsaslı fəaliyyətlərini göstərmişdilər. Mühasibat
uçotunun ümumi prinsipləri ilə yanaşı, hər bir ölkədə milli uçot məktəbi inkişaf etmiş və bununla da
ölkələrin iqtisadi xüsusiyyətləri əks olunmuşdur. Hal- hazırda dünya ölkələrində müxtəlif təsərrüfat
fəaliyyəti ilə əlaqədar yeni informasiyalara olan tələbat elə səviyyədə artmışdır ki, onlar haqqında
hətta bir neçə il əvvəl düşünmək belə mümkün deyildi. Beləliklə, mühasibat uçotunun dünya
ölkələri arasında iqtisadi inteqrasiyanın genişlənməsi böyük miqdarda beynəlxalq korporasiyaların
yaradılması uçotun milli metodoloji və texniki prinsiplərinin icra olunmasında müəyyən çətinliklər
ortaya çıxardı. XX-ci əsrin 70-ci illərində uçot sistemləri arasında olan fərqli prinsiplərin olması da
çətinliklərə səbəb olurdu və bu şəraitdə dünya ölkələrində mühasibat uçotunun standartlaşması
ideyası ortaya çıxdı. Nəticədə, 29 iyun 1973-cü ildə Mühasibat uçotu beynəlxalq standartlar
Komitəsi yaradıldı və bu günə kimi 41 adda Beynəlxalq standart hazırlanmışdır. Müasir dövrdə
mühasibatlıq bütün təsərrüfat sahələrində maliyyə əməliyyatlarının uçotu ilə yanaşı - planlaşdırma
idarəetmə qərarlarının qəbul olunmasını, müəssisə fəaliyyətinin təhlilini və qiymətləndirilməsini
yerinə yetirir [1].
Mühasib peşəsinin fəaliyyətini layiqli qiymətləndirmək və onların təsərrüfat fəaliyyətində
rolunu artırmaq məqsədilə mühasiblərin 1946-cı ildə keçirilən beynəlxalq konqresində mühasibin
gerbi təsdiq edilmiş və bu münasibət mühasib peşəsinin rolunun daha da artdığını və həmin ixtisasa
olan marağın genişləndiyini nümayiş etdirmişdir. Mühasibin ən vacib keyfiyyəti onun prinsipiallığı,
həqiqətə olan iradəsi və vicdanının tələbi üzrə işləmək əsasında mövcud olan ölkə qanunvericiliyinə
uyğun prinsipləri yerinə yetirməkdir. Mühasibin diqqətlilik, düzgünlük, əməksevərlik, dözümlülük
keyfiyyətlərinə malik olması vacib şərtlərdir. Azərbaycan Respublikası müəssisələrində mühasibat
xidməti 24 mart 1995-ci il tarixli “Mühasibat uçotu haqqında” Azərbaycan Respublikası qanunu ilə
tənzimlənir. Həmin Qanuna görə, müəssisələrdə mühasibat xidmətini onun müstəqil struktur
bölməsi olan mühasibatlıq həyata keçirir. Mühasibatlıq işlərinə rəhbərlik baş mühasib tərəfindən
icra olunur. Müəssisənin baş mühasibi müəssisə tərəfindən həyata keçirilən bütün təsərrüfat
əməliyyatlarının mühasibat uçotu hesablarında düzgün əks etdirilməsini, ona nəzarəti, operativ
məlumatların təqdim edilməsini, mühasibat hesabatlarının müəyyən edilmiş müddətlərdə tərtib və
təqdim edilməsini, təsərrüfatın daxili ehtiyatlarının aşkara çıxarılmasını, müəssisənin maliyyə
təsərrüfat fəaliyyətində iqtisadi təhlilin həyata keçirilməsini təmin edir.
Peşəkar mühasib mütəxəssislərin hazırlanması təcrübəsini ABŞ-ın timsalında nəzərdən
keçirək. ABŞ-da mühasib ixtisasının iki yüz ildən artıq inkişaf tarixi vardır və dünya ölkələri uçot
sistemində yüksək etibar qazanmışdır. Sahibkarlıq fəaliyyətində mühasiblik üzrə biznes daimi və
mənfəətli sahələrdən biri hesab olunur. Kütləvi ixtisaslar içərisində mühasib ixtisası ən yüksək
ödənişli, geniş yayılmış, nüfuzlu ixtisas sayılır. Qeyd olunanlarla yanaşı, mühasib biznesi daha
məsuliyyətli sahibkarlıq fəaliyyəti hesab olunur. Mühasib fəaliyyəti üzrə boş yeri tutmaq üçün
iddiaçı bir sıra mürəkkəb keyfiyyət göstəriciləri üzrə sınaqdan keçməlidir. ABŞ-da ancaq
«Diplomlu ictimai mühasib» rütbəsi olan şəxslər, yəni ali təhsil keyfiyyətinə malik mütəxəssis-
mühasiblər peşəkar, etik normalara cavab verən şəxs hesab olunur. Belə rütbə ancaq müstəqil
mühasiblərin Mili Assosiasiyası tərəfindən verilir. Bu adı almaq istəyən şəxsin ali universitet
təhsili, aşağı mühasib vəzifələrində işləmək-təcrübəsi olmaqla, müstəqil mühasiblər
assosiasiyasında xüsusi tərtib olunmuş proqram üzrə imtahan verməlidir. Amerika müəssisələrində
mühasibat uçotunun təşkili, aparılması və onun ümumiyyətlə idarə olunmasında geniş təşkilati
quruluş mövcuddur. Mühasibat uçotunun idarə olunması ilə əlaqədar olaraq müəssisələrdə, əsasən,
aşağıdakı vəzifələr müəyyən olunur:
Abdullayev L.İ., Quluzadə Ç.Ə.
