|
Vahimə pozuntusu
|
tarix | 21.05.2023 | ölçüsü | 15,25 Kb. | | #111755 |
| vahime pozuntusu
Vahimə pozuntusu
Vahimə pozuntusundan əziyyət çəkən insanları panik hücumlar narahat edir. Panik hücum – qorxu və təşviş hissinin şiddətli tutmasıdır. Belə tutma özünü müxtəlif əlamətlər (simptomlar) şəklində göstərir. Panik hücumlar zamanı rastlanan başlıca simptomlar:
Başgicəllənmə, insana elə gəlir ki, indi huşunu itirəcək;
Huşunu itirmək, dəli olmaq, hərəkətləri üzərində nəzarəti itirmək qorxusu;
Ölüm qorxusu;
Güclü ürəkdöyünmə, sanki “ürəyi yerindən qopacaq”;
Təngnəfəslik;
Hava çatışmazlığı, boğazda spazm, boğulma hissi;
Döş qəfəsində ağrı;
Güclü tərləmə;
Titrətmə, daxili əsmə hissi;
Ürəkbulanma, qarında ağrılar;
Əllərdə və ayaqlarda keyləşmə, yaxud gizilti hissi;
Baş verənlərin gerçək olmaması (reallığın itirilməsi) hissi.
Əksər hallarda vahimə tutmaları 2-3 dəqiqədən, yarım saata qədər (orta hesabla 10-15 dəqiqə) davam edir. Tutmaların tezliyi müxtəlifdir: ildə 1-2 tutmadan, hər gün dəfələrlə təkrarlanmayadək. Bundan əlavə, panik hücumlar aqorafobiya və digər əsəb pozuntularında da bir əlamət kimi meydana çıxa bilər. Əhalinin 3-5%-i ümumi təşviş pozuntusundan əziyyət çəkir. Təşviş pozuntusunun əsas təzahürlərindən biri kimi vahiməli pozuntu geniş yayılmışdır. Qadınlar arasında bu xəstəliyə kişilərə nisbətən 2 dəfə çox rast gəlinir.
Dostları ilə paylaş: |
|
|