86
XX əsrin 70-ci illərində dünya kapitalizm sistemin-
də təkrar istehsal prosesi şərtlərinin xeyli dəyişməsi, enerji
böhranı, iqtisadi artım templərinin zəifləməsi, müxtəlif
xammal növlərinin çatışmaması, daxili və xarici bazarlar-
da satış həcminin azalması, inflyasiya əlamətləri moneta-
rizm nəzəriyyəsi müddəalarının yayılmasına, habelə təsər-
rüfat həyatında dövlət siyasəti səviyyəsində tətbiqinə əlve-
rişli imkanlar yaratmışdı.
Dünyanın müxtəlif ölkələrində, xüsusilə də postsovet
və postsosialist məkanında formalaşmış müstəqil dövlət-
lərdə, o cümlədən də Azərbaycan Respublikasında, mone-
tarizm ideyalarının müəyyən cəhətlərindən yaradıcılıqla
istifadə olunmuşdur.
Monetarizmlə bağlı və onun davamı kimi formalaşan
iqtisadi təklif konsepsiyası, mahiyyətcə M.Fridmenin me-
todoloji prinsiplərinə əsaslanmasına baxmayaraq, bir sıra
iqtisadi problemlərə yanaşmada fərqlənir. Bu mövqeyin
tərəfdarları və davamçıları, məcmu təklifi stimullaşdır-
maq, istehsalı və məşğulluğu fəallaşdırmaq xəttini əsas-
landırmağa çalışmışlar. Onlar bazar iqtisadi sistemini tə-
sərrüfatçılığın təşkilinin optimal forması və təkamül yolu
ilə qərarlaşmış təbii fəaliyyətin nəticəsi kimi qiymətlən-
dirmişlər.
Bu konsepsiyanın tərəfdarları əsaslandırmağa çalış-
mışlar ki, ölkədə yaranan təbii işsizliyin başlıca səbəbi
dövlətin həyata keçirdiyi sosial təminat sistemidir.
ABŞ iqtisadçısı A.Lafferin və onun tərəfdarlarının
qeyd etdikləri kimi geniş miqyaslı sosial proqramların
reallaşdırılması, dövlət büdcəsinin xərclərini artırır, bu isə
vergi dərəcələrinin yüksəldilməsini şərtləndirir. Büdcədə
87
kəsir yaranmasını qəbul etməyən iqtisadi təklif mövqeyin-
də duranlar, problemin həlli üçün başqa yolların olduğunu
göstərmişlər. Onlar büdcəyə daxilolmaları, vergi islahat-
ları və dövlətin sosial xərclərini azaltmaq vasitəsilə aradan
qaldırmağı irəli sürmüşlər. Eyni zamanda vergiləri aşağı
salmaq və vergiyə cəlb olunanların əhatəsini genişləndir-
məklə, iqtisadiyyatı stimullaşdırmağın mümkün olduğunu
tövsiyə etmişlər. İqtisadiyyatın dövlət tənzimlənməsi mə-
sələsində isə onların mövqeyi, bu prosesin uzunmüddətli
xarakter daşıması və əmtəələrin, kapitalın, habelə digər
istehsal amillərinin təklifin stimullaşdırılmasına xidmət
göstərməyə yönəldilmişdir.
Monetarizm ideyaları ilə əlaqəli iqtisadi konsepsiya-
lardan biri də, səmərəli gözləmə konsepsiyasıdır. Ötən əsrin
70-ci illərində formalaşmış bu elmi - nəzəri baxışların nü-
mayəndələri arasında amerikalı R.Lukas, C.Mut, T.Sar-
cent, M.Uolles kimi alim və mütəxəssislər olmuşlar.
Bu konsepsiya, iqtisadi nəzəriyyənin mikroiqtisadi
səviyyəsinin prinsiplərinə əsaslansa da, eyni zamanda va-
hid iqtisadi nəzəriyyənin mikroiqtisadi və makroiqtisadi
bölmələri arasında əlaqə yaratmağa yönəlmişdir. Məqsəd
ondan ibarətdir ki, həm iqtisadçılar, həm də siyasətçilər öz
fəaliyyətlərinin nəticələrinin dəyişkən xarakter daşıdığına,
müəyyən gözləmə taktikasının mümkün təsirinə, mikroiq-
tisadi və makroiqtisadi problemlərin qarşılıqlı təsir əla-
qəsinə lazımı diqqət yetirsinlər. Bu istiqamətdə dövlətin
iqtisadiyyata müdaxiləsi nə qədər az olarsa, cəmiyyətin
iqtisadi-sosial problemlərinin həllində son nəticələr nəzərə
alınmaqla, konkret addımlar atılarsa, şübhəsiz ictimai-iqti-
sadi səmərəlilik meyarları daha da yüksək olacaqdır.
