“Uzluksiz kasbiy rivojlantirish – 2022” loyihasi
Yüklə 0,55 Mb. Pdf görüntüsü
|
| A.AVLONIY NOMIDAGI XALQ TA’LIMI MUAMMOLARINI O‘RGANISH VA ISTIQBOLLARINI BELGILASH ILMIY-TADQIQOT INSTITUTI “Uzluksiz kasbiy rivojlantirish – 2022” loyihasi Fandagi yangiliklar, fanni o‘qitishning dolzarb masalalari moduli bo‘yicha “ Informatika va axborot texnologiyalari fanini o‘qitish metodikasi ” o‘quv kursining “Zamonaviy darsliklar va elektron resurslardan o‘quv jarayonida foydalanish usullari” mavzusidan ma’ruza matni Ma’ruzasi: Abdullajonov Arabboy Ibroxim o‘g‘li Toshkent 2021 2-Mavzu: Zamonaviy darsliklar va elektron resurslardan o‘quv jarayonida foydalanish usullari Reja: 1. Zamonaviy darsliklar va elektron resurslardan foydalanish usullari va yondashuvlari. 2. Informatika va axborot texnologiyalari fanidan yaratilgan darsliklar va ularning strukturasi. 3. Ta’limga oid elektron xizmat ko‘rsatish manzillari. Axborot-kommunikatsiya texnologiyalari so‘nggi yillarda jamiyatni o‘zgartirdi. Shu bilan birga katta mehnat migratsiyasi, rivojlanmagan ijtimoiyinfratuzilma qashshoqlik va ishsizlikning yuqori darajasi, infratuzilmaning eskirganligi, kadrlar kompetensiyalarining kasbiy rivojlanish strategik maqsadlariga nomuvofiqligi, intellektual mulkni himoya qilish muammolari, oliy ma’lumot olish imkoniyatlarining, yuqori texnologiya va ilm-fanga asoslangan ishlab chiqarishning rivojlanmaganligi, malakali xodimlarning yetishmasligi, o‘rta bo‘g‘in rahbar va xodimlarning past darajadagi axborot-kommunikatsiya texnologiyalari (AKT)dan foydalanish malakasi, ishchilarda mehnatga nisbatan rag‘batning kamligi, ishchi va muhandis-texnik kasblar obro‘sining tushgani, eskirgan ish usullaridan foydalanish kabi muammolar o‘z yechimini kutmoqda. Jamiyatda raqamli texnologiyalarning yangi to‘lqini kutilmoqda, bu esa barcha sohalarni rivojlantirishda innovatsiyalarning rolini kuchaytiradi. Raqamli texnologiyalarni rivojlantirishda kechikish milliy iqtisodiyotning raqobatbardoshligini pasaytirishi, shuningdek, o‘sib borayotgan geosiyosiy raqobat sharoitida uning zaifligini oshirishi mumkin. Xususan, jamiyatda kutilayotgan raqamli texnologiyalar sharoitida umumta’lim maktablarida “Informatika va AT” fanini o‘qitish o‘quvchilarda kreativ axborot-kommunikatsion kompetensiyasi, innovatsion ko‘nikmalarni shakllantirish, ularda maktabdan keyingi ta’lim bosqichi yoki mustaqil hayotga qadam qo‘yishda zarur bo‘ladigan tayanch kompetensiyasiyasi va dunyoqarashini shakllantirishda asosiy yechim bo‘lib xizmat qiladi. Shu o‘rinda umumta’lim maktablarining informatika va AT fani o‘quvchilari hamda o‘qituvchilariga darsliklardan tashqari qo‘shimcha foydalanish uchun o‘qituvchi kitoblari, metodik qo‘llanmalar, mediaresurslar kerak bo‘ladi. Shu bilan bir qatorda ularning dunyo qarashini kengaytirish, Internetdan oqilona foydalanish ko‘nikmalarini shakllantirish, bu borada o‘qituvchilarning muhim o‘rinlari ahamiyatlidir. Informika va AT fanini rivojlantirish uchun fanga alohida veb-sayt www.dr.rtm.uz ishga tushirilgan bo‘lib, fanga qo‘shimcha foydalanish uchun kontentlar joylashtirib boriladi. Yüklə 0,55 Mb. Dostları ilə paylaş:
|