58
-maliyyə məsələləri üzrə prezident müavini; (Maliyyə məsələləri üzrə prezident müavini
amerika müəssisəsinin idarəetmə quruluşunda yüksək vəzifə hesab olunmaqla, onun funksional
vəzifəsinə müəssisənin iqtisadiyyatına rəhbərlik etməklə mühasibat xidmətinin faydalı fəaliyyətini
icra etməsidir.)
-daxili auditor (təftişçi); (Daxili auditor (təftişçi) vəzifəsi müəssisənin idarəetmə quruluşunda
əhəmiyyətinə görə prezident müavinindən sonra maliyyə məsələləri üzrə ikinci mühüm şəxs hesab
olunur.)
-nəzarətçi; (Nəzarətçi müəssisənin mühasibat uçotu xidmətinə bilavasitə rəhbərlik edir. Onun
vəzifəsi hazırda bizdə müəssisələrdəki baş mühasiblərin apardıqları funksional vəzifələrə
uyğundur.)
-baş mühasib; (Baş mühasib vəzifəli şəxs olmaqla bilavasitə nəzarətçinin tabeçiliyində işləyir.
Baş mühasib mühasibat uçotunun təşkili və müəyyən sahə uçotunun aparılması vəzifəsini icra edir.)
Dünyanın bir sıra ölkələrində mühasibin etik kodeksinin əsas qaydalarına məsuliyyət, ictimai
maraq, düzgünlük, qərəzsizlik, müstəqillik, vəzifəninin tələb olunan səviyyədə icrası, məxfiliyi
gözləmək normaları daxildir:
-məsuliyyət prinsipinə görə - mühasib öz fəaliyyəti üzrə tam peşəkarlıq və mənəvi məsuliyyət
daşıyır.
-ictimai maraq prinsipinə görə - mühasib öhdəsinə götürür ki, ictimai marağı yüksək
səviyyədə gözləməklə, özünün bütün fəaliyyətində bunu əsas olaraq qəbul etməlidir.
-düzgünlük prinsipinə görə mühasib özünün peşəkarlıq vəzifəsini vicdanlı və düzgün icra
etməli, bilərəkdən aldanma hallarına yol verməməli, onu əhatə edən işçi heyətinin inamını
qazanmalıdır.
-qərəzsizlik və müstəqillik prinsipinə görə - mühasib bütün hallarda peşəkarlıq obyektivliyini
qorumalı və mübahisəli məsələlərin həllində həmin prinsiplərin saxlanmasını təmin etməlidir.
-vəzifənin tələb olunan səviyyədə icra olunması prinsipinə görə - mühasib funksional
vəzifəsini ümumi qəbul olunmuş uçot standartları, norma, prinsiplərə uyğun olaraq icra etməklə
yanaşı, müasir dövrdə istifadə olunan mühasibat uçotunun metodoloji prinsiplərini yerinə
yetirməlidir.
-məxfiliyi gözləmək prinsipinə görə - mühasib müəyyən informasiyanı digər şəxslərə
bildirməməyi gözləməli və bu sahədə marağı olan şəxsin razılığı olmadan belə faktın kənar şəxsə
bildirilməsinə yol verilməməlidir.
Elmi yeniliyi: Xarici ölkələrdə (ABŞ-ın timsalında) mühasib fəaliyyətinin öyrənilməsi
əsasında uçotun müasir tələblərə uyğun olaraq formalaşması xüsusiyyəti məlum olur. Eyni zamanda
mühasibat uçotunun idarə olunması ilə əlaqədar müəssisələrdə bir sıra vəzifələr də müəyyən olunur
və bu vəzifələrin icrası nəticə etibarı ilə peşəkar mühasiblərin hazırlanmasını tələb edir.
Tətbiqi əhəmiyyəti: Mühasiblik fəaliyyətinin səmərəli şəkildə təşkil olunması ölkədə
beynəlxalq standartlara uyğun uçot qaydalarının və maliyyə hesabatlarının tətbiqi əhəmiyyətini
artırır.
ƏDƏBİYYAT
1.
Rzayev Q.R. Mühasibat uçotunun beynəlxalq standartları və maliyyə hesabatı. Dərs vəsaiti. Bakı:
Adiloğlu, 2004, 176 s.
2.
Rzayev Q.R. Beynəlxalq mühasibat uçotu və audit. Dərs vəsaiti. Bakı: Təhsil, 2000, 171 s.
3.
www.maliyye.gov.az
Xarici ölkələrdə mühasibatlıq fəaliyyəti (ABŞ-ın timsalında)