I fəsil. Uşaq kitabxanalarında oxucuların
kitabxana-informasiya təminatı
Müasir cəmiyyətdə uşaq və gənclərin
kitabxana-informasiya təminatı onların intellektual
səviyyəsinin yüksəldilməsinə təsir edən əsas
amillərdən biridir. Hazırda uşaq və gənclərə xidmət
edən kitabxanalarda bu prosesin icrası prioritet
məsəllərdən
biri
kimi
xüsusilə səciyyələnir.
Məlumdur ki, kitab ənənəvi informasiya vasitəsi
olaraq bütün zamanlarda öz aktuallığını qoruyub
saxlayıb. Amma bəzən onların illərlə saxlanılması ,
nəsildən- nəslə ötürülməsində problemlər yaranır.
Bu problemi aradan qaldırmaq üçün texnoloji
baxımdan daha yaxşı inkişaf etmiş ölkələr zamanın
tələbinə uyğun olaraq lazımi tədbirlər görüb. Elə
bunun nəticəsidir ki, indi dünyada ənənəvi
kitabxanalarla yanaşı elektron kitabxanalar da
mövcuddur. Çünki müasir kitabxanalarda elektron
resursların yaradılmasına böyük tələbat var.
İstifadəçi, əsasən öz maraq dairəsinə uyğun
müxtəlif sahələr üzrə mükəmməl, zəngin elektron
resursların yaradılması və onun mütəmadi olaraq
yeni məlumatlarla yeniləşdirilməsi ilə zəruridir.
Təbii ki, belə bir işi internet və texniki vasitələrin
köməyindən istifadə etməklə həyata keçirmək
mümkündür.
Bu gün respublikamızda geniş kitabxana-
informasiya şəbəkəsinə malik olan kitabxanalar
mövcuddur. Ölkədə kitabxanaların fəaliyyətinin
yaxşılaşdırılması, onların maddi-texniki bazasının
möhkəmləndirilməsi, müasir tələblərə cavab verən
texnologiya və proqram təminatı ilə, Azərbaycan
kitabxanalarının dünya informasiya məkanına daxil
olmasının təmin edilməsi ilə əlaqədar Azərbaycan
Respublikasının Prezidenti İlham Əliyev 20 aprel
2007-ci il tarixli "Azərbaycanda kitabxanaların
fəaliyyətinin yaxşılaşdırılması haqqında" Sərəncam
imzalanmışdır.
Sərəncam
Azərbaycan
Respublikasının Mədəniyyət və Turizm Nazirliyi və
Azərbaycan Respublikasının Rabitə və İnformasiya
Texnologiyaları Nazirliyinin birgə işi sayəsində
həyata keçirilir. Belə ki, sərəncama əsasən
kitabxanalar modernləşməli, müasir informasiya
texnologiyaları ilə təmin edilməli, Azərbaycan
regionlarında fəaliyyət göstərən kitabxanalar təmir
olunmalı, ölkənin iri kitabxanalarının elektron
kataloqu
və
elektron kitabxanasının müasir
standartlar səviyyəsinə qaldırılmalı və onun
bazasında "Azərbaycan ədəbiyyatının virtual
kitabxanası" nın oxucuların tam istifadəsinə
verilməsini təmin etməlidir.
Hörmətli prezident İlham Əliyevin bu
sərəncamını əsas tutaraq, uşaq kitabxanalarına
kömək məqsədi ilə "Uşaq kitabxanalarında
informasiya
texnologiyalarının
tətbiqi
və
multimedia
zalının
təşkili"
adlı
vəsait
hazırlanmışdır.
Vəsait
informasiya
texnologiyalarının tətbiqini, multimedia zalının
təşkilini əsas götürməklə, ölkə kitabxanalarının öz
işlərini bu istiqamətdə görməsinə kömək
göstərmək və onları düzgün istiqamətləndirmək
məqsədi daşıyır.
Ölkəmiz qədim dövrlərdən başlayaraq milli-
mənəvi sərvətləri, xüsusilə kitab mədəniyyəti ilə
seçilmiş və zəngin kitabxanaları ilə tanınmışdır.
Belə kitabxanalardan biri də respublikada uşaq
kitabxanaları üzrə elmi metodik mərkəz sayılan
F.Köçərli adına Respublika Uşaq Kitabxanasıdır.
F.Köçərli adına Respublika Uşaq Kitabxanası
müstəqillik illərində Azərbaycan mədəniyyətinin
inkişafı və mədəni sərvətlərimizin mühafizə
olunaraq gələcək nəsillərə çatdırılması, dünya
kitabxanaları səviyyəsinə qalxması istiqamətində
mühüm
addımlar
atmış
mədəniyyət
müəssisələrindəndir. Belə ki, bir çox dünya
kitabxanaları ilə əlaqədar yaradılmış, onların iş
təcrübələrindən istifadə etməklə uşaqlara kitabxana
xidmətində ən müasir metod və formalar tətbiq
olunmuşdur. F.Köçərli adına Respublika Uşaq
Kitabxanası 1965-ci il yanvarın 1-də Mədəniyyət
Nazirliyinin qərarı ilə M.Qorki adına kitabxananın
fondu əsasında yaradılmışdır. EMŞ-si respublikada
uşaqlara xidmət edən kitabxanalar üçün elmi-
metodik mərkəzdir. Kitabxana artıq 50 ildir
fəaliyyət göstərir. Kitabxanaın fondunda 270000-
dən çox kitab var. Hazırda kitabxanada 9 şöbə, 5
bölmə, 2 filial fəaliyyət göstərir. 12 sentyabr 1967-
ci ildən Azərbaycan Respublikası Mərkəzi
Komitəsinin 25 saylı sərəncamına əsasən uşaq
ədəbiyyatının inkişafında mühüm xidmətləri olan,
Azərbaycan ədəbi dilinin saflığı uğrunda daim
mübarizə aparmış Azərbaycan ədəbiyyatşünası,
pedaqoq, maarifpərvər, uşaq folklor antologiyasının
banisi Firidun bəy Köçərlinin adını daşıyır. 1965-ci
ildə Respublika Uşaq kitabxanasının yaradılması
uşaqlara kitabxana xidmətinin və onun metodik
təminat sisteminin formalaşmasında irəliyə atılmış
ciddi addım oldu. Belə ki, görkəmli alim və
Dostları ilə paylaş: |