88
MÖVZU 5
TƏSƏRRÜFAT FƏALİYYƏTİNİN İCTİMAİ
TİPLƏRİ VƏ ONUN TƏŞKİLİ
a)
Maddi nemətlər istehsalı və onun əsas şərtləri.
b)
Cəmiyyətin təsərrüfat həyatının tarixi təkamülü.
c)
Məhsuldar qüvvələr və istehsal münasibətləri.
ç) Əmək kooperasiyası və əmək bölgüsü.
d)
Təsərrüfat fəaliyyətinin müxtəlif tipləri.
Müxtəlif ictimai - siyasi quruluşların və cəmiyyətlə-
rin iqtisadi əsasını, onun yaşayıb inkişaf etməsinin təmə-
lini - maddi nemətlərin (xidmətlərin) istehsalı, habelə fasi-
ləsiz surətdə təkrar istehsalı prosesi təşkil edir. Bu mənada
maddi nemətlərin istehsalı və təkrar istehsalı cəmiyyətin
iqtisadi bazasını, maddi-texniki fundamentini təşkil edir.
İnsanların gündəlik həyat və tələbat qayğıları maddi
nemətlərin istehsal olunmasını, müxtəlif təyinatlı xidmət-
lər göstərilməsini zəruri edir. Məlumdur ki, insanların
yaşaması və fəaliyyət göstərmələri üçün onlar ilk növbədə
yeməli, ərzaq məhsulları ilə təmin olunmalı, mənzil, pal-
tar, yanacaq əldə etməli, müəyyən xidmətlərdən faydalan-
malıdırlar.
Hələ min illər bundan qabaq oda sitayişlə bağlı zər-
düştlüyün müqəddəs kitabı sayılan «Avesta»da deyilirdi
ki, ac adamlara hətta ən müqəddəs və müdrik sözlər də az
təsir edər. Çünki yaxşı qidalanmayan millətin nə qüvvətli
əsgərləri, nə sağlam nəsli, nə də sanballı alimləri ola bilər.
Deməli, maddi nemətlər istehsalı və müxtəlif xidmətlər
göstərilməsi, bəşər cəmiyyəti inkişafının müxtəlif mərhə-
89
lələrində onun yaşamasını, irəliyə doğru hərəkətini, yüksə-
lişini şərtləndirən həlledici amil rolunu oynamışdır.
Əlbəttə, həyat yalnız maddi istehsaldan, yaxud cə-
miyyətin iqtisadi bazisindən ibarət deyildir. Maddi nemət-
lərlə yanaşı, insanların mənəvi dəyərlərə də, yəni elmə,
təhsilə, mədəniyyətə, incəsənətə, musiqiyə, tamaşaya bax-
mağa, konsertə getməyə də ehtiyacı vardır. Dövlət aparatı,
idarəetmə, inzibati-hüquq orqanları da daxil olmaqla bü-
tün bunlar cəmiyyətin üstqurumunu təşkil edir. Bu mənada
bütövlükdə cəmiyyətin ictimai-siyasi, iqtisadi-sosial, mə-
dəni həyatı bir-birini tamamlayan və qarşılıqlı təsirdə
fəaliyyət göstərən bazis və üstqurumdan ibarətdir. Lakin
bu pozulmaz vəhdət daxilində bazis, cəmiyyətin iqtisadi
təməli kimi aparıcıdır. Normal yaşayıb inkişaf edən cə-
miyyətdə bazislə üstqurumun uyğunluğu, sanki uçan qu-
şun qoşa qanadlarını xatırladır.
Təsadüfü deyildir ki, hazırda BMT müxtəlif ölkələ-
rin sırf iqtisadi göstəriciləri ilə yanaşı, onların iqtisadi-
sosial və mədəni səviyyəsini səciyyələndirən «ölkənin
ictimai inkişaf indeksi» adlı göstəricidən də istifadə edir.
Bu indeks hər hansı bir ölkənin ümumiləşdirici iqtisadi
göstəriciləri ilə yanaşı, orada iş həftəsinin uzunluğu, əhali-
nin orta ömrü, təhsil, elm, mədəni səviyyəsi nəzərə alın-
maqla müəyyənləşdirilir.
Həmin indeks göstəricilərinə əsasən müasir dünya
ölkələrinin dəyişən sıralanması belədir: Kanada, Yaponi-
ya, Norveç, İsveçrə, İsveç, ABŞ, Avstraliya, Fransa,
Niderland, İngiltərə, Almaniya, İslandiya və başqaları.
Cəmiyyətlərin quruluşundan və formasından asılı ol-
mayaraq, müxtəlif təyinatlı maddi nemətlərin, habelə xid-
mətlərin varlığı üçün insan əməyi (iş qüvvəsi), əmək ci-
Dostları ilə paylaş: |