Kalitlarni almashish algoritmlari asosan ikki va undan ortiq tomonlarning himoyalanmagan kanalda ma‘lumotlarni bir-biriga uzatishdan oldin simmetrik algoritmlar uchun shifrlash kalitlarini hosil qilish uchun ishlatiladi. Algoritmlar shifrlash va elektron raqamli imzo shakllantirish uchun qo‗llanilmaydi.
Bu algoritm 1976 yilda Whitfield Diffie va Martin Hellmanlar tomonidan taklif etilgan. 2002 yilda Xelman bu algoritmni yaratishda Ralf Merklning hissasi kata ekanligini va nomlash lozim bo‗lsa Diffi-Xelman- Merkl deb nomlanishi kerakligini aytgan.
Algoritmni ikkita tomon uchun ko‗rib chiqaylik. 1-tomon A, 2-tomon B bo‗lsin. Himoyalanmagan kanal orqali ma‘lumotlarni almashishdan oldin quyidagilar bajariladi: n – katta tub son tanlanadi, g – natural son tanlanadi, u n dan kichik va darajalari n moduli bo‗yicha qoldig‗i takrorlanuvchi siklga tushmaydigan son bo‗lishi kerak.
A tomon: ∀ x < n bo‗lgan katta son tanlaydi va hisoblaydi: A=g x mod n va natijani B tomonga jo‗natadi. B tomon uni qabul qilib oladi.
B tomon: ∀ y < n bo‗lgan katta son tanlaydi va quyidagi formula bo‗yicha B=g y mod n natijani hisoblab A tomonga jo‗natadi. A tomon uni qabul qilib oladi.
A tomon: B tomon jo‗natgan ma‘lumotni o‗zining tanlagan soni x darajaga oshirib hisoblaydi va kalitni hosil qiladi: B x mod n = g xy mod n – kalit.
B tomon: A tomon jo‗natgan ma‘lumotni o‗zining tanlagan soni y darajaga oshirib hisoblaydi va kalitni hosil qiladi: A y mod n = g xy mod n – kalit.
Topilgan g xy mod n qiymatdan kalit sifatida foydalaniladi. Algoritmdan tomonlar uchta va undan ko‗p bo‗lganda ham foydalanish mumkin.
Dostları ilə paylaş: